1 Ion 4:8 - Kanasi

⁸ God, me ipa nuawadawada. Sa baiwa apana mida mai nuawadawada bedewe wainipona, me mai God atensapona, dia.

1 Ion 4:8 ပူးပေါင်းရင်းမြစ်များ

2 Korint 13:11

Tauma ne gagalona ompa osowe winene auwaledina, sosona niapo! Eba ewonunadewae dewa uduudu bedewe dodomana os dewasanune wanlempa! Wasaula gagalo ema girumantene dialena nualawo teamono winompo insamonune ruauitonuna. Do awodeaitonune insaisala dea os wadonuna. E epe dewaitonuna God, me mida nuawadawada ita wanwan euda bumpa, ipa e do wankasaitana.

Epesus 2:4

No kadi dewasaite aleu bedewe bobopa wainite, sa baiwa God nuasigasigawa donsapona. Tane me nuaparewa debamawaida ita me no nuawadawadaidanene baiwa no Keriso do deanene bo bedewe inaneno ina sanaa wadatana. No mai dima euda dewasapono me inanepona, dia, tane me di inanen. Ema ipa God nuawadawadawa amonawa di neneno wadatana.

1 Ion 1:5

Tane benema no God Otopa mampe etate benemaleitana ipa ema epe: God ipa sapa, me bedewe mai dubawa da wineipona, dia.

1 Ion 2:4

Tane mida wapiase, “Ne God ateina,” ita God anaanawa wadia mai ruawaleipona, apana sa ipa lagawaa, me bedewe ulaipa mai wineipona, diaida.

1 Ion 2:9

Apana mida wadiase, “Ne sapa bedewe wainedina,” tane sumanai sosowa nibuamompa, me mapo ita tauma dubawa bedewe wande.

1 Ion 3:10

Ema mampe no sabamoido eweitana mida God obampa ita mida Seitan obampa: Apana mida mai dodomana dewasaipona ba sumanai sowaida mai nuawadawadasaipona, me ipa mai God mampea wainipona, dia.

1 Ion 3:6

Sa baiwa me mida Iesu bedewe wandia mai kadi dewasampe waimpa, dia. Tane mida kadi dewasadia, me Iesu mai ewapona ba atensapona, diaida.

1 Ion 4:16

Tane no nubaida winene God nuawadawadawa atentene sumanaiwanten. God ipa nuawadawada. Sa baiwa apana mida nuawadawada bedewe wandia, me nuawadawada sa mampe sabamosade me God bedewe wande ita God me bedewe.

1 Ion 4:7

Nuana sosowa, no sumanailala ideita nuawadawadantonta, ipawa nuawadawada bumpawa ipa God bedewe winede. Sa baiwa mida nuawadawada bedewe wandia, me bumpawa ipa God bedewe, ita me God atemba.