Zekaria 9:17 - Baibuli Ekibono kya Katonda 2014

¹⁷ Bwenebwene ensi eriba nungi era ng'esikiriza! Abalenzi n'abaghala tibalibulirirwa ngaano ya kulya, waire okubulirirwa omwenge ogw'emizabbibu ogw'okunhwa, basobole okuba obukalamu.

Zekaria 9:17 ပူးပေါင်းရင်းမြစ်များ

Zabbuli 144:12

Batabane baife nga bali kwisuka bagwananga baaba oti bisimbe ebikula n'amaani ni baghala baife baaba ng'oti n'empango endholige, edhigemerera endhu ya kyabazinga mu nsonda.

Zabbuli 145:7

Baidha kulomboodhanga nga bw'oli omulungi einho, bembenga inho ku butuufu bwo.

Zabbuli 27:4

Ekintu kirala kiti kye nsaba Musengwa Katonda, kye nhenda kiri kirala nti mbenga mu ndhu ya Musengwa Katonda enaku dhoonadhoona edh'obulamu bwange, okulingirira obulungi bwa Musengwa Katonda, n'okumusaba angalagire;

Zabbuli 31:19

Bwenebwene ebirungi biri kamaala, by'oterekeire abo abakutya. Abantu boonaboona babona by'okolera abo abakwesiga.

Zabbuli 36:7

Okugonza kwo okutakoma nga kwa mughendo inho! Oghambaatira abaana b'abantu ng'oti n'enkoko bw'eghambaatira obwana bwayo.

Zabbuli 45:2

Iwe osinga abasaadha abandi boonaboona abali ku nsi obulungi. Bw'oyogera ghazira ayenda olekere, olw'ekyo Katonda yakugha enkabi edhitaja kukuvaaku.

Zabbuli 50:2

Katonda oyo ayakaayakana ng'ali mu Sioni ekibuga ekituukiriire mu bulungi bwakyo.

Zabbuli 86:15

Aye iwe Musengwa Katonda, niiwe Katonda asaasira era agemerwa abantu ekivunika, olwagho okusungughala, ogonza abantu obutalekera era oli mwesigwa inho.

Zabbuli 86:5

Wo Musengwa Katonda iwe oli mulungi, onsonigha era tolekera kugonza abo abakusinza.

Zabbuli 90:17

Wo Musengwa Katonda waife, tukusaba enkabi dho dhibenga n'ife, kiisi kye tugemaku kitujiirenga bukalamu bwenebwene ghabule ekitulema.

Okuvaayo 15:11

Wo Musengwa Katonda, mu bakatonda boonaboona, naani ali ng'oti niiwe? Naani ali n'obutukuvu obutiisa ng'oti niiwe? Naani aghanga okukola ebintu ebyewuunhisa era ebyoleka amaani ng'oti niiwe?

Olwembo 5:10

Omugonzi wange anhirira era aboneka bulungi; mu bantu omutwalo omulamba (10,000), yenka n'abonekamu.

Olwembo 7:9

Omunwa gwo bye gwogera biwooma ng'oti n'omwenge ogw'emizabbibu ogusingayo bulungi. Ogwo n'omwenge ogugwaniire okunhwebwa omugonzi wange, gumubite mu kanwa ni mu maino, gumughegheeze amamiro.

Isaia 33:17

Mulibona kyabazinga mu kitiisa kye, era mwabona n'ensi enene einho y'afuga.

Isaia 63:15

Wo Musengwa Katonda, ng'oli eyo mu igulu y'oba mu butukuvu bwo ni mu kitiisa kyo, ganha otulingeku eno ghansi. Okutulumirwa kwo n'amaani go biri gha? Obwo tokaatugonza, waire okutusaasira?

Isaia 63:7

Ndiromboodha nga Musengwa Katonda bw'atugonza nga talekera, era naamusaaka olw'ebyo byonabyona by'atukoleire. Era ndimusaaka kuba ayoleike ekisa ekitaloodheka eri ab'endhu ya Isiraeli, olw'okusaasira kw'ali nakwo okwidhwire okugonza okungi einho.

Yeremia 31:12

Baliidha baayemba n'amaani nga basagamba ku lusozi Sioni. Era baaba basangaavu olw'ebirabo bye mbagha: engaano, omwenge ogw'emizabbibu, omuzigo ogw'ebibala eby'emiti emyoliva, entaama, n'ente. Baliba ng'oti n'enimiro efukirirwa amaadhi obukalamu, era nga tibadhulirira kintu kyonakyona.

Yeremia 31:14

Ndigha bakabona emere enhingi einho esinga bulungi, naagha n'abantu bange byonabyona bye beetaaga. Nze Musengwa Katonda, ninze nkobye.”

Yoeli 2:26

Mwidha kubanga n'eby'okulya kamaala ebinaabaigusanga, ni musaaka eriina lyange nze Musengwa Katonda waimwe, eyabakolera ebyewuunhisa. Abantu bange tibaliirayo kabiri kuswazibwa.

Yoeli 3:18

Mu kiseera ekyo, ensozi dhiriidhula enimiro dh'emizabbibu, n'obusozi bwaidhula ente edhikamwa. Obwiga bw'omu Buyudaaya bwonabwona buliidhula amaadhi. Era ghalibaagho ensulo ey'amaadhi erikuuluula ng'eva mu isinzizo lya Musengwa Katonda, yaaja yaafukirira Ekiiko eky'e Shittimu.

Yoanne 1:14

Kibono yaafuuka omuntu yaaba mu ife ng'aidhwire ekisa n'amazima. Twabona ekitiisa kye, ekitiisa ng'eky'Omwana wa Lata omulala bedengedenge.

Yoanne 3:16

Atyo Katonda bwe yagonza abantu ab'oku nsi, yaaghaayo Omwana we omulala bedengedenge kiisi amwikiriza alobe kuzikirira aye afune obulamu obutawaagho.

Ab'e Roma 5:20

Amateeka gaidha ekibi kyeyongere. Aye ekibi ye kyakoma okweyongera, n'ekisa kya Katonda ye kyakoma okweyongera.

Ab'e Roma 5:8

Aye Katonda ayolekera irala nga bw'atugonza, kuba bwe twali nga tukaali mu bibi byaife, Kurisito yatufiirira.