Zekaria 5:3 - Baibuli Ekibono kya Katonda 2014

³ Agho yankoba ati: “Mu nzingo y'ekitabo eyo mwaghandiikibwamu ekikolimo ekija okugema ensi yoonayoona. Olwo kibe nti omuntu yeenayeena anaibanga baidha kumutoolanga mu nsi eno, n'omuntu yeenayeena anaalayiranga eby'okusubagha, yeena bamutoolenga mu nsi eno.

Zekaria 5:3 ပူးပေါင်းရင်းမြစ်များ

Okuvaayo 20:15

“Mutaibanga.

Ensambo 29:24

Omuntu akolagana n'omwibi akyagha obulamu obubwe mwene, era ni bwe bamulayiza takwekula mazima.

Ensambo 3:33

Musengwa Katonda akolimira ab'endhu edh'abakozi ab'ebibi, aye yaagha enkabi ab'endhu edh'abatuufu.

Ensambo 30:9

Olwo ndobe kuba na bingi inho, okutuuka n'okukwegaana nti, ‘Musengwa Katonda naani?’ Oba bwemba omwavu ndobe kwiba na kuvumagania liina lyo iwe Katonda wange.

Isaia 24:6

Musengwa Katonda kyaviire n'akolimira ensi, abantu baayo yaabasingisa omusango era yaabazikiriza mu bungi. Abasigairegho baaba nga bali bwa batono bati.

Isaia 43:28

Kyenava ni ndeetera abo abalabirira Ekifo Ekitukuvu okunhoomebwa, naaghaayo baidhukulu ba Yakobo okuzikirizibwa, era naaleka Abaisiraeli abo baafuuka nseko dha balamu.”

Isaia 48:1

Imwe ab'endhu ya Yakobo muwulire kino: Mwetebwa Baisiraeli abasimuka mu Yuda. Mulayira mu liina lya Musengwa Katonda, era mwayatula nga Katonda wa Isiraeli oyo, ni Katonda waimwe, aye nga bya ku munwa bunwa, ebiziramu mazima waire obwesimbu.

Yeremia 23:10

Ensi eidhwire abantu abatali beesigwa eri Musengwa Katonda. Bakola ebibi era baakozesa bubi obuyinza bwaibwe. Ensi erira bulire, n'eisubi lyakala mu byayiro, olw'ekikolimo kya Musengwa Katonda.

Yeremia 26:6

Era bwemutaalekere agho kubanga badheemu, nja kukola eisinzizo lino kye nakola Shilo. Olwo amaghanga goonagoona ku nsi, gaidha kukozesanga eriina ery'ekibuga kino nga gakolima.”

Yeremia 5:2

Waire nga mulayira muti, “Nga Musengwa Katonda bw'ali omulamu,” aye era bye mulayira bya buguya.

Yeremia 7:9

Mwiba, mwatemula, mwakola obwenzi, mwalayira eby'obuguya, mwaniokeza omusambwa Baali obubbaani, mwasinza ni bakatonda be mwali timwidhiiku naire.

Ezekieli 2:9

Naja okulinga nti, nga mbona omukono ogusonse ye ndi. Era okuja okwetegereza nga mbona gugemye enzingo ey'ekitabo erimu ebighandiikiibwaku.

Danieli 9:11

Abaisiraeli boonaboona baamenha amateeka go era baakyuka baakuvaaku, baaloba kugondera by'okoba. Olw'okuba twakola ebibi y'oli, kye wava n'otutuusaaku ebikolimo bye weerayirira okutusindikira, ebyaghandiikibwa mu mateeka ga Musa omugheereza wo.

Hosea 4:2

Balayira bye bataatuukirize, balimba, batemula, baiba, era baakola obwenzi. Okwiza emisango kweyongera bweyongere, era obutemo bubaagho buli kiseera.

Abalevi 19:11

“Mutaibanga, mutakupankupanianga, era mutaguyaguyanga.

Abalevi 19:12

Mutalayiriranga bwereere liina lyange eitukuvu ni mulyonoona. Ninze Musengwa Katonda waimwe.

Amosi 3:10

Musengwa Katonda akoba ati: “Abantu abo tibaidhi kukolera ku butuufu, okutoolaku okwidhuza endhu dhaibwe ebintu ebinhage n'ebiibe.

Zekaria 5:4

Musengwa Katonda Afuga Amagye akoba ati alisindika ekikolimo ekyo kyangira mu ndhu dh'abaibi, ni mu ndhu dh'abo abanaalayiranga eby'okusubagha mu liina lya Musengwa Katonda. Era ekikolimo ekyo kiriba mu ndhu edho kyadhisaaniagho okudhimaliriragho.”

Zekaria 8:17

Era mutayiiyanga mu myoyo gyaimwe kukola kabi ku banaimwe, waire okulayiranga ebiziramu kuba ebyo byonabyona, nze Musengwa Katonda, mbikyayira irala inho.”

Malaki 3:5

Era Musengwa Katonda Afuga Amagye akoba ati: “Olwo ndiseeta ye muli naasala omusango. Amangu geene ndirumiriza abalogo, abenzi, abalayira eby'obuguya, abakupankupania empeera y'abapakasi, abakiriga banamwandu ni bamulekwa n'abasenze, n'abo boonaboona abatantya.”

Malaki 4:6

Oyo alireetera balata b'abaana okwisania n'abaana baibwe, olwo ndobe kwidha kuzikiriza nsi yaimwe.”

Matayo 25:41

“Agho, alikoba abo abaliba ku mugooda ati, ‘Munve mu maiso imwe abalaame, muje mu muliro ogutazikira ogwategekerwa Sitaani ni bamalaika be!

Luka 21:35

Kuba abantu boonaboona ab'oku nsi lulibagwaku ng'oti iggu.

Ab'Efeso 4:28

Abaire aiba akange agho, aye afube kukola ng'akozesa emikono gye asobole n'okugabiraku abaavu.

1 Timotheo 1:9

Tugwaine tukimanhe ng'amateeka tigateebwagho lwa bantu batuufu, aye lwa abo abagamenha n'abadheemu abatatya Katonda, n'aboonooni abatali batukuvu, n'abatatya bitukuvu, n'abatemula baiseibwe ni bainhaibwe, n'abatemo abandi.

Yakobo 5:12

Aye ekikulu ekisinga byonabyona, aboluganda, mutalayiranga igulu, waire ensi, oba ekintu ekindi kyonakyona. Bwe mukobanga muti “Yii” kibenga yii era bwe mukobanga muti “Busa” kibenga busa Katonda alobe kubasalira musango kubasinga.

Yakobo 5:4

Muwulire, okulira kw'abakozi abaakola mu nimiro dhaimwe ni mutabagha mpeera yaibwe olw'obulyase bwaimwe. Muwulire, n'okulira okw'abantu abaabatoolera ebirime mu nimiro kwatuuka mu kutu wa Musengwa Afuga Amagye.

Yoshua 9:20

Kye tuli n'okukola, kubaleka nga balamu bwe tutakola tutyo, obusungu bwa Musengwa Katonda bwidha kutwakiraku ng'oti muliro.

Okwolekebwa 21:8

Aye abo abati, n'abataikiriza, n'abadankaanu, n'abatemo, n'abenzi, n'abalogo, n'abasinza ebitali Katonda, n'abaguya boonaboona, ekifo kyaibwe kiriba mu nhandha ey'omuliro n'obunhota bwa salufa: okwo n'okufa okwokubiri.”

Okwolekebwa 22:15

Aye embwa, n'abalogo, n'abenzi, n'abatemo n'abasinza ebyo ebitali Katonda, n'abaguya, baliba kuliya.