Zekaria 9:11 - Baibuli Ekibono kya Katonda 2014

¹¹ Musengwa Katonda akoba ati: “Olw'endagaano ye nakola n'imwe, n'eteebwaku n'akamanhiso ak'omusaayi ogw'ensolo edh'emisengo, ndirekula abantu baimwe baaba ba idembe, naabatoola mu biina ebitaalingamu maadhi, mwe baabasibiranga nga bali mu bunhage.

Zekaria 9:11 ပူးပေါင်းရင်းမြစ်များ

2 Samueli 13:13

Nze nzira ye ndija nga mmaze okuswala ntyo. Ate iwe oidha kutwalibwanga ng'omudankaanu mu Isiraeli. Kale ni nkweghembye yogera ni kyabazinga, taidha kukundobera.”

2 Ebyomubyanda 7:17

Era iwe bw'onaajiiranga ku bye nkoba, nga lata wo Daudi bwe yakolanga, n'ogonderanga biragiro byange era n'ogemanga amateeka gange,

Yobu 33:30

okubawonia amagombe, abaghe eisanhu ery'okuba abalamu.”

Zabbuli 30:3

Wantoola mu bafu, wandhiriza obulamu, naaloba kuja magombe.

Zabbuli 40:2

Yaanhinhulula mu lwina olw'okufa, yantoola mu bitosi eby'olutente, yaanhemereza ku lubaale, naatambula nga ndi mugumu.

Zabbuli 69:33

kuba Musengwa Katonda awulirisa okusaba kw'abo abali mu bwetaavu era tiyeerabira bantu be abali mu busibe.

Okuvaayo 24:8

Agho Musa yaatoola omusaayi yaagumansira ku bantu nga bw'akoba ati: “Omusaayi n'akamanhiso akakakasa endagaano Musengwa Katonda y'akoze n'imwe ng'ebibono bino byonabyona bwe bikoba.”

Isaia 24:22

Musengwa Katonda alibasolokeza ghalala mu lwina ng'oti basibe. Alibasibira mu ikomera, yaamala yaababonereza ng'ekiseera kituuse.

Isaia 42:22

Aye abantu bano abazigu baabaiba era baabanhaga, era baabatega boonaboona baagwa mu biina, baabasibira mu makomera. Abazigu baabayiiga baabagemya aye nga ghazira abawonia, era baabanhaga aye ghaabulagho abanunula okubaiza.

Isaia 42:7

Olizibula abatulu amaiso, waatoola abasibe mu makomera, waabawonia okubanga mu nzikiiza.

Isaia 49:9

Olikoba abasibe oti, ‘Mufulume eikomera, buti muli ba idembe,’ n'abo abali mu nzikiiza oti, ‘Muve mu nzikiiza, mwire mu butangaavu.’ Baliba ng'oti n'entaama edhifuna kye dhirya ku ngira kwe dhibita obubite, era ni dhiba n'eisubi ghaigulu ku nsozi edhitaabangaku kantu.

Isaia 51:14

Abo abali mu bunhage baidha kulekulwa mangu; tibaidha kufa kuja mu magombe, waire okubulwa emere ye balya.

Isaia 58:12

Mulizimba buyaaka ebifo eby'eira ebyayonoonebwa, mwaizaagho emisingi egy'ebyanda eby'eira einho, era mwamanhibwa nga niimwe abaalongoosa ni mwiza obuyaaka endhu edhaayonoonebwa.”

Isaia 61:1

Omwoyo gwa Musengwa Katonda gundiku, kuba yansiiga omuzigo, yantuma okukobera abadaazibwadaazibwa amawulire amalungi. Yantuma okugumya abaawaamu emyoyo, n'okulangirira eri abali mu bunhage nti baidha kulekulwa babe ba idembe, n'abasibe nti baidha kusibulwa mu ikomera.

Yeremia 38:6

Kale bangema bantwala, bandhisa n'emigugha mu nsulo eyali mu luya olw'ekisaagaati kya kyabazinga, nga mwene yo n'omulangira Malakia. Ensulo eyo tiyaliimu maadhi, aye yalimu bwa bitosi. Era naadimira mu bitosi omwo.

Danieli 2:29

“Isebantu kyabazinga, iwe bwe wali otendwike mu buliri bwo, waloota ebiribaagho ye bwidha, era Katonda oyo ayoleka ebyama yaakumanhisa ebyo ebiribaagho.

Matayo 26:28

kuba guno musaayi gwange, ogw'endagaano empyaka oguyuyibwa olw'abantu kamaala okusoniyibwa ebibi.

Mariko 14:24

Era yaabakoba ati: “Guno n'omusaayi gwange ogw'endagaano empyaka ogunaayuyika ku lw'abantu kamaala.

Luka 16:24

Agho yaayeta ati, ‘Aburahamu lata, nsaasira otume Lazaro ainhike olwala lwe mu maadhi, aidhe ampozewozeeku olulimi, kuba ndi kulumizibwa inho eno mu muliro.’

Luka 22:20

Mu nsambo n'endala yatoola ekikopo nga bamaze okulya yaakoba ati: “Ekikopo kino n'endagaano ya Katonda empyaka ekolebwa n'omusaayi gwange ogufukibwa ku lwaimwe.]

Luka 4:18

“Omwoyo gwa Musengwa gundiku, kuba yansiiga omuzigo okukobera abaavu Amawulire Amalungi. Yantuma okukobera abasibe nti baidha kulekulwa, n'abatulu nti baidha kubona. Era yantuma okuwonia abo abatuntuzibwa,

1 Ab'e Korintho 11:25

Mu nsambo n'endala, bwe baamala okulya ekyeigulo yaagema ekikopo yakoba ati: “Ekikopo kino n'endagaano empyaka ekakasibwa n'omusaayi gwange. Buli lwe munaakinhwangaku, mukikolenga olw'okundidhukira.”

Amateeka Agokubiri 5:31

Aye iwe oire ghano ghe ndi, nkukobere amateeka goonagoona n'ebiragiro byonabyona by'onaabeegeresa, babituukirizenga mu nsi ye ndi kubagha okuba eyaibwe.’ ”

Abaheburayi 10:2

Nguli gaali gasobola okubafuula abatuukiriire, nguli emisengo tigikaagheebwayo kuba abagighaayo bandibaire nga baafuulibwa ira abatuukiriire omukuzi mulala, era nga tibakaawulira mule musango lwa kibi.

Abaheburayi 10:29

Kale mulowooza ekibonerezo tikirisingagho bukambwe eky'omuntu oyo atyankirira Omwana wa Katonda, era atwala omusaayi ogw'endagaano ogwamutukuza n'agubona ng'ogutali mutukuvu, era n'adhooga Mwoyo ow'ekisa?

Abaheburayi 13:20

Nsaba Katonda ow'emiraala, eyazuukiza Musengwa waife Yesu, eyafuuka Omwayi w'entaama omukulu, olw'okuyugha omusaayi gwe ogwataagho endagaano etawaagho,

Okwolekebwa 20:3

yaagusuula mu lwina olwo yaigalagho. Yaataaku n'ekuufulu gulobe kwiramu kuguya maghanga, okutuusa emyaka olukumi (1,000) lwe giriwaaku. Egyo bwe giriwaaku, gwa kusibulwa okumala akaseera katono.