Zekaria 8:2 - Baibuli Ekibono kya Katonda 2014

² “Nze Musengwa Katonda Afuga Amagye enkikidi engema ku lw'ekibuga Yerusalemu, kuba ngonza inho abantu baakyo. Era okugonza kwe ndi nakwo okunene okwo kundeetera okusungughalira abazigu baibwe.

Zekaria 8:2 ပူးပေါင်းရင်းမြစ်များ

1 Ebyomubyanda 12:19

Abandi ku balwani ab'omu kika kya Manasse baira ku luuyi lwa Daudi, bweyali ng'ali kujiira ghalala n'Abafilisiti mu lutalo okulwanisa Saulo. Aye ate Daudi tiyamala n'abeera Bafilisiti abo, kuba abakungu baibwe baamala beeteesaamu, baasalagho okumulobera baamukoba aireyo, nga bakoba: “Tomanha bw'atughaayo eri musengwa we Saulo, ni batutemaku mitwe.”

Isaia 59:17

Alivaala obutuufu ng'ekivaalo eky'omu kifuba eky'ekyuma, yaavaala obulokozi ku mutwe gwe ng'enkuufiira ey'ekyuma. Era okwesasuuliza ku bazigu be kulimubaaku ng'oti kivaalo kya munda, n'obusungu bwamubaaku ng'oti kivaalo kya ku ngulu.

Isaia 63:15

Wo Musengwa Katonda, ng'oli eyo mu igulu y'oba mu butukuvu bwo ni mu kitiisa kyo, ganha otulingeku eno ghansi. Okutulumirwa kwo n'amaani go biri gha? Obwo tokaatugonza, waire okutusaasira?

Yoeli 2:18

Agho Musengwa Katonda yaalumirwa ensi ye, era yaasaasira abantu be.

Nahumu 1:2

Musengwa Katonda wa nkikidi, tayenda bantu be kusinza bakatonda bandi. Abatakola nga bw'ayenda ababonereza; abamutakania abasungughalira era yaabasasulamu ebibonerezo ebikakali.

Nahumu 1:6

Bw'asungughala ghazira abaagho nga mulamu, era ghazira aghanga kugumira busungu bwe obuli ng'oti muliro. Obusungu bwe obwo bwe butumbuka, ni bwe luba olubaale lumenhekamenheka, lwesa ng'oti nkungu.

Zekaria 8:1

Kabiri Musengwa Katonda Afuga Amagye yaayogera ninze, yankoba ati: