Zekaria 8:8 - Baibuli Ekibono kya Katonda 2014

⁸ Ndibaiza mu Yerusalemu baabanga omwo. Baliba bantu bange, nze naaba Katonda waibwe omwesigwa era omutuufu.

Zekaria 8:8 ပူးပေါင်းရင်းမြစ်များ

Amainhama 17:8

Ndidha kukugha iwe ni baidhukulu bo ensi eno buti y'olimu ng'omusenze. Ensi yoonayoona Kanaani eidha kubanga ya baidhukulu bo ebyanda n'ebyanda era nze ndidha kubanga Katonda waibwe.”

Yeremia 11:4

Endagaano eno nagikola ni badhaadha baibwe, bwe nabatoola mu nsi Misiri, ye baabanga ng'oti n'abali mu muliro ogw'amaani ogusaanuusa ekyuma ekigumu einho. Naabakoba okungonderanga n'okukolanga kiisi kye nalagira olwo babenga bantu bange, nze mbenga Katonda waibwe.

Yeremia 23:8

Aye balayirenga mu liina lyange nga Katonda omulamu eyatoola Abaisiraeli mu nsi eri ku luuyi lw'omukono omugooda olw'e buvandhuba, ni mu nsi edhindi dhoonadhoona ye nali mbabingiire. Agho baliba mu nsi eyaibwe yeene.”

Yeremia 24:7

Ndidha kubaleeteranga okuumanha nga ninze Musengwa Katonda. Olwo beene babenga bantu bange, ate nze mbenga Katonda waibwe, kuba baja kukyuka baire ye ndi n'omwoyo gwaibwe gwonagwona.

Yeremia 30:22

Beene baliba bantu bange, nze naaba Katonda waibwe.

Yeremia 31:1

Musengwa Katonda akoba ati: “Ekiseera kiri kwidha, mbe Katonda w'ebika byonabyona ebya Isiraeli, ate beene babe bantu bange.

Yeremia 31:33

Ekiseera ekyo bwe kirituuka, eno n'endagaano ye ndikola n'Abaisiraeli: Ndibataamu amateeka gange, naagaghandiika ku myoyo gyaibwe. Nze ndiba Katonda waibwe, beene baaba bantu bange.

Yeremia 32:41

Ndidha kusangaalanga okubakolera ebirungi n'okubaleetera okutyama mu nsi eno nga batereire.

Yeremia 4:2

era ni muba abatuufu nga mulayira mu mazima era nga muli beesimbu, muti, ‘Nga Musengwa Katonda bw'ali omulamu.’ Olwo amaghanga gaidha kunsabanga ngaghe enkabi, era gampenga ekitiibwa.”

Ezekieli 11:20

Baajiiranga ku mateeka gange era baagemanga bye nkoba. Olwo baabanga bantu bange, nze naabanga Katonda waibwe.

Ezekieli 36:28

Olwo mwabanga mu nsi ye nagha badhaadha baimwe, era mwabanga bantu bange, nze naaba Katonda waimwe.

Ezekieli 36:33

Agho Musengwa Katonda yaakoba ati: “Ku lunaku olwo lwe ndibanaazaaku ebibi byaimwe byonabyona, ndibaleetera okwiramu okubanga mu bibuga byaimwe, n'okuzimba obuyaaka ebifo ebyayonoonebwa.

Ezekieli 37:25

Baliba mu nsi ye nagha Yakobo omugheereza wange, ensi badhaadha baibwe mwe baabanga. Beene, n'abaana baibwe, ni baidhukulu baibwe, omwo mwe baliba ebyanda n'ebyanda. Era kyabazinga ali ng'oti n'omugheereza wange Daudi, n'aja okubafuganga ebyanda n'ebyanda.

Ezekieli 37:27

Ndidha kubanga ghalala nabo, olwo mbenga Katonda waibwe, beene babenga bantu bange.

Hosea 11:11

Baliidha nga baziinhuuka ng'oti nhonhi nga bava mu Misiri, nga baziinhuuka ng'oti ighemba nga bava mu Assiria. Era ndibaizaayo mu maka gaibwe. Nze Musengwa Katonda, ninze nkobye.”

Yoeli 3:20

Aye mu Buyudaaya ni mu Yerusalemu, mwidha kubangamu abantu ebyanda n'ebyanda.

Abalevi 26:12

Nnaabanga mu imwe, nga ninze Katonda waimwe, mwena munaabanga bantu bange.

Zekaria 10:10

Ndibasoloza naabatoola mu Misiri, naabatoola ni mu Assiria naabaiza ewaibwe. Naabata mu Gileadi ni mu Lebanoni, woonawoona ghaidhula abantu.

Zekaria 10:6

Ndireetera abantu b'omu Buyudaaya okuba ab'amaani, era naawonia abantu b'omu Isiraeli abo okuzikirizibwa. Ndibagemerwa ekisa, naabaiza eka ewaibwe. Baliba ng'oti se tibalekulirangaku agho, kuba ninze Musengwa Katonda waibwe, era nze ndiiramu okusaba kwaibwe.

Zekaria 13:9

Era abo abaliba mu kitundu ekyo ekirala ndibatukuza ng'oti ni feeza bwe bamukenenula mu muliro, era naabagezesa ng'oti ni zaabu bwe bamugezesa. Balinsaba, era zeena naabairamu. Ndibeeta bantu bange, era boona bandheta Katonda waibwe.”

Zekaria 2:11

Mu kiseera ekyo, abantu abamaghanga kamaala baliidha ye Musengwa Katonda baafuuka bantu be. Musengwa Katonda alibanga ghalala n'imwe, era imwe mulimanha nga oyo n'eyantuma ye muli.

Okwolekebwa 21:3

Naawulira amamiro ag'amaani nga gava gha kityamo eky'obwakyabazinga, nga gakoba gati: “Bona, mperaano ekifo Katonda mw'aba kiri mu bantu. Katonda anaabanga nabo, nga ni Katonda waibwe, era nga beene bantu be.

Okwolekebwa 21:7

Oyo aghangula, alifuna ebyo. Nze ndiba Katonda we, mwene yaaba mwana wange.