Zekaria 7:10 - Baibuli Ekibono kya Katonda 2014

¹⁰ Mutafuginkirizanga muntu yeenayeena, k'abe namwandu, oba mulekwa, oba omusenze, oba omwavu. Era mutayiiyanga mu myoyo gyaimwe kukola kabi ku banaimwe.’

Zekaria 7:10 ပူးပေါင်းရင်းမြစ်များ

Zabbuli 140:2

abayiiya okukola ebibi, ni basiikuula entalo ekiseera kyonakyona.

Zabbuli 21:11

Waire bategeka okumukola akabi oba okuyiiya ngeri y'okumutegamu, entegeka dhaibwe tidhirituukirira;

Zabbuli 36:4

Akola entegeka ey'okukola eby'eitima ng'ali mu buliri, yaasituka nga ghazira kirungi kye yeetegeike kukola, era ghazira kibi kimugemya ntete kukola.

Zabbuli 72:4

Kyabazinga asale mu butuufu ensonga edh'abaavu; ayambe abali mu bwetaavu, atyankirire abo abaniinirira abaghafu.

Okuvaayo 23:9

“Otabisanga bubi muntu wa ighanga lindi ali mu imwe mwidhi bwe kiruma okuba ow'eighanga erindi, kuba mwena bwe mwali e Misiri.

Ensambo 3:29

Otategekanga kukola muntu mwino bubi, oyo aba agho okumpi n'iwe era ng'akwesiga.

Ensambo 6:18

okuba n'omwoyo ogutegeka enkwe, okuba n'ebigere ebyanguyiriza okukola ebibi,

Isaia 1:23

Abakulembeze bo badheemu, era bagemagana na baibi. Buli muntu agonza kulya nguzi era yaagunirira okugheebwa ebirabo. Tibalwaniriraku bamulekwa, waire okuwulirisa ensonga banamwandu dhe babaleetera.

Yeremia 18:18

Agho abantu beeteesa bati: “Mwidhe tubeeku ni kye tukola Yeremia ono. Ni bwetunaamutoolagho, tituja kubula bakabona ba kutugalagiranga, era tituja kubula bagezi ba kwebuuzangaku, waire okubulwa abalanzi abatukobera obukwenda bwa Katonda. Ka tumuteeku emisango, era tulekere okuwulirisanga by'akoba.”

Yeremia 21:12

“Imwe baidhukulu ba Daudi, muwulirise nze Musengwa Katonda bye nkoba: Musalenga emisango mu mazima buli lunaku. Omuntu ye bakiriga mumuwonienga ole amukiriga. Olwo ekiruyi kyange kirobe kutumbuka ng'oti n'omuliro omuntu gw'atasobola kuzikiza, olw'ebibi bye mukola.

Yeremia 49:11

Muleke bamulekwa baimwe, nze ndidha kubalabirira. Ni banamwandu baimwe beesige nze.

Yeremia 5:28

era baaba banene nga banhirivu. Tibalekera kukola bibi. Tiboogererayo bamulekwa kufuna bye bagwaniire, waire okulwanirira abatuntuzibwa.”

Yeremia 7:6

Mutanhigirizanga basenze, oba bamulekwa, oba banamwandu, oba okwitanga abantu abaziraku musango mu ighanga lino. Era mutasinzanga bakatonda bandi ni mwereetera kwerumya imwe beene.

Ezekieli 18:12

yaakiriga abaavu n'abali mu bwetaavu, yaakola obunhazi, yaaloba kwiriza muntu eyamwewolaku musingo gwe, yaasinza ebyo ebitali nze Katonda, yaakola ebyenhinhalwa,

Ezekieli 22:12

Era mu iwe mulimu abagulirirwa okutemula abantu. Mwabaamu abawola banaibwe olw'okubafunaku amagoba olwo beene beeyongere okuba abakombe. Era mwabaamu n'abatoola ebintu bya banaibwe mu kukupankupania. Abantu abo baaneerabira ira.” Musengwa Katonda atyo bw'akoba.

Ezekieli 22:29

Abatyamye b'omu nsi eyo bakola obukupankupania, baanhaga ku bantu ebyaibwe. Banhigiriza abaavu n'abali mu bwetaavu, baakupankupania ebintu by'abasenze aghazira kusaasira naire.

Ezekieli 22:7

Abazaire mu iwe batwalibwa ng'ekitagasa, ebintu by'abasenze byakupankupanizibwa, banamwandu ni bamulekwa baatulugunhizibwa.

Amosi 4:1

Muwulire bino imwe abakyala ababa mu Samaria, abageedhie ng'oti n'ente edh'e Bashani. Mutuntuza abaghafu era mwakamula abaavu, mwalagira baibaimwe okubasombera ebitamiiza:

Zekaria 8:17

Era mutayiiyanga mu myoyo gyaimwe kukola kabi ku banaimwe, waire okulayiranga ebiziramu kuba ebyo byonabyona, nze Musengwa Katonda, mbikyayira irala inho.”

Malaki 3:5

Era Musengwa Katonda Afuga Amagye akoba ati: “Olwo ndiseeta ye muli naasala omusango. Amangu geene ndirumiriza abalogo, abenzi, abalayira eby'obuguya, abakupankupania empeera y'abapakasi, abakiriga banamwandu ni bamulekwa n'abasenze, n'abo boonaboona abatantya.”

Matayo 23:13

“Mukagwireku Abanamateeka n'Abafarisaayo abakuusa imwe, kuba mwigaliragho abantu Obwakyabazinga obw'omu igulu kuba imwe beene timungira waire okuganha abenda okwingira.” [

1 Ab'e Korintho 6:10

Era ghazira baibi, oba ab'amairu, oba abatamiivu, oba abavumagani, oba abanhazi, abalingira mu Bwakyabazinga bwa Katonda.

Amateeka Agokubiri 27:19

“ ‘Omuntu yeenayeena anaasalirizanga omusango ogw'omusenze ni mulekwa ni namwandu, akolimirwenga!’ Olwo abantu boonaboona baliiramu bati, ‘Amiina.’

Yakobo 5:4

Muwulire, okulira kw'abakozi abaakola mu nimiro dhaimwe ni mutabagha mpeera yaibwe olw'obulyase bwaimwe. Muwulire, n'okulira okw'abantu abaabatoolera ebirime mu nimiro kwatuuka mu kutu wa Musengwa Afuga Amagye.

1 Yoanne 3:15

Kiisi akyagha muganda we aba mutemo, ate mwidhi nga mu mutemo timuba bulamu butawaagho.