Zekaria 7:12 - Baibuli Ekibono kya Katonda 2014

¹² Baakalangusa emyoyo gyaibwe ng'oti ibaale, baaloba kujiira ku mateeka na biragiro, nze Musengwa Katonda Afuga Amagye bye nabagha nga mbita mu balanzi abaaligho mu biseera eby'eira. Kyenava ni mbasungughalira ekibitiriire,

Zekaria 7:12 ပူးပေါင်းရင်းမြစ်များ

2 Ebyomubyanda 36:13

Zedekia era yaadheemera ni kyabazinga Nebukadinezzari, eyali amaze okumulayiza mu Katonda, ng'ali n'okuwuliranga ebiragiro bya Nebukadinezzari oyo. Aye Zedekia oyo yaakola bwa mpwitu era yaakalangusa omwoyo gwe, yaaloba kwenenia kwira eri Musengwa Katonda, Katonda wa Isiraeli.

2 Ebyomubyanda 36:16

Aye baayeeyereza abakwenda ba Katonda baanhooma bye yabakoba, era baasekerera abalanzi be, okutuusa lwe baaleetera Musengwa Katonda oyo okubasungughalira ekibitiriire, nga tibakaasobola kuwona.

Yobu 9:4

Katonda mugezi era wa maani. Naani aghanga okumwetantala? Ghazira aghanga kwetantala Katonda.

Zabbuli 50:17

Timwenda kugalagirwa, era bye mbakoba mubisuula bw'ere.

Okuvaayo 7:13

Aye era omwoyo gwa kyabazinga gwasigala nga mukalangufu, yaaloba kutya era yaaloba kuwulira nga Musengwa Katonda bweyakoba.

Isaia 46:12

Imwe abantu ab'empwitu mumpulirise, imwe abali eghala einho n'okulokolebwa:

Isaia 48:4

Namanha nga bwe muli ab'empwitu, abali n'emyoyo emibbalangafu ng'oti n'ekyuma ekigumu einho, era abali n'ebirowoozo ebikalangafu ng'oti n'ekyuma ky'ekikomo.

Isaia 6:10

Era yankoba ati: “Kalangusa emyoyo gy'abantu bano, osembe n'amatu gaibwe, otulughaze n'amaiso gaibwe; kuba tomanha bwe babona n'amaiso gaibwe, ni bawulira na matu gaibwe, era ni bategeera na myoyo gyaibwe, ni bakyuka ni mbawonia.”

Isaia 65:12

Imwe muliitirwa mu ntalo mwatirimbulwa kuba bwe nabeeta timwanvugira waire okufaayo okuwulirisa bye nkoba. Aye mwakola ebibi ye ndi, mwalondagho okukola ebitansangaaza.

Yeremia 17:1

Musengwa Katonda yakoba ati: “Imwe abantu b'omu Buyudaaya, ebibi byaimwe tibibavaaku naire. Biri ng'oti byaghandiikibwa ku myoyo gyaimwe ni ku bintu ebiri ng'oti mayiga ga nsolo ebiri ku nsonda eina edh'alutaari dhaimwe. Ebibi byaimwe biri ng'omuntu bweyandibighandiise ku bipande n'ekalaamu ey'ekyuma ekigumu einho eri n'omunwa ogw'eibaale ery'omughendo eryetebwa diamondi.

Yeremia 17:23

Aye badhaadha baibwe baaloba kumpulirisa waire okugondera bye nabalagira, beeyongera bwa kukalangusa myoyo gyaibwe na butenda kugalagirwa.

Yeremia 26:19

Abakulu ab'ebika abo baayongera okukoba bati: Mulowooza muti kyabazinga Hezekia n'abantu b'omu Buyudaaya baamala baita Mika oyo? Busa naire. Mu kifo eky'okumwita, kyabazinga Hezekia oyo yata bwa mu Musengwa Katonda kitiibwa era yaagezaaku okukola ebisiimya Musengwa Katonda oyo. Era Musengwa Katonda yakyusa ekirowoozo kye, yaaloba kubaleetaku kabi ke yali akobye okubaleetaku. Aye ife mperaano tuli kwenda okwereetaku akabi akanene einho.”

Yeremia 42:21

Aye waire nga mpegaano nze ndi kubaidhukiza, imwe muli kudheemera byonabyona Musengwa Katonda waife bye yantuma okubakobera.

Yeremia 5:3

Wo Musengwa Katonda, bwenebwene iwe onoonia mazima. Wabakuba aye baaloba kuwulira, waabatyankatyanka kwenda kubazikiriza, aye baaloba kweiraku. Baakalangusa emyoyo gyaibwe okusinga n'olubaale baaloba kwenenia naire.

Yeremia 7:20

Kale ni bona eno, obusungu bwange n'ekiruyi kyange ndidha kubimalira ku kifo kino, ni ku bantu, ni ku nsolo, ni ku miti, ni ku birime, ng'oti n'omuliro omuntu gw'atasobola kuzikiza.”

Ezekieli 11:19

Ndibagha omwoyo omuyaaka n'endowooza empyaka. Naabatoolamu omwoyo omukalangafu oguli ng'oti ibaale, naabataamu omwoyo omugonvu omuwulize.

Ezekieli 14:5

Olwo nsobole okwiza ye ndi ab'omu ighanga Isiraeli boonaboona, ebisinzibwa ebyo ebitali Katonda be byaleetera okunvaaku.

Ezekieli 2:4

Bali n'empwitu era tibantaamu kanhagansi naire. Kale ndi kukutuma ye bali, obakobere nze Musengwa Katonda bye ndi kubakoba.

Ezekieli 36:26

Ndibagha omwoyo omuyaaka n'endowooza empyaka. Naabatoolamu omwoyo omukalangafu oguli ng'oti ibaale, naabataamu omwoyo omugonvu omuwulize.

Zekaria 1:2

Yaamukoba ati: “Nze Musengwa Katonda nasungughalira inho badhaadha baimwe.

Zekaria 7:7

Byene ebyo Musengwa Katonda bye yayogera ng'abita mu balanzi abaaligho mu biseera eby'eira. Mu biseera ebyo ekibuga Yerusalemu bye kyabeeranga ng'ebintu bikijiira bukalamu nga kiidhwire abantu. Era ng'abantu bali kamaala mu bibuga ebikyezungulwire, ni mu biketezo ebiri ku luuyi olw'omukono omusaadha olw'e buvandhuba, n'ebyo ebiri mu biiko.

Matayo 13:15

kuba omwoyo ogw'abantu bano mukalangafu, amatu gaibwe gasembye, n'amaiso gaibwe bagazibye. Nkani bandiboine n'amaiso gaibwe, bandiwuliire n'amatu gaibwe, baategeera n'omwoyo, baakyukira ye ndi naabawonia.’

Mariko 4:12

olwo babe, ng'okumoga bamoga aye nga tibabona, n'okuwulira baawulira aye nga tibategeera; kuba bandibaire bakyuka baasoniyibwa ebibi byaibwe.”

Luka 8:12

Eyagwa ku ngira, n'abantu abawulira ekibono kya Katonda, memale Sitaani n'aidha n'akiswankula mu myoyo gyaibwe balobe kwikiriza na kulokolebwa.

Ebikolwa by'Abatume 28:27

Kuba emyoyo gy'abantu bano gikalangwike n'amatu gaibwe bagasembye, n'amaiso gaibwe bagazibye, balobe okubona n'amaiso gaibwe okuwulira n'amatu gaibwe era okutegeera n'emyoyo gyaibwe, era n'okukyuka ni mbawonia.’ ”

2 Petero 1:21

kuba ghazira mulanzi yalangaku ku bubwe yenka. Abalanzi baayogeranga ebiva ye Katonda nga Mwoyo Mutukuvu n'aboogeza.