1 Ion 4:17 - Kanasi

¹⁷ No nuawadawada bedewe wainenta God kotuwa walamawa wisepio mai sawantata, dia. Tane no badowa God danawe enata, ipawa tawo ema osowe no Keriso waina rua wainitana. Ema bedewe no ewate atentata nuawadawada no bedembo inilene ipuipua debamalene sapaidaleide.

1 Ion 4:17 ပူးပေါင်းရင်းမြစ်များ

Matiu 10:15

Ne ulaipa dialedina, bola Sodom ita Gomora kotu walamawe pokawa etapu. Tane e bola dawo aitile wileilano bola sa apanawa dabualeie eleia matangelau rebarebaida osouwolepio poka etaidasapu, mai Sodom ita Gomora apanawa ruau!”

Matiu 11:22

Kotu walamawe Taire ita Saidon apanawa matangelau pokawa etapu, mai dia. Tane e Korasin ita Betisaida apanawa kotu walamawe matangelala rebarebaida osolawolepio poka etaidasana, mai Taire ita Saidon apanawa ruau.

Matiu 11:24

Ne dialedina, kotu walamawe Sodom apanawa poka etapu, tane e ipa poka debamawaida etana!”

Matiu 12:36

Ne dialedina, kotu walamawe apana uduudu aia kerauda ita debama rebareba waia kotuwantopu.

Gagalo euda Iesu Keriso umanawa Ion girumalena 15:20

Mo e nibualempo pokawa etonune aiana diaimaalena insena: Nola dewalala uduudu mo onioniau apanawa atowe waimoi, mo mai onioniau apanawa amboiamoipe ionontoipe waimoipona, dia. Ne e Debamala wainedino nibuaneie onana eneio nolantedine leidina, deawaa e ne nolana dewalala wainilana nibualempe onala enompa, mai dia. Ita apana isiwa ne waeuwana wadeie ruawantoie waimoia rua deawaa e waeuwala mo etompe ruawantompa.

Gagalo euda Iesu Keriso umanawa Ion girumalena 17:22

Sapaida ne neaana mo wanamona mo deaidantompe waimompaa baiwa ambi e ne nata deaida wainitana rua.

Paul letawa sumanailala Rom bedewe waimoia mampo girumalena 8:29

Apana mo mida God bauta sonabamona me awoa teamona, me Otopaida inainamba ruawa dewamopio segantopua baiwa. Inta ema bedewe Iesu me wanwamba uaria bedeuwo me ipa tautuaida mo do wampu.

Ibru 9:27

God insaisawa ituno winedia rua apana uduudu mo walama dea os bontopue ita aupe God danawe enapu kotu baiwa.

Iems 2:13

Ne epe wadina, ipawa apana mida sosowa mai nuapareuleipona di badoleidie wandia, deawaa God me kotusampa walamawe mai nuaparewalepi, dia. Tane me mida sosowa nuapareuleidia mai God kotuwa sawalepi, dia.

Iems 2:22

E eueuwa ema ewale ateiten, ba dia? Abraam dewa nata wadadomon: Me God bedewe sumanaileidie do dima God diena ruawa eueuwa dewamodie. Me God dima diena simbiawalena baiwa me sumanaiwa badoidalen, ita God ewena me sumanaiwa ipa dodomana os.

2 Pita 2:9

Eueuwa ema uduudu sabamosade Tatamba God me sawantoia apanawa poka bedewe saumopie inamopia intawa atembaida. Tane do kadi dewalala apanawa matangelamopia intawa me atemba. Ita apana sa teamono tauma waimoi kotu walamawa wisepia baiwa.

2 Pita 3:7

Tane God aiawa ipa deawaa mampe uba ita tawo tauma ituno winedia ando ia iilawo kadisapia baiwa. God uba ita tawo eno winedia apana God sawasiawaia kotu ita kadi donsapua walamawa wisepio tauma uduudu kadilepituwapi.

1 Ion 2:28

Obaina, ne wasauledina e Keriso bedewe wankasaitana, mai ene waeuwa da lagawaa bedeweitana. E epe dewaitonuna Keriso wiwisa walamawe no mai sa ba mala do me nambanepe enata, dia.

1 Ion 2:5

Tane mida God aiawa ruawaleidia, apana sa ipa God nuawadawadaidasade. Tane apana dainea wapiase, “Ne Keriso nata deantene me bedewe wainedina,” mida epe wampa me ideita Iesu Keriso waina ruawa waimpa. Ema epe inta no atenten no ipa me bedewentene wainitana.

1 Ion 3:1

God no Mamamba nuawadawada inainamba dainea no baimba dewasana insene asowaida wana! Me nuawadawada ema bedewe no ebomba wane wanase, “Ne obaina!” Me epe wana, sa ipa mai aia os wapona, dia, no ipa me obampaida wainitana! Tane tawo ema osowe no ware rua wainitana, ita tawo no mai ateineipona no apa aitamana God obampa wanantene wainitana. Tawo Keriso mai ewape atensapona baiwa no do ewakoanei.

1 Ion 3:3

No insaisamba me bedewe ituitana, sa baiwa no uduudu mida insaisamba epe rua wadeitana kadi uduudu miteitaaubeite euntitana, Keriso meba euda os wandia rua.

1 Ion 3:7

Obaina, mai mida eno lagalepie banlakadisalepi! Mida dodomana dewasadia, me ipa dodomanaida wande, Keriso meba dodomanaida wandia rua.

1 Ion 4:12

Mai mida da God ibuwa ewapona, dia. Tane naita no nuawadawadantonta, ema mampe no sabamosaitana God no bedembolene wande ita me nuawadawadawa no bedembo nolaleide. Ema bedewe God nuawadawadawa ipawaida sabamoleidie sapaidaleidio apana ewei. Sa baiwa no ideita nuawadawadantonte wainenta.