Zekaria 9:15 - Baibuli Ekibono kya Katonda 2014

¹⁵ Musengwa Katonda oyo Afuga Amagye alikuumanga abantu be, yaabaleetera okuzikiriza abazigu baibwe, baabatyankirira. Balitamiira okuyugha omusaayi gw'abazigu, baaba ng'oti n'abatamiire omwenge. Era omusaayi ogwo guliba mungi ng'oti n'ogw'emisengo, gwe bayugha n'ekibya ku alutaari ni gutoonherera ku nsonda dhaayo.

Zekaria 9:15 ပူးပေါင်းရင်းမြစ်များ

Yobu 41:28

Tosobola kugibingisaagho kasaale. Amabaale ag'ensuumulo gaba ng'oti bikabakaba ku yo.

Zabbuli 78:65

Agho Musengwa Katonda yaazuuka ng'oti n'ava mu ndoolo, era ng'oti n'omuntu ow'amaani asuuyiriire olw'okunhwa omwenge ogw'emizabbibu.

Okuvaayo 27:2

Ku alutaari okwo oidha kukoleraku ebintu ebiri ng'oti mayiga ga nsolo ku nsonda dhaayo eina. Amayiga ago ghalala ni alutaari yeene oidha kubikola nga biri kintu kirala, nga tibyawukainemuuku naire. Bw'omala, alutaari yoonayoona oidha kugirimbyaku ekyuma eky'ekikomo.

Olwembo 1:4

Ntwala y'oli kuja tuve ghano mangu, onhingize ewuwo iwe kyabazinga wange. Twidha kusangaala tusagambire ghalala n'iwe; era tusaake inho okugonza kwo, kuba kusinga omwenge ogw'emizabbibu. Abakwegomba batuufu okukwegombanga.

Olwembo 5:1

Mwanhinaze iwe omugole wange, ndidhie mu nimiro yange, naasoloza obuwoowo bwange obwa mirra n'obuwoowo obundi, naalya ku mudheenene gwange ogw'endhuki ni ku bisasala byagwo, era naanhwa ni ku mwenge gwange ogw'emizabbibu ni ku mata gange. Imwe abagonzania, mulye era munhwe, munhwere irala mwigute omukwano.

Olwembo 7:9

Omunwa gwo bye gwogera biwooma ng'oti n'omwenge ogw'emizabbibu ogusingayo bulungi. Ogwo n'omwenge ogugwaniire okunhwebwa omugonzi wange, gumubite mu kanwa ni mu maino, gumughegheeze amamiro.

Isaia 37:35

Ndidha kulwanirira ekibuga kino nkikuume, ku lwange ni ku lw'omugheereza wange Daudi.’ ”

Isaia 55:1

Musengwa Katonda akoba ati: “Mwidhe mwenamwena abali endiwo, mwidhe aghali amaadhi. N'imwe abazira mpiiya mwidhe, mugule emere mulye. Mwidhe mugule omwenge ogw'emizabbibu n'amata aghazira kusasula naire.

Abalevi 4:18

Agho aidha kutoolangaku omusaayi ogundi, yaagusiiga ku bintu ebiri ng'oti mayiga ga nsolo ebiri ku alutaari eri mu maiso ga Musengwa Katonda. Omusaayi gwonagwona ogusigairegho anaagufukanga ku ntobo y'alutaari eyokerwaku ebigheebwayo, eri ku mulyango gw'Eweema ey'Okwagaananirangamu ni Musengwa Katonda.

Abalevi 4:25

Agho Kabona anainhikanga olwala lwe mu musaayi ogw'ensolo eyo, yaagusiiga ku bintu ebiri ng'oti mayiga ga nsolo ebiri ku alutaari eyokerwaku ebigheebwayo. Ogusigairegho yaagufuka ku ntobo y'alutaari eyo.

Abalevi 4:7

Agho aidha kutoolangaku omusaayi ogundi, yaagusiiga ku bintu ebiri ng'oti mayiga ga nsolo ebiri ku alutaari eniokezebwaku obubbaani obw'akawoowo mu maiso ga Musengwa Katonda, eri mu Weema ey'Okwagaananirangamu ni Musengwa Katonda. Omusaayi gwonagwona ogusigairegho anaagufukanga ku ntobo y'alutaari eyokerwaku ebigheebwayo, eri ku mulyango gw'Eweema ey'Okwagaananirangamu Musengwa Katonda.

Mika 5:8

Abaisiraeli abo abaliwonagho eyo mu maghanga, baliba ng'oti n'empologoma eri kuyiiga ensolo edh'omu nsiko mu kibira, oba eri kuyiiga entaama mu kyayiro. Kiisi y'etuukaku egituumiraku yaagikankanula nga ghazira isuubi lyonalyona lya kuwona.

Zekaria 10:5

Abantu b'omu Buyudaaya baliba ng'abalwani ab'omu lutalo ab'amaani, nga batyankirira abazigu baibwe mu bisoodo eby'omu nguudo. Balirwana baghangula n'abazigu baibwe ab'oku mbalaasi, kuba nze Musengwa Katonda ndi ghalala nabo.

Zekaria 10:7

Olwo abantu b'omu Isiraeli baliba ng'oti n'abalwani abaziramu ntete. Era mule baliba basanhuukirivu ng'oti n'abanhweire omwenge ogw'emizabbibu. Baidhukulu baibwe bwe baliidhukiranga obughanguzi buno, balisagambanga olw'ebyo nze Musengwa Katonda bye nkoze.

Zekaria 12:6

“Mu kiseera ekyo ndireetera ebika eby'omu Buyudaaya okuba ng'oti n'omuliro gwe bakunaaniiza mu mmungo y'enku, oba mu binhwa by'engaano. Birizikiriza amaghanga goonagoona agabyezungulwire agho. Aye abantu b'omu Yerusalemu balisigala nga ghazira kabi kabatuuseeku naire.

Zekaria 12:8

Mu kiseera ekyo nze Musengwa Katonda ndikuuma abantu b'omu Yerusalemu, kyaba nti ole aliba nga n'asembayo kuba munafu mu abo, alifuuka wa maani ng'oti ni Daudi bwe yali. Era baidhukulu ba Daudi oyo n'abalibakulemberamu ng'oti ni malaika wa Musengwa Katonda, era ng'oti ni Katonda mwene.

Zekaria 14:20

Mu kiseera ekyo, ni bwebiba ebide obude bye basiba mu mbalaasi, byona biriba bighandiikiibwaku biti: “Yayawulibwa nga ya Musengwa Katonda.” N'entamu edh'omu isinzizo lya Musengwa Katonda dhiritwalibwanga okuba entukuvu ng'oti n'ebibya ebiba emberi gh'alutaari.

Zekaria 14:3

Agho Musengwa Katonda alimala yaalumba amaghanga ago, yaagalwanisa ng'oti bwe yalwana mu ntalo edhaabita.

Zekaria 2:9

“Mubone eno, nze Musengwa Katonda mwene ninze ndibalwanisa imwe, naabaghaayo mu ngalo edh'abaali abagheereza baimwe, era baabanhagulula.” Ebyo bwe birimala okubaagho, mulimanha nga Musengwa Katonda Afuga Amagye n'eyantuma.

Zekaria 9:17

Bwenebwene ensi eriba nungi era ng'esikiriza! Abalenzi n'abaghala tibalibulirirwa ngaano ya kulya, waire okubulirirwa omwenge ogw'emizabbibu ogw'okunhwa, basobole okuba obukalamu.

1 Ab'e Korintho 1:18

Abo abali kuzikirira tibabona makulu mu kibono kya kufa kwa Kurisito ku musalaba, aye ife abali kulokolebwa tukibona nga n'amaani ga Katonda.

Ab'Efeso 5:18

Mutairanga mu kutamiira mwenge ogwidha okubaitaitana, aye mwidhule Mwoyo Mutukuvu.

1 Samueli 17:45

Daudi yaakoba Omufilisiti ati: “Iwe oli kwidha ye ndi n'empiima, n'eifumo einene ghalala n'eifumo eitono, aye nze ndi kwidha mu liina lya Musengwa Katonda Afuga Amagye, era Katonda ow'amagye ga Isiraeli, g'osoononkereiza.