Zekaria 9:10 - Baibuli Ekibono kya Katonda 2014

¹⁰ Musengwa Katonda akoba ati: “Nditoola mu Isiraeli ebigaali eby'omu lutalo, naatoola ni mu Yerusalemu embalaasi. Obulaso obukozesebwa mu lutalo bulizikirizibwa. Kyabazinga oyo alireetagho emiraala mu maghanga. Alifuga ekiketezo ekiva ku nhandha okutuuka ku nhandha, n'okuva ku mwiga Eufurate okutuusa ensi y'ekanga.”

Zekaria 9:10 ပူးပေါင်းရင်းမြစ်များ

1 Bakyabazinga 4:21

Solomoni yafuga obwakyabazinga obwali mu kiketezo ekiva ku mwiga Eufurate okutuuka ku nsi y'Abafilisiti, n'okutuuka ku nsalosalo ni Misiri. Abantu b'omu biketezo ebyo baamughanga empooza era baamugheerezanga ekiseera kyonakyona kye yamala nga mulamu.

Zabbuli 72:17

Eriina lya kyabazinga liidhukirwenga ebyanda n'ebyanda. Obumanhifu bwe busigalegho ng'oti ndhuba. Abantu abamaghanga goonagoona bamwetenga wa nkabi, era basabenga Katonda okubafuula ab'enkabi oti ni kyabazinga oyo.

Zabbuli 72:3

Ensi eveemu amakungula amalungi, n'obutuufu bwo bweyoleke.

Zabbuli 85:8

Leka mpulire Musengwa Katonda ky'aja okukoba, kuba ndidhi aja kwogera ebituleetera emiraala ife abantu be abamutya, kasita tuba nga titwizeeyo mu bya kisiru.

Zabbuli 89:26

Daudi oyo aidha kundhetanga ati, ‘Niiwe Lata era niiwe Katonda wange; niiwe onkuuma era niiwe ondokola.’

Isaia 11:10

Olunaku lwidha kutuuka, oyo asimuka mu Yesse abe akamanhiso eri amaghanga. Amaghanga ago galyesolokeza gh'ali, era ekifo mw'alifugira kiriba kya kitiisa.

Isaia 2:4

Musengwa Katonda aliramula amaghanga, yaasalira abantu kamaala emisango gyaibwe. Edhibaire empiima dhaibwe edh'okulwanisa balidhigheesaamu mbago, ate amafumo gaibwe baagagheesaamu busolobyo bwa kuwoolera. Amaghanga tigaliirayo kugema bya kulwanisa kuja kulumba gainaago, waire okwirayo okutendekebwa mu by'entalo.

Isaia 49:6

Musengwa Katonda oyo yankoba ati: “Iwe eky'okuba omugheereza wange n'okola ogw'okwizaagho ekitiisa ky'ebika bya Yakobo, n'okwiza Abaisiraeli abaawonagho, tikimala. Ku ebyo ndyongerezaaku okukufuula eitaala eri amaghanga, olwo ensi yoonayoona erokolebwe.”

Isaia 60:12

Aye eighanga n'obwakyabazinga ebiriroba okukugheereza, biryonoonebwayonoonebwa era byasaanizibwagho irala.

Hosea 1:7

Aye ndisaasira ab'omu Buyudaaya naabawonia abazigu baibwe, nze Musengwa Katonda waibwe, nga tikozeisa lutalo: tirikozesa bulaso, oba empiima, oba embalaasi, oba abalwanira ku mbalaasi.”

Hosea 2:18

Mu biseera ebyo ndikola endagaano n'ensolo edh'omu nsiko, n'enhonhi edhiguluka, n'ebyo ebyeghaluliza ku itaka, bibe nga tibikola kabi ku bantu bange. Era nditoolagho obulaso, n'empiima, n'eby'okulwanisa ebindi byonabyona mu nsi, olwo abantu bange babenga mu miraala.

Hosea 2:20

Ndiba mwesigwa y'oli, era olwo olimanha nga ninze Musengwa Katonda.

Mika 4:8

Era iwe Yerusalemu, ekibuga Katonda mw'aba n'alengera abantu be, ng'omwayi bw'ayemerera ku kituuti n'alengera entaama dhe, oliiramu waaba ekibuga ekikulu eky'obwakyabazinga nga bwe wabanga eira.

Mika 5:4

Aja kufuga abantu be mu maani ga Musengwa Katonda, era Musengwa Katonda oyo amufuule okuba kyabazinga omukologho. Abantu be baja kuba n'emiraala, kuba ensi yoonayoona eja kumubona nga mukologho.

Mika 5:9

Mu nsambo n'endala, Abaisiraeli baja kughangula abazigu baibwe boonaboona era babazikirize.

Haggai 2:22

ntoolegho obwakyabazinga obw'amaghanga, era nkomye obuyinza bwago. Ndidha kusuula ere ebigaali by'omu lutalo n'abavuzi baabyo. N'embalaasi dhiidha kufa, n'abavuzi baadho baitagane beene na beene.

Ebikolwa by'Abatume 10:36

Katonda yagha abantu ba Isiraeli ekibono ng'abakobera Amawulire Amalungi agaleeta emiraala ng'abita mu Yesu Kurisito. Oyo ni Musengwa ow'abantu boonaboona.

2 Ab'e Korintho 5:18

Akola bino byonabyona ni Katonda eyabita mu Kurisito n'atuleetera okwisania naye, era n'atugha omulimo ogw'okuleetera abantu abandi boona okwisania naye.

2 Ab'e Korintho 5:20

Kale tuli bakwenda ba Kurisito, Katonda b'abitamu okubeeta. Tubeeghembye mu liina lya Kurisito muganhe Katonda abaghe okwisania naye.

Amateeka Agokubiri 11:24

Buli kifo kye munaaniinangaku ekigere, kiidha kubanga kyaimwe. Ensalosalo dhaimwe dhinaavanga ku irungu ku luuyi olw'omukono omusaadha olw'e buvandhuba, dhaatuuka ku nsozi dh'e Lebanoni ku luuyi olw'omukono omugooda olw'e buvandhuba. Era dhinaavanga ku mwiga Eufurate mu buvandhuba, dhaatuuka ku Nhandha Eyaghagati mu bugwandhuba.

Okwolekebwa 11:15

Agho malaika owomusanvu yaafuuwa eigwala lye. Ghaabaagho amamiro mu igulu nga gakoba gati: “Obwakyabazinga obw'ensi bufuuse bwa Musengwa waife era bwa Kurisito: aidha kufuganga ebyanda n'ebyanda.”