Zekaria 8:23 - Baibuli Ekibono kya Katonda 2014

²³ Era Musengwa Katonda oyo Afuga Amagye akoba ati mu biseera ebyo, abantu ikumi abamaghanga agandi balyegema ku Muyudaaya mulala, nga bakoba bati, ‘Tuganhe tuje n'iwe, kuba twawulira tuti Katonda ali n'imwe.’ ”

Zekaria 8:23 ပူးပေါင်းရင်းမြစ်များ

Amainhama 31:41

Mu myaka egyo amakumi abiri gye mbaire mu maka go, nakukolera emyaka ikumi n'ena okufuna baghala bo bombi. Era naakukolera mu byayo byo emyaka mukaaga, aye iwe waakyusakyusa empeera yange emikuzi ikumi.

Amainhama 31:7

Aye iseimwe yanguyaguya, yaakyusakyusa empeera yange emikuzi ikumi, aye Katonda yaaloba kumuganha kunkolaku kabi.

2 Bakyabazinga 2:6

Agho Eliya yaakoba Elisha ati: “Nkweghemba osigale ghano, kuba nze Musengwa Katonda antumye nje ku mwiga Yorudani.” Aye Elisha yaakoba ati: “Ndayira mu Musengwa Katonda omulamu era weena nga bw'oli omulamu nti tiidha kukuleka.” Kale bombi beeyongerayo,

1 Ebyomubyanda 12:18

Agho omwoyo gwa Musengwa Katonda gwaidha ku Amasai omukulu wa bale amakumi asatu, yaakoba ati: “Wo Daudi, ife tuli babo wo iwe omwana wa Yesse, ife tuli ku luuyi lwo! Emiraala gibenga n'iwe, era gibenga n'abo abakubeera, kuba Katonda wo n'akubeera.” Agho Daudi yaabasangaaza, yaabafuula bakulu mu igye lye.

2 Ebyomubyanda 15:9

Agho Asa yaasoloza ab'ekika kya Yuda boonaboona, n'ab'ekya Benjamini. Yaasoloza n'abandi abaabanga aghalala n'abo eyo, abaava mu biketezo bino: ekya Efuraimu, n'ekya Manasse, n'ekya Simeoni kuba abantu kamaala inho baasenguka baava mu biketezo ebyo ebya Isiraeli, baasenga mu bwakyabazinga bwa Asa oyo, nga bamaze okubona Musengwa Katonda we, bw'ali aghalala naye.

Yobu 19:3

Mwiragainemu emikuzi kamaala nga muli ku nze mwevumira, timuswalaku kumbisa mutyo?

Omulangirizi 11:2

Ebintu byo obigabirangaku abantu abagheraku, ng'oti musanvu oba munaana, kuba tosobola kumanha kizibu kija kukugwira ku nsi kuno.

Isaia 3:6

Olunaku lwidha kutuuka, abantu ab'omu ndhu endala bakobe owundi ku baganda baibwe bati: “Iwe nga bw'oliku ni ky'ovaala, niiwe obe otukulire, bino ebyonooneibwa obe nga niiwe obifuga.”

Isaia 4:1

Olunaku olwo bwe lulituuka, abakazi musanvu balyegema omusaadha mulala baamwesibaku, nga bakoba bati: “Ife tuneeyagaliranga beene eky'okulya n'eky'okuvaala. Aye mala gaikiriza twetebwenga bakazi bo, otuwonie okuswalanga olw'obutafumbirwa.”

Isaia 45:14

Musengwa Katonda era akoba Isiraeli ati: “Obukombe bwa Misiri n'ebintu by'Ethiopia eby'okusuubula birifuuka bibyo. N'abantu b'e Seba abawaigufu balifuuka bairu bo, baakunonereza nga bali ku ndhegere, era baidha y'oli okukukubira amakiryaivu nga baatula bati, ‘Bwenebwene Katonda ali n'iwe wenka, era oyo ni Katonda yenka, ezirayo wundi.

Isaia 45:24

Balikoba bati mu nze Musengwa Katonda mwonka n'omuli obutuufu n'amaani. Aye abo boonaboona abankyagha, ensoni dhiribagema baaswazibwaswazibwa.

Isaia 55:5

Ekiseera kirituuka mwayeta amaghanga ge mutaidhiiku naire, gaalumuka gaidha ye muli waire nga goona imwe tigabaidhi. Nze Musengwa Katonda waimwe, Omutukuvu wa Isiraeli, ninze ndireetera ekyo okubaagho, olw'okubagheesa imwe ekitiisa.”

Isaia 60:14

Era abaana b'abo abaakutuntuzanga, baliidha baakukubira amakiryaivu; n'abo boonaboona abaakunhoomanga balikotesa emitwe gyaibwe agho gha bigere byo, baakweta ‘Ekibuga kya Musengwa Katonda,’ baakweta ‘Sioni, Ekibuga kya Katonda, Omutukuvu wa Isiraeli.’

Isaia 60:3

Amaghanga galiidha eri obutangaavu bwo, ni bakyabazinga baidha eri okumesunkana kwo.

Isaia 66:18

Nze ndidhi bye bakola ni bye balowooza. Ekiseera kiidha kutuuka nsoloze ab'amaghanga goonagoona aboogera enimi edha buli nsambo. Baliidha baabona ekitiisa kyange,

Mika 5:5

Kino kija kuleetagho emiraala. Ab'e Assiria bwe balitulumba, ni baghagula ebifo byaife ebigumu bye twesiga, tuja kusindika abakulembeze ab'amaani babalwanise.

Zefania 3:19

Mu kiseera ekyo nja kubonereza abo ababatuntuza boonaboona; nja kuwonia abalema, era nsololeze ghalala abo abaatwalibwa mu bunhage. Okubairenga okuswala kwaibwe nja kukufuula kitiisa kyaibwe, era bamanhibwe ensi yoonayoona.

Okubala 14:22

ghazira ku bantu abo alituuka mu nsi eyo. Abantu abo baabona ekitiisa kyange n'obumanhiso bye nakolera mu Misiri ni mu irungu, aye era bansonsoonia emikuzi gino eikumi, baaloba kuwulira bye mbakoba.

Luka 8:44

Ono yaaseeta ng'ava emugongo yaagema ku lusa olw'ekivaalo kya Yesu, era mangu ago ng'omusaayi gulekera agho.

Ebikolwa by'Abatume 19:12

ng'ebitambaala n'ebivaalo ebyavanga ku mubiri gwe baabitwaliranga abalwaire baawonezebwanga era n'abalingaku emizimu emibi gyabavaaku.

1 Ab'e Korintho 14:25

Ebyo by'adhuuba mu mwoyo gwe eby'engiso byerulwa, yaakuba amakiryaivu, yaasinza Katonda ng'akoba ati: “Bwenebwene Katonda ali mu imwe.”

Yoshua 8:35

Ku ebyo Musa bye yalagira ghazira Yoshua ky'ataasoma, era mu Baisiraeli abeesoloza okumuwulira ng'asoma, n'omwali abakazi, n'abaana, n'abasenze abaali baba aghalala n'Abaisiraeli.