Zekaria 8:4 - Baibuli Ekibono kya Katonda 2014

⁴ Abasaadha n'abakazi abakaire einho abatambulira obw'oku mikoomo olw'emyaka, baliiramu okutyamanga mu mpya edh'ekibuga Yerusalemu.

Zekaria 8:4 ပူးပေါင်းရင်းမြစ်များ

Yobu 42:17

N'oluvainhuma Yobu yaafa nga musaadha mukaire, ow'emyaka emingi gyenegyene.

Yobu 5:26

Olifa waateebwa mu magombe ng'omaze okughangaala waawola, ng'oti n'engaano ye bakungwire mu biseera byayo ebituufu, n'ereetebwa ekubwe.

Okuvaayo 21:19

bw'anaawonangamu n'aba ng'asobola okukoomera ku mwigo okujaaku ku luya, eyamukuba taabengaku musango. Aye aidha kusasuliranga ye yakuba olw'ebiseera bye by'anaabanga ng'afiiriirwa, era amwidhandhabenga okutuusa lw'anaawoneranga irala.

Yeremia 31:13

Abaghala balisangaala baakina, n'abasaadha abakulu n'abato baasagamba. Ndibagumya, naabaleetera okuseka enseko mu kifo ky'okulira amaziga, naabaleetera eisanhu mu kifo ky'enaku.

Yeremia 31:24

Abantu baliba mu Buyudaaya ni mu bibuga byakyo byonabyona. Mulibaamu abalimi n'abaayi nga bali n'ebyayo byaibwe.

Zekaria 2:4

Malaika eyasooka yaakoba ole owundi ati: “Lumuka oje, okobe omwisuka oyo ali n'olukoba olupima mu ngalo oti, mu Yerusalemu muja kubaamu abantu kamaala inho era nga bali n'ebyayo byaibwe kamaala. Kale nga tibasobola kuweera mu kibuga ekyo nga kyezungulwirwa ekimante.

Abaheburayi 12:22

Aye imwe mwidhie ku lusozi Sioni era mu kibuga kya Katonda omulamu, Yerusalemu eky'omu igulu, eyeesololeiza bamalaika olukunkumuli.

1 Samueli 2:31

Bona ekiseera kiri kwidha, lwe ndizikiriza abaisuka boonaboona ab'omu ndhu yo, n'ab'omu ndhu ya dhaadha wo, ghalobe kubaagho akula n'akairigha mu ndhu yo.

1 Samueli 2:32

Agho ng'oli mu nnaku olibona ebirungi Abaisiraeli bye balifunanga, ensaalwa yaakugema. Mu ndhu yo timuja kubaamu muntu mukaire enaku dhoonadhoona.