Zekaria 8:19 - Baibuli Ekibono kya Katonda 2014

¹⁹ “Okusiiba kwaimwe okw'omu mwezi ogwokuna, n'okw'omu gwokutaanu, n'okw'omu gwomusanvu, n'okw'omu gweikumi, kulifuukamu biseera bya masanhu na kusagamba eri ab'eighanga Buyudaaya nga bali mu bibinuko. Agho ni mugwaine mugonzenga okukolerera amazima n'emiraala.”

Zekaria 8:19 ပူးပေါင်းရင်းမြစ်များ

2 Bakyabazinga 25:1

Ku lunaku olweikumi, mu mwezi ogweikumi, mu mwaka ogwomwenda nga Zedekia n'afuga Buyudaaya, kyabazinga Nebukadinezzari ow'e Babilonia yaidha n'eigye lyonalyona okulumba ekibuga Yerusalemu. Baakizingiza era baakibungaku emungo ey'eitaka ey'okuniiniraku okukirwanisa.

2 Bakyabazinga 25:25

Aye mu mwezi ogwomusanvu, Ishimaeli mutabane wa Nethania era mwidhukulu wa Elishama ow'oku lulyo olulangira, yaaja n'abantu ikumi e Mizipa, baalumba baita Gedalia, n'Abayudaaya, era n'Abababilonia abaali naye eyo.

Zabbuli 30:11

Onkyukiiza okulira kwange waakufuula kukina, onsibwire ebikaakaati eby'okunakughala wandhidhuza okusangaala.

Zabbuli 34:15

Amaiso ga Musengwa Katonda tigava ku batuufu, era talekera kuwulirisa kusaba kwaibwe.

Isaia 12:1

Olunaku olwo bwerulituuka, abantu balyemba bati: “Wo Musengwa Katonda, nze ndidha kukusiimanga. Waire nga wali onsungughaliire, obusungu bwo bwamala bwawaagho, wangumya.

Isaia 35:10

Abo Musengwa Katonda b'alinunula balisituka bairayo e Yerusalemu nga bemba. Baliba mu masanhu era baaba mu kusagamba enaku dhoonadhoona, ng'enaku n'okusinda biwoiregho.

Isaia 51:11

Abo iwe Musengwa Katonda b'onunwire baliirayo e Yerusalemu nga bemba. Baliba mu masanhu na kusagamba enaku dhoonadhoona, ng'okunakughala n'okusinda biwoiregho.

Yeremia 36:6

Kale nhenda iwe ojeeyo ku lunaku abantu lwe baba mu kusiiba. Agho osome enzingo y'ekitabo eyo, abantu boonaboona abali mu isinzizo bawulire bukalamu ebyo byonabyona Musengwa Katonda bye yankoba, era bye ndhogeirenga eno nga bw'obighandiika. Oidha kusoma ebintu ebyo nga n'abantu ab'omu Buyudaaya abava mu bibuga byaibwe ebindi bali kuwulira.

Yeremia 39:2

Ku lunaku olwomwenda olw'omwezi ogwokuna, mu mwaka gwa Zedekia ogweikumi n'omulala nga ni kyabazinga, Abababilonia abo baawomola ekituli mu kimante ky'ekibuga.

Yeremia 52:4

Agho ku lunaku olweikumi, mu mwezi ogweikumi, mu mwaka ogwomwenda nga Zedekia n'afuga Buyudaaya, kyabazinga Nebukadinezzari owa Babilonia yaidha n'eigye lyonalyona okulumba ekibuga Yerusalemu. Baakizingiza era baakibungaku emungo y'eitaka ey'okuniiniraku, basobole okukirwanisa.

Ezekieli 18:8

Atawola muntu lwa kumufunaku magoba olwo mwene yeeyongere okuba omukombe, era eyeesamba okukola ebibi, ate n'asalira abantu emisango mu mazima.

Ezekieli 24:1

Ku lunaku olweikumi mu mwezi ogweikumi, mu mwaka ogwomwenda nga tuli mu bunhage, Musengwa Katonda yankoba ati:

Zekaria 7:3

Era baabatuma n'okubuuza bakabona b'omu isinzizo lya Musengwa Katonda oyo Afuga Amagye aghalala n'abalanzi bati: “Tuje mu maiso n'okuliranga amaziga olw'okuzikirizibwa kw'eisinzizo, era nga tusiiba mu mwezi ogwokutaanu nga bwe tubairenga tukola mu myaka egyo gyonagyona egibiseegho?”

Zekaria 7:5

“Kobera abantu boonaboona abali mu nsi eno, ni ba kabona, oti bwe baasiibanga ni baliranga maziga mu mwezi ogwokutaanu n'ogwomusanvu okumala emyaka egyo ensanvu, tibaabikolanga lwa kugheesa nze kitiisa.

Zekaria 8:16

Bino bye mugwaine okukolanga: buli muntu akobere mwine amazima. Musalenga mu mazima mu mbuga dhaimwe edh'amateeka, mu nsambo ereetagho emiraala.

Zekaria 8:18

Kabiri Musengwa Katonda Afuga Amagye yaayogera ninze, yankoba ati:

Zekaria 8:3

Luliba lulala naira ku lusozi lwange Sioni, naaba mu kibuga kyange Yerusalemu. Olwo ekibuga ekyo balikyetanga ekibuga eky'abantu abeesigwa, era baakyetanga olusozi lwange nze Musengwa Katonda Afuga Amagye olutukuvu.

Okwolekebwa 22:15

Aye embwa, n'abalogo, n'abenzi, n'abatemo n'abasinza ebyo ebitali Katonda, n'abaguya, baliba kuliya.