Zekaria 9:4 - Baibuli Ekibono kya Katonda 2014

⁴ Aye bona eno, Musengwa Katonda alikitoolaku ebintu byakyo byonabyona, yaawoloba obukombe bwakyo mu nhandha. Era omuliro gulyokya ekibuga ekyo gwakisaaniagho.

Zekaria 9:4 ပူးပေါင်းရင်းမြစ်များ

Ensambo 10:2

Eby'obukombe ebifunibwa mu kukola ebibi biziramu muganhulo, aye obutuufu buwonia omuntu okufa.

Ensambo 11:4

Ku lunaku Katonda lw'alamuliraku abantu, okuba omukombe kizira kye kiyamba, aye obutuufu buwonia omuntu okufa.

Isaia 23:11

Musengwa Katonda agololeire omukono gwe ku nhandha, yaayuuzayuuza obwakyabazinga bungi. Alagiire ebifo eby'okwewogomamu eby'e Kanaani babizikirize.

Ezekieli 26:17

Balirira amaziga ku lulwo nga bakoba bati: Wo, ozikiriire iwe ekibuga ekibaire ekimanhifu einho. Iwe owalinga n'amaato ag'amaani ku nhandha. Iwe n'abatyamye bo mwaleeteranga abantu abasaabala ku maadhi okutya okw'amaani!

Ezekieli 28:16

Weemalira inho mu by'okusuubula byakuleetera okukozesa obukambwe, waakola ebibi. Kale naakubinga ku lusozi lwange olutukuvu ng'oli mwonoonefu. Era kikerubi ekyakukuumanga kyakubingirira okukutoola mu mabaale ag'omughendo agamirimiinha.

Ezekieli 28:18

Olw'ebibi byo olukunkumuli n'obukupankupania obungi mu kusuubula kwo, waleetera ebifo byo ebisinzibwamu okwonooneka. Kyenava ni ntumbusa omuliro mu iwe gwakwokya, abo boonaboona abakulingangaku baabona ng'osiriire ofuuse ivu.

Ezekieli 28:2

“Iwe omuntu, kobera omufuzi ow'e Tiro oti nze Musengwa Katonda ndi kumukoba nti: Olw'okwekudumbaza kw'oli nakwo, weeyeta katonda. Okoba oti niiwe otyama ku kityamo kya bakatonda, eyo ghagati mu nhandha. Ate nga oli muntu buntu toli katonda naire, waire nga weetwala okuba ng'oli katonda mulamba.

Ezekieli 28:8

Balikwita baakusindika e magombe. Era olifa ng'abo abaitirwa eyo mu nhandha ghagati.

Yoeli 3:8

Ndidha kuleetera batabane baimwe ni baghala baimwe okutundibwa mu Bayudaaya. Ate boona bamale babaguze Abasabea, eighanga eriri eyo eghala einho. Nze Musengwa Katonda, ninze nkobye.

Amosi 1:10

Kale nja kusindika omuliro gwokye ekimante ekyezungulwire ekibuga ekyo Tiro, era gusenkeenhe ebifo byakyo byonabyona eby'okwewogomamu.”

Zekaria 9:5

Ekibuga Ashikeloni kiribona ebyo, kyatya. Gaza kiritengera olw'obulumi, ni Ekuroni kyona kyalumwa okubona ng'eisuubi lyakyo liwoiregho. Gaza kirifiirwa kyabazinga waakyo, ni Ashikeloni kyasigala agho kityo nga kiziramu bantu.