Zekaria 6:5 - Baibuli Ekibono kya Katonda 2014

⁵ Yandhiramu ati: “Ebyo biri kuja ku ndhuyi eina edhiri ghansi gh'eigulu, era byakamala okuva ghale mu maiso ga Musengwa Katonda ow'ensi yoonayoona.”

Zekaria 6:5 ပူးပေါင်းရင်းမြစ်များ

1 Bakyabazinga 19:11

Musengwa Katonda yaakoba ati: “Fuluma, oje oyemerere ku lusozi mu maiso gange.” Agho Musengwa Katonda yaabitagho, kiwunga ow'amaani yaayuzayuza ensozi era yaamenhamenha embaale emberi wa Musengwa Katonda. Aye Musengwa Katonda nga tali mu kiwunga oyo. Kiwunga bwe yamala okubita, ghaabaagho musisi, yaatengeesa ensi. Aye Musengwa Katonda nga tali mu musisi oyo.

1 Bakyabazinga 22:19

Mikaia yeeyongera okukoba ati: “Kale ni wulira Musengwa Katonda by'akoba: Mboine Musengwa Katonda oyo ng'atyaime ku kityamo kye eky'obwakyabazinga, ng'eigye lyonalyona ery'omu igulu lyemereire ku luuyi lwe olw'omukono omusaadha ni ku lw'omugooda.

Yobu 1:6

Olunaku lwali lulala, abakwenda ab'omu igulu baidha okweyandhula mu maiso ga Musengwa Katonda. Ni Sitaani yeena yaidhiramu.

Zabbuli 148:8

N'imwe omuliro, omugozi, omuzira, n'olufu era n'empewo ya kiwunga ejiira ku biragiro bye, mumusaake.

Zabbuli 68:17

Musengwa Katonda yaidha ku lusozi Sinai mu kifo ekitukuvu, ng'ali n'ebigaali bye eby'amaani eby'omu lutalo enkumi n'enkumi.

Isaia 54:5

Omutonzi wo mwene n'aliba balo, era eriina lye ni Musengwa Katonda Afuga Amagye. Omutukuvu wa Isiraeli n'aliba Omununuzi wo, era oyo ni Katonda w'ensi yoonayoona.

Yeremia 49:36

Ndireeta kiwunga yaakunta mu nsi Elamu ng'ava ku ndhuyi dhoonadhoona. Olwo naasansaaniza abantu baayo ku ndhuyi dhoonadhoona, okutuusa nga mu buli nsi mulimu abalumukiireyo.

Ezekieli 11:22

Agho bikerubi byayandhuluza amaghagha gaabyo byaguluka. Byaja nga n'enkede dhoona dhiri kujiira ghalala nabyo, era nga n'okumesunkana okw'ekitiisa kya Katonda wa Isiraeli kuli ghaigulu ghaabyo.

Ezekieli 37:9

Agho Musengwa Katonda yankoba ati: “Iwe omuntu, langa okobe omuuka oti nze Musengwa Katonda ndi kugulagira guve ku ndhuyi dhoonadhoona, gwidhe gufuuwe ku mirambo gy'abantu bano abaitibwa, bairemu okuba abalamu.”

Danieli 11:4

Aye oyo bw'alimala okwenhweza mu buyinza, obwakyabazinga bwe balibumenhagho era baabwawulamu mu ndhuyi eina edhiri ghansi gh'eigulu. Tibalibugha ba izaire lye, waire okubufuga n'obuyinza nga bwe yali nabwo; kuba obwakyabazinga bwe balibusalasalamu bwatwalibwa abantu abandi abatali ba izaire lye.

Danieli 7:10

Ghamberi ghe nga ghali kuvaagho omuliro ogw'amaani ng'oti n'amaadhi bwe gawolomboka mu mwiga. Abantu enkumi n'enkumi nga bali kumugheereza, n'abantu emitwalo n'emitwalo baayemerera agho mu maiso ge. Okusala emisango kwatoolera, n'ebitabo byawumbululwa.

Danieli 7:2

Yakoba ati: Mu kubonekerwa kwange kwe nafuna obwire, naja okulinga nti nga mbona empewo ng'eri kuva ghaigulu ku ndhuyi dhoonadhoona, yaasiikuula enhandha enkologho.

Zekaria 4:10

Abo boonaboona ababaire bawoiremu amaani olw'okubona ng'ebintu biri kuja kasoobo, baja kusangaala nga baboine Zerubbabeli bw'ali kuja mu maiso n'okuzimba eisinzizo.”

Zekaria 4:14

Agho yankobera ati: “Abo n'abantu ababiri Musengwa Katonda ow'ensi yoonayoona be yalonda, era yaabasiiga omuzigo bamugheerezenga.”

Zekaria 6:1

Kabiri naafuna okubonekerwa okundi, era okuja okulinga nti nga mbona ebigaali eby'omu lutalo bina biri kuviira ghagati gh'ensozi ibiri. Ensozi edho dhaali nga dha kyuma kya kikomo.

Matayo 18:10

“Mwegendereze, obutanhoomanga ni bw'aba omulala ku bato bano. Kuba ka mbakobere, mu igulu, bamalaika baibwe buliidho babona amaiso ga Lata wange ali mu igulu. [

Matayo 24:31

Eigwala ery'amaani bwe lirifuuwa, alituma bamalaika be baasoloza abalonde be okuva mu mpewo eina, okuva eigulu ye liva okutuusa ye likoma.

Luka 1:19

Malaika yaamwiramu ati: “Ninze Gaburieli ayemerera mu maiso ga Katonda, era ntumiibwa okwogera n'iwe nkukobere amawulire amalungi ago.

Abaheburayi 1:14

Kale bamalaika ti n'emyoyo egigheereza Katonda, gy'atuma olw'abo ab'okulokolebwa?

Abaheburayi 1:7

Era bw'ayogera ku bamalaika akoba ati: “Katonda afuula bamalaika be empewo, abagheereza be yaabafuula enimi edh'omuliro.”

Yoshua 3:11

“Mubone, Sanduuku y'Endagaano ya Musengwa Katonda afuga ensi yoonayoona, eidha kubakulemberamu okutuuka mu Yorudani.

Okwolekebwa 7:1

Ebyo bwe byawa, naabona bamalaika bana, nga beemereire ku nsonda eina edh'ensi, nga bagemereire empewo eina edh'ensi dhirobe kufuuwa ku nsi, ni ku nhandha, waire ku muti gwonagwona.