Zekaria 6:12 - Baibuli Ekibono kya Katonda 2014

¹² Omukobe oti Musengwa Katonda Afuga Amagye akoba ati, ‘Bona eno, omuntu ayetebwa eriina Olusaga aja kukulira gheene agho mwene gh'ali, era aja kuzimba eisinzizo lya Musengwa Katonda.

Zekaria 6:12 ပူးပေါင်းရင်းမြစ်များ

2 Samueli 7:13

Oyo n'alinzimbira endhu, era ndireetera obwakyabazinga bwe okukakata ebyanda n'ebyanda.

Ezera 3:10

Abazimbi bwe baatoolera okutaagho omusingi gw'eisinzizo lya Musengwa Katonda, bakabona nga bali mu bivaalo byaibwe eby'obwakabona baidha n'amagwala, n'Abalevi ab'oku nda ya Asafu boona baidha n'ebide, nga boonaboona baidha okusaaka Musengwa Katonda, nga Daudi kyabazinga wa Isiraeli bwe yalagira.

Ezera 3:8

Mu mwezi ogwokubiri ogw'omwaka ogwokubiri nga bamaze okutuuka mu kifo aghaali eisinzizo lya Katonda e Yerusalemu, Zerubbabeli mutabane wa Shealutieli ni Yeshua mutabane wa Yozadaki, beeyimba ku Baisiraeli banaibwe, bakabona, Abalevi, ni boonaboona abaira e Yerusalemu nga baava mu bunhage. Agho baatoolera omulimo ogw'okuzimba. Baalonda Abalevi abaali bagheziiza emyaka amakumi abiri egy'obukulu n'okusingagho, balabirirenga omulimo ogwo ogw'okwiramu okuzimba eisinzizo lya Musengwa Katonda.

Isaia 11:1

Ng'olusaga bwe lusibukira ku kikonge ky'omuti ogutemeibwa, ni mu baidhukulu ba Yesse mutyo bwe mulisimukamu kyabazinga.

Isaia 4:2

Olunaku olwo bwe lulituuka, Musengwa Katonda alireetera ebimera byonabyona n'emiti okuboneka obulungi era nga bya kitiisa. N'ebibala eitaka bye liribaza biriba bikalamu, byawoomera inho abo abaliba bawoniegho mu Isiraeli.

Isaia 53:2

Omugheereza wa Musengwa Katonda oyo yakulira mu maiso ga Musengwa Katonda, ng'oti n'ekisimbe ekito ekisimba emizi mu itaka eikalu. Yali agho atyo ng'aziraku kisikiriza naire: tiyaliiku munhiriro ogwandituleeteire okumulingirira, oba okuba omulungi mu mboneka, ekyandituleeteire okumwegomba.

Yeremia 23:5

Musengwa Katonda era yaakoba ati: “Bona eno, ekiseera kiri kwidha, nteegho omwidhukulu omutuufu owa Daudi abe kyabazinga. Aja kufuganga n'amagezi era aidha kukolanga amazima n'ebituufu mu nsi ye.

Yeremia 33:15

Mu kiseera ekyo nditaagho omuntu omutuufu, nga mwidhukulu wa Daudi, yaaba kyabazinga. Kyabazinga oyo alikola amazima n'ebituufu mu nsi.

Ezekieli 37:25

Baliba mu nsi ye nagha Yakobo omugheereza wange, ensi badhaadha baibwe mwe baabanga. Beene, n'abaana baibwe, ni baidhukulu baibwe, omwo mwe baliba ebyanda n'ebyanda. Era kyabazinga ali ng'oti n'omugheereza wange Daudi, n'aja okubafuganga ebyanda n'ebyanda.

Ezekieli 41:1

Agho omusaadha yantwala mu kisenge eky'eisinzizo era nga kyetebwa Ekifo Ekitukuvu. Yaapima emyango egy'oku mulyango ogwingirayo, nga gigheza mita isatu isatu ku luuyi ni ku luuyi.

Amosi 9:11

Musengwa Katonda akoba ati: “Olunaku lwidha kutuuka ndhizeegho obwakyabazinga bwa Daudi, nga bwe bwalinga mu biseera Daudi mwe yabeera kyabazinga kuba buti buli ng'oti n'endhu eyagwa. Kale nja kuzimba ebimante byayo buyaaka, ngiizeegho nga bwe yalinga eira.

Mika 5:5

Kino kija kuleetagho emiraala. Ab'e Assiria bwe balitulumba, ni baghagula ebifo byaife ebigumu bye twesiga, tuja kusindika abakulembeze ab'amaani babalwanise.

Zekaria 13:7

Musengwa Katonda Afuga Amagye akoba ati: “Iwe empiima yange situkiramu, ja olumbe omwayi wange andhayira entaama. Ita omwayi oyo entaama dhisansaane. Nze mwene ndirumba abantu bange.

Zekaria 3:8

Kale ni, iwe Yoshua Omukulu wa Bakabona ghalala ni bakabona baino, muwulire kino: Niimwe akamanhiso ak'ebiseera ebirungi eyo ye bwidha. Era nja kubooleka omugheereza wange ayetebwa Olusaga!

Zekaria 8:9

“Mugume imwe abali kuwulira mpegaano ebibono bino abalanzi bye baakoba, mu biseera abazimbi bye baateeragho omusingi ogw'eisinzizo lyange, nga lija okwiramu okuzimbibwa.

Matayo 16:18

Era zeena ka nkukobere, Petero, ‘Oli lubaale, era ku lubaale kuno, kwe ndizimba Ekikunsu kyange eky'Abaikiriza mu Kurisito n'emiryango egy'e magombe tigirikisobola naire.

Matayo 26:61

baakoba bati: “Ono yakoba ati asobola okumenha eisinzizo lya Katonda ate era mu nnaku isatu yaalizimba.”

Mariko 14:58

“Twamuwulira ng'akoba ati, ‘Ndimenhagho eisinzizo lino eryazimbibwa abantu, ate mu nnaku isatu ndizimba erindi, nga tirizimbibwa bantu.’ ”

Mariko 15:29

Ababise baamuvuma, baatengeesa emitwe gyaibwe nga bakoba bati: “Ha! Iwe amenha eisinzizo era waalizimba mu nnaku isatu!

Mariko 15:39

Agho omukulu ow'ekikunsu eky'abaisirukale eyali ayemereire agho mu maiso bwe yabona nga bw'aisiiza omuuka ogusembayo, yaakoba ati: “Bwenebwene omuntu ono abaire Mwana wa Katonda!”

Luka 1:78

Olw'okusaasira okunene okwa Katonda waife ali ng'oti n'endhuba evaayo, aliva ghaigulu yaidha yaatukyalira.

Yoanne 1:45

Filipo yaayagaana Nathanaeli yaamukoba ati: “Tuboine oyo Musa ye yaghandiikaku mu kitabo ky'Amateeka, era n'abalanzi ye baaghandiikaku, Yesu ow'e Nazarethi, mutabane wa Yosefu.”

Yoanne 19:5

Kale Yesu yaafuluma ku luya ng'avaire engule ey'amawa n'ekivaalo eky'erangi ya nakasooma eky'abakungu. Pilato yaabakoba ati: “Omuntu wuuno!”

Ebikolwa by'Abatume 13:38

Kale ni aboluganda, mukimanhe muti ghazira asobola kubakobera ku kusoniyibwa bibi nga tabise mu oyo, oba okubawonia ebyo byonabyona ebibalobera okuba abatukuvu okusinziira ku Mateeka ga Musa.

Ebikolwa by'Abatume 17:31

kuba yataagho olunaku, lw'aja okusaliraku ensi yoonayoona omusango mu mazima ng'abita mu muntu ye yalonda, era kino yakikakasa abantu boonaboona bwe yazuukiza omuntu oyo.”

1 Ab'e Korintho 3:9

Kuba ife, Katonda tuli bakozi baine era imwe muli nimiro ya Katonda. Kabiri muli kizimbe kya Katonda.

Abaheburayi 10:12

Aye Kurisito yaghaayo omusengo mulala gwonka olw'ebibi, memale yaatyama ku luuyi olw'omukono omusaadha ogwa Katonda y'ali ebyanda n'ebyanda.

Abaheburayi 7:24

Aye Yesu mulamu, taja kufa era aba kabona ebyanda n'ebyanda.

Abaheburayi 7:4

Kale mubona omuntu ono nga bwe yali omubbede. Dhaadha waife Aburahamu yamugha ekintu kirala kirala ku buli ikumi, ku bintu byonabyona bye yanhaga mu lutalo.

Abaheburayi 8:3

Buli Mukulu wa Bakabona yeenayeena, ateebwagho okughaayo ebirabo n'emisengo. Kale, ni Kabona Omukulu owaife yeena kyava agwaine okubaaku ni ky'aghaayooku.