Zekaria 9:13 - Baibuli Ekibono kya Katonda 2014

¹³ Ndikozesa Buyudaaya ng'oti kalaso ka mulwani, era naakozesa Isiraeli ng'oti n'obusaale bwaku. Ndikozesa ab'e Sioni ng'oti mpiima, naalwanisa Abagureki.”

Zekaria 9:13 ပူးပေါင်းရင်းမြစ်များ

Zabbuli 144:1

Musengwa Katonda asaakibwe, oyo ankuuma n'andhegeresa okulwana entalo.

Zabbuli 149:6

Basaake Katonda nga baleekaanira ghaigulu, bageme n'empiima nga buli ndala eri n'obwogi ku ndhuyi dhaayo dhombi,

Zabbuli 45:3

Gema empiima yo, Iwe kyabazinga ow'amaani, mu kitiisa kyo nga kyabazinga!

Isaia 49:2

Yaleetera ebibono bye ndhogera okuba ng'oti mpiima endhogi. Yankuuma n'omukono gwe naaba ng'oti kalaso ke akaghagale mu kiruutu kye.

Yeremia 51:20

Musengwa Katonda akoba ati: “Iwe ensi Babilonia, oli nhundo yange era eky'okulwanisa kyange mu lutalo. Nakukozesa okuzikiriza amaghanga n'okusaaniagho obwakyabazinga.

Okulira 4:2

Abaisuka ab'omu Sioni abaatwalibwanga okuba ab'omughendo ng'oti zaabu mukenenule, buti batwalibwa ng'oti bitamutamu bya itosi.

Amosi 2:11

Naalonda abandi ku batabane baimwe naabafuula abalanzi, n'abandi ku baisuka baimwe naabafuula Abanaziri. Imwe Abaisiraeli ekyo ti bwekiri? Nze Musengwa Katonda ninze ndi kubabuuza.

Obadia 1:21

Abasaadha abalwani ab'amaani ab'omu Yerusalemu baja kulumba Edomu bakighangule era bakifuge. Era Musengwa Katonda mwene n'anaabanga kyabazinga.”

Zekaria 1:21

Nze naabuuza nti: “Abo baidhie kukola ki?” Yandhiramu ati: “Baidhie okudhugumiza n'okusaaniagho amaghanga ag'obuyinza agaatyankirira Buyudaaya, ni gasansaania abantu baamu.”

Ab'Efeso 6:17

Muvaale obulokofu ng'enkuufiira ey'ekyuma, mugeme ekibono kya Katonda ng'empiima Mwoyo y'abagha.

2 Timotheo 4:7

Nwaine bukalamu olutalo, embiro ndhimaliriiza, ngumiire ku kwikiriza.

Abaheburayi 4:12

Ekibono kya Katonda kiramu, kikola era kyogi okusinga empiima eri n'obwogi ku ndhuyi dhaayo dhombi. Kisalira irala kyatuuka n'okwawula omutima n'omwoyo, obuyungiro n'omusokono. Kisobola okubonera irala omuntu by'alowooza ni by'ayenda, ebiri mu mwoyo gwe.

Okwolekebwa 1:16

Mu mukono gwe omusaadha, yali agemye emuunienie musanvu. Mu munwa gwe mwavaamu empiima eri n'obwogi ku ndhuyi dhaayo dhombi. Mu maiso ge ng'ali ng'oti ndhuba nga erikwaka inho.

Okwolekebwa 17:14

Balirwanisa Entaama Ento aye eribaghangula ng'eri ghalala n'abo abaginonereza be yayeta, be yalondamu era abeesigwa; kuba Entaama Ento eyo ni Musengwa w'abasengwa era ni Kyabazinga wa bakyabazinga.”

Okwolekebwa 19:15

Mu munwa gwe mwavaamu empiima endhogi ey'okughangula amaghanga. Aligafuga n'omwigo ogw'ekyuma, yaatyankirira emizabbibu mu kikunhiro mwavaamu omwenge ogw'obusungu obungi obwa Katonda Aghanga Ebintu Byonabyona.

Okwolekebwa 19:21

Abaasigalagho baitibwa n'empiima eyava mu munwa gw'oyo atyaime ku mbalaasi. Enhonhi dhoonadhoona dhaalya dhaafundeera emirambo gyaibwe.

Okwolekebwa 2:12

“Ghandiikira malaika w'Ekikunsu eky'Abaikiriza mu Kurisito eky'e Perugamo oti: Oyo ali n'empiima eri n'obwogi ku ndhuyi dhaayo dhombi, akoba ati: