Zekaria 5:4 - Baibuli Ekibono kya Katonda 2014

⁴ Musengwa Katonda Afuga Amagye akoba ati alisindika ekikolimo ekyo kyangira mu ndhu dh'abaibi, ni mu ndhu dh'abo abanaalayiranga eby'okusubagha mu liina lya Musengwa Katonda. Era ekikolimo ekyo kiriba mu ndhu edho kyadhisaaniagho okudhimaliriragho.”

Zekaria 5:4 ပူးပေါင်းရင်းမြစ်များ

Yobu 18:15

Omuntu aba ng'ayenze n'eyeesulira mu ndhu eyo etakaali yiye, nga bamaze okumansiramu obuganga bwa salufa.

Yobu 20:26

Eby'obukombe bwe biritokomoka, omuliro ogutakumiibwa bantu gulimwokya, gwasaaniagho ni by'asigaizaagho mu ndhu.

Yobu 8:15

Bwebeesigama ku ndhu dhaibwe, dhigwa bugwe ni bwebadhigemerera, tidhigumiragho.

Yobu 8:22

Aidha kuleetera abakukyagha okuswala einho, era asaaniegho endhu edh'abakozi b'ebibi.

Ensambo 3:33

Musengwa Katonda akolimira ab'endhu edh'abakozi ab'ebibi, aye yaagha enkabi ab'endhu edh'abatuufu.

Isaia 24:6

Musengwa Katonda kyaviire n'akolimira ensi, abantu baayo yaabasingisa omusango era yaabazikiriza mu bungi. Abasigairegho baaba nga bali bwa batono bati.

Yeremia 2:26

Musengwa Katonda akoba ati: “Ng'omwibi bw'aswala nga bamugemye, mwena Abaisiraeli mutyo bwe muliswala aghalala ni bakyabazinga baimwe, n'abakungu baimwe, ni bakabona baimwe, n'abalanzi baimwe.

Hosea 4:2

Balayira bye bataatuukirize, balimba, batemula, baiba, era baakola obwenzi. Okwiza emisango kweyongera bweyongere, era obutemo bubaagho buli kiseera.

Hosea 4:3

Kale ni ensi eno erikala, na buli kiramu ekigiriku kyafa. Ensolo edh'omu nsiko, n'enhonhi edhiguluka, n'ebyenhandha, byonabyona birifa.

Amosi 3:10

Musengwa Katonda akoba ati: “Abantu abo tibaidhi kukolera ku butuufu, okutoolaku okwidhuza endhu dhaibwe ebintu ebinhage n'ebiibe.

Zekaria 5:3

Agho yankoba ati: “Mu nzingo y'ekitabo eyo mwaghandiikibwamu ekikolimo ekija okugema ensi yoonayoona. Olwo kibe nti omuntu yeenayeena anaibanga baidha kumutoolanga mu nsi eno, n'omuntu yeenayeena anaalayiranga eby'okusubagha, yeena bamutoolenga mu nsi eno.

Zekaria 8:17

Era mutayiiyanga mu myoyo gyaimwe kukola kabi ku banaimwe, waire okulayiranga ebiziramu kuba ebyo byonabyona, nze Musengwa Katonda, mbikyayira irala inho.”

Malaki 3:5

Era Musengwa Katonda Afuga Amagye akoba ati: “Olwo ndiseeta ye muli naasala omusango. Amangu geene ndirumiriza abalogo, abenzi, abalayira eby'obuguya, abakupankupania empeera y'abapakasi, abakiriga banamwandu ni bamulekwa n'abasenze, n'abo boonaboona abatantya.”

Amateeka Agokubiri 28:16

Mwidha kukolimirwanga mu bibuga byaimwe, era mukolimirwenga ni mu nimiro dhaimwe.

Amateeka Agokubiri 7:26

Mutaleetanga waire ekirala ku bisinzibwa ebyo ebitali Katonda, mu ndhu dhaimwe, olwo mulobe kwereetaku kikolimo kya Musengwa Katonda ekibiriku. Ebisinzibwa ebitali Katonda ebyo mubikyayirenga irala era mubyesambenga, kuba Musengwa Katonda yabikolimira. ”

Yoshua 9:20

Kye tuli n'okukola, kubaleka nga balamu bwe tutakola tutyo, obusungu bwa Musengwa Katonda bwidha kutwakiraku ng'oti muliro.