Zekaria 7:11 - Baibuli Ekibono kya Katonda 2014

¹¹ “Aye abantu bange baakola bwa mpwitu, baaloba kuwulira waire okufaayo.

Zekaria 7:11 ပူးပေါင်းရင်းမြစ်များ

2 Ebyomubyanda 33:10

Agho Musengwa Katonda yaayogera ni Manasse n'abantu be, aye baaloba kufaayo naire.

Nehemia 9:17

Baaloba kuwulira na kwidhukira ebyewuninkiriza bye wabakolamu. Baakalangusa bwa myoyo gyaibwe, baataagho omuntu abakulembere abaizeeyo mu bwiru e Misiri. Aye iwe oli Katonda asonigha, ekiseera kyonakyona. Oli wa kivunika, osaasira, era olwagho okusungughala. Era olw'okuba iwe obagonza inho obutalekera, tiwabalekulira agho.

Nehemia 9:26

Aye abantu bo abo baakudheemera, baalobanga kukuwulira, baava ku Mateeka go. Baita abalanzi bo abaabalabulanga okubakyusa baire y'oli. Baakola ebintu kamaala ebikuvumagania.

Nehemia 9:29

Waabalabulanga, basobole okukyuka bagondere amateeka go. Aye beekuluntaza, baaloba kugondera biragiro byo, baakola bukole bibi. Ate nga mu kutuukiriza ebiragiro omuntu mw'afunira obulamu. Aye baakolanga bwa mpwitu era baakalangusanga emyoyo gyaibwe, baaloba kukugondera.

Okuvaayo 10:3

Kale Musa ni Aaroni baaja bangira mu kisaagaati kya kyabazinga, baamukoba bati: “Musengwa Katonda, Katonda w'Abaheburayi akoba ati, ‘Olirekera li okuloba okumpulira? Leka abantu bange baje bansinze.

Isaia 28:12

Yabakoba okughanga akaseera abo abakooye, bawuumulengaku baghegheere, aye baaloba okuwulira.

Isaia 46:12

Imwe abantu ab'empwitu mumpulirise, imwe abali eghala einho n'okulokolebwa:

Isaia 6:10

Era yankoba ati: “Kalangusa emyoyo gy'abantu bano, osembe n'amatu gaibwe, otulughaze n'amaiso gaibwe; kuba tomanha bwe babona n'amaiso gaibwe, ni bawulira na matu gaibwe, era ni bategeera na myoyo gyaibwe, ni bakyuka ni mbawonia.”

Isaia 65:12

Imwe muliitirwa mu ntalo mwatirimbulwa kuba bwe nabeeta timwanvugira waire okufaayo okuwulirisa bye nkoba. Aye mwakola ebibi ye ndi, mwalondagho okukola ebitansangaaza.

Yeremia 11:10

Baizeeyo mu kukola ebibi badhaadha baibwe bye baakolanga, ni baloba okugonderanga bye nabalagira. Era buti abantu b'omu Isiraeli n'ab'omu Buyudaaya basinza bakatonda abandi, baamenha endagaano ye nakola ni badhaadha baibwe.

Yeremia 13:10

Abantu abo ababi baaloba okukola bye mbalagira. Baira mu kukolanga ebyo emyoyo gyaibwe emikalangufu bye gyenda, ni mu kusinzanga n'okugheerezanga bakatonda abandi. Kale ni, baja kuba ng'oti n'ekivaalo ky'omu nkende ekyo, ekitakaali na mugaso naire.

Yeremia 17:23

Aye badhaadha baibwe baaloba kumpulirisa waire okugondera bye nabalagira, beeyongera bwa kukalangusa myoyo gyaibwe na butenda kugalagirwa.

Yeremia 17:27

Aye bateekwa okungonderanga n'okukuumanga olunaku lwa Sabbato nga lutukuvu. Batabbeedanga kintu kyonakyona ni bakibisa mu miryango gya Yerusalemu ku lunaku olwo. Aye bwe balikola ekyo kye mbalobeire, nja kukunaania omuliro ku miryango egyo. Omuliro ogwo gulyokya ebisaagaati bya bakyabazinga eby'omu Yerusalemu, era tighalibaagho muntu asobola kuguzikiza.”

Yeremia 19:15

“Musengwa Katonda Afuga Amagye era Katonda wa Isiraeli akoba ati, ‘Ndidha kutuukiriza akabi ke nakoba okuleeta ku kibuga kino ni ku bubuga obutono obukiriiraine, kuba mwakalangusa emyoyo gyaimwe, mwaloba kuwulirisa bye mbakoba.’ ”

Yeremia 35:15

Buliidho mbaire ntumanga ye muli abagheereza bange abalanzi aghazira kukoogha naire, babakobe mulekere okukola ebibi, mukole ebituufu. Era mulobe kujiiranga ku bakatonda abandi nga mubasinza, olwo musobole okusigalanga mu nsi ye nabagha imwe ni badhaadha baimwe. Aye nga imwe timumpulirisa, waire okufaayo ku bye nkoba.

Yeremia 36:31

Ndikubonereza iwe, n'abaana bo, ni baidhukulu bo, n'abakungu bo, olw'ebibi mwenamwena bye mukola. Ndibaleetaku akabi ke neesoomera okubatuusaaku imwe, n'abantu b'omu Yerusalemu, n'ab'omu Buyudaaya, kuba nabalabula aye mwaloba kufaayo naire.”

Yeremia 42:21

Aye waire nga mpegaano nze ndi kubaidhukiza, imwe muli kudheemera byonabyona Musengwa Katonda waife bye yantuma okubakobera.

Yeremia 44:16

“Ife tulobye, titwenda kuwulira by'oli kutukoba mu liina lya Musengwa Katonda.

Yeremia 5:21

Muwulire kino imwe abantu abasiru era abatategeera. Muli n'amaiso aye timubona, era muli n'amatu aye timuwulira.

Yeremia 5:3

Wo Musengwa Katonda, bwenebwene iwe onoonia mazima. Wabakuba aye baaloba kuwulira, waabatyankatyanka kwenda kubazikiriza, aye baaloba kweiraku. Baakalangusa emyoyo gyaibwe okusinga n'olubaale baaloba kwenenia naire.

Yeremia 7:24

Aye baaloba kumpulirisa waire okugondera bye ndagira. Baajiira ku ebyo emyoyo gyaibwe emikalangufu era emibi bye gyenda. Mu kifo ky'okuba abalungi, beeyongera bwa kuba babi inho.

Yeremia 7:26

Aye mwaloba kumpulirisa waire okugondera bye ndagira, mweyongera bwa kukalangusa myoyo gyaimwe era mwebisa bubi inho mwasinga ni badhaadha baimwe.

Yeremia 8:5

Memale lwaki imwe abantu bange mwadaaliima ni munvaaku obutenda kwira naire? Mwekalangula ku by'obuguya mwaloba okwira ye ndi.

Ezekieli 14:5

Olwo nsobole okwiza ye ndi ab'omu ighanga Isiraeli boonaboona, ebisinzibwa ebyo ebitali Katonda be byaleetera okunvaaku.

Ezekieli 3:7

Aye ab'eighanga lya Isiraeli tibaidha kukuwulirisa, kuba tibenda kuwulira nze bye mbakoba, olw'okuba ba mpwitu era baakalanguka emyoyo.

Ezekieli 5:6

Aye abantu baamu baakola bwa bibi, baadheemera ebiragiro byange okusinga n'abamaghanga agandi, baaloba okugondera amateeka gange okusinga n'ab'ensi edhibeezungulwire. Baava ku mateeka gange, baaloba okujiira ku biragiro byange.

Danieli 9:5

“Ife twakola ensobi, twayonoona, era twakola ebibi. Twadheema, era twakyuka twava ku mateeka go, ni ku by'otulagira.

Hosea 4:16

Abaisiraeli bamagalavu ng'oti nte nto. Kale nze Musengwa Katonda nnaasobola ntya okubaliikiza mu kyayiro ekigazi, ng'omuntu bw'aliisa entaama ento?

Zefania 3:2

Kizira muntu ye kiwulirisa era tikiganha kugololwa mu nsobi dhaakyo. Tikyesiga Musengwa Katonda, era tikisaba Katonda waakyo oyo akibeere.

Zekaria 1:4

Mutaba ng'oti ni badhaadha baimwe, abalanzi ab'eira be baakoberanga obukwenda bwange nze Musengwa Katonda Afuga Amagye. Abalanzi baakobanga badhaadha baimwe okuva mu mpisa dhaibwe embi ni mu bikolwa byaibwe ebibi. Aye badhaadha baimwe baaloba kuwulira nze Musengwa Katonda bye mbakoba, waire okufaayo okukola bye mbalagira.

Matayo 13:15

kuba omwoyo ogw'abantu bano mukalangafu, amatu gaibwe gasembye, n'amaiso gaibwe bagazibye. Nkani bandiboine n'amaiso gaibwe, bandiwuliire n'amatu gaibwe, baategeera n'omwoyo, baakyukira ye ndi naabawonia.’

Ebikolwa by'Abatume 7:51

“Imwe ab'empwitu, ab'emyoyo emikalangufu era abaloba okuwulira ekibono kya Katonda! Buliidho mutakania Mwoyo Mutukuvu. Nga badhaadha baimwe bwe baali, mwena bwe muli.

Ebikolwa by'Abatume 7:57

Aye bale baayasiikana nga basembye amatu gaibwe, boonaboona baamunhaagaana.

Abaheburayi 12:25

Mwekuume, mutalobanga kuwulira oyo ayogera kuba, oba abo abaaloba okuwulira oyo eyabalabula ng'ali ku nsi, tibaawona, ife bwe tuloba okuwulira oyo atulabula, ng'ali mu igulu tuliwonera gha!