Zekaria 9:3 - Baibuli Ekibono kya Katonda 2014

³ Tiro kyamala okwezimbaku ekimante ekigumu okukyezungulula, kyabunga feeza omungi ng'oti nkungu, ni zaabu omungi ng'oti bityanka bya mu nguudo.

Zekaria 9:3 ပူးပေါင်းရင်းမြစ်များ

2 Samueli 24:7

Agho baatuuka e Tiro mu kifo eky'okwewogomamu, baamala baaja mu bibuga byonabyona eby'Abahivi n'Abakanaani, era baaja baabita mu kiketezo kya Buyudaaya ekikalukalu ku luuyi olw'omukono omusaadha olw'e buvandhuba, baatuuka e Beerisheba.

1 Bakyabazinga 10:21

Ebintu byonabyona ebya kyabazinga Solomoni bye yakozesanga ku by'okunhwa, byali bya zaabu. Era ebintu byonabyona ebyakozesebwanga ku by'okulya mu ndhu eyayetebwanga Ekibira kya Lebanoni, byali bya zaabu mukenenule. Tighaaligho kintu kyonakyona kya feeza, kuba mu biseera bya Solomoni, feeza tiyatwalibwanga ng'ekintu eky'omughendo.

1 Bakyabazinga 10:27

Mu biseera bye, feeza yayala mu Yerusalemu, yaaba mungi ng'oti bwa mabaale. N'emivule gyaba mingi ng'oti miti emisikamore egy'omu biketezo eby'omu biiko.

Yobu 22:24

Suula ere zaabu wo mu nkungu, ni zaabu wo omukenenule ow'e Ofiri omusuule mu mabaale ag'omu mwiga.

Yobu 27:16

Omubi ni bw'alyesololeza empiiya edhitabalika, n'abunga ebivaalo ebisinga ni ku bye yeetaaga,

Yobu 3:15

Nanditendwike ghalala n'abalangira abaidhuzanga endhu dhaibwe zaabu ni feeza.

Isaia 23:11

Musengwa Katonda agololeire omukono gwe ku nhandha, yaayuuzayuuza obwakyabazinga bungi. Alagiire ebifo eby'okwewogomamu eby'e Kanaani babizikirize.

Isaia 23:8

Naani eyaleetera ebyo okutuuka ku Tiro ekibuga bakyabazinga mwe batyama, era ekibuga ekirimu abasuubuzi abakologho, abazira muntu wundi abasinga kuba na kitiibwa mu nsi?

Ezekieli 26:12

Balyagaaza eby'obukombe byo n'eby'obusuubuzi byo ye biriba yoonayoona, baabinhagulula. Baamenhagho ebimante byo ebikwezungulwire, era baasaaniagho n'endhu dho enungi. Baatoola amabaale go, n'embaawo dho, n'ebintu byo ebindi bye boonoine, baabisuula mu nhandha.

Ezekieli 27:27

Obukombe bwo n'ebintu byo bye wasuubulanga, abantu abaakubanga enkasi okukuvuga n'abakozi baaku abandi, abaatambuzanga bye wasuubulanga, n'abaisirukale bo boonaboona abaali mu iwe, n'abantu abandi boonaboona abaali mu iwe, abo boonaboona baadimira ghagati mu nhandha, ku lunaku olw'okuzikirira kwo.

Ezekieli 27:33

Ebintu byo bye waleetanga okuva mu nhandha, byesiimisanga abantu kamaala mu bwetaavu bwaibwe. Waaleetera bakyabazinga kamaala okukombaghala olw'obukombe bwo n'olw'ebyo bye wasuubulanga.

Ezekieli 27:34

Aye Mpegaano enhandha ekumenhiemenhie, ebintu bye wasuubulanga byonabyona, n'abakozi bo boonaboona baadimira ghalala n'iwe mu maadhi amaleeyi.’

Ezekieli 28:1

Kabiri Musengwa Katonda yankoba ati:

Amosi 1:9

Musengwa Katonda akoba ati: “Abantu ab'e Tiro bakoze ebibi emikuzi kamaala. N'olw'ensonga eyo nteekwa buteekwe okubabonereza kuba baatwala abantu ab'eighanga eiramba mu bunhage mu nsi Edomu, baaloba kukuuma ndagaano ye baakola.

Yoshua 19:29

Olwo yaakyuka yaabita e Rama, yaatuuka e Tiro ekibuga ekyezungulwirwa ebimante ebigumu. Kabiri yaakyuka yaabita e Hosa era yaakoma ku Nhandha Eyaghagati. Era yaazingiramu n'ebibuga bino: Makalabu, Akazibu,