Zekaria 9:6 - Baibuli Ekibono kya Katonda 2014

⁶ Mu Ashidodi mulibaamu abantu ab'omusaayi omutabike. Era Musengwa Katonda akoba ati: “Ndireetera Abafilisiti abo abeetwala okuba aba ghaigulu, okwewombeeka.

Zekaria 9:6 ပူးပေါင်းရင်းမြစ်များ

Omulangirizi 6:2

Katonda aja yaagha omuntu okuba omukombe, yaaba n'ebintu kamaala, era yaaba n'ekitiibwa, nga ghazira kintu ky'atali nakyo. Aye ate Katonda oyo yaaloba okumuganha okweyagalira mu bintu ebyo, kabiri omuntu atamanhiibwa naire yaabyeyagaliramu. Ekyo kiziramu muganhulo, era kiruma inho.

Isaia 23:9

Musengwa Katonda Afuga Amagye n'eyaleetera ebyo okubaagho, asobole okumalagho okwekuluntaza kwaibwe, era aise ghansi abo abazira muntu wundi abasinga kuba na kitiibwa mu nsi.

Isaia 28:1

Obwakyabazinga bwa Isiraeli bukagwireku, olw'abantu baamu okwekuluntaza n'okuba abatamiivu. Ekitiibwa kyaibwe kiri kuwaagho, ng'oti n'engule dh'ebimuli edhinialiire ku mitwe gy'abakulembeze baibwe, abatamiira ni bawaamu.

Yeremia 47:1

Agho nga kyabazinga wa Misiri akaali kulumba Gaza, Musengwa Katonda yayogera ninze ebigema ku Filisitia.

Danieli 4:37

“Era mperaano, nze Nebukadinezzari nsaaka Katonda ow'eigulu, naamugulumiza era naamutaamu ekitiisa kuba by'akola byonabyona bituufu era tasaliriza nsonga. Abo abeetwala okuba aba ghaigulu abaisa.”

Amosi 1:8

Era nja kuzikiriza abafuzi ababa mu bibuga Ashidodi ni Ashikeloni, era mbonereze ekibuga Ekuroni, n'Abafilisiti abaliba bawoniegho bazikirire.”

Zefania 2:10

Ekyo n'ekija okuba ekibonerezo eky'Abamoabu n'Abammoni olw'okwekuluntaza kwaibwe, n'olw'okuvuma n'okwesuutira ku bantu ba Musengwa Katonda afuga amagye.

Zefania 2:4

Ekibuga Gaza kija kulekebwa agho kyereere, n'ekibuga Ashikeloni kyona kija kuwolongera. Abantu ab'omu kibuga Ashidodi baja kubingibwamu mu kitundu butundu kya lunaku. N'ekibuga Ekuroni kija kuzikirizibwa.

Zekaria 9:5

Ekibuga Ashikeloni kiribona ebyo, kyatya. Gaza kiritengera olw'obulumi, ni Ekuroni kyona kyalumwa okubona ng'eisuubi lyakyo liwoiregho. Gaza kirifiirwa kyabazinga waakyo, ni Ashikeloni kyasigala agho kityo nga kiziramu bantu.

Zekaria 9:7

Ndibalekeza okuliira omusaayi mu mamba, n'okulya ebintu ebindi byonabyona ebyenhinhalwa. Abaliwonagho boona balitwalibwa ng'abantu bange, baaba ng'oti n'ekindi ku bika kya Yuda. Abantu ab'e Ekuroni boona balifuuka bantu bange, ng'Abayebusi bwe baafuuka.

1 Petero 5:5

Mu nsambo n'endala imwe abato mubenga bawulize eri abakulu mu myaka. Mwenamwena mubenga bawombeefu, nga kiisi mulala agheereza mwine. Kuba ebyaghandiikibwa bikoba biti: “Katonda atakania abeekudumbaza, aye abeewooya abooleka ekisa.”