Zekaria 4:9 - Baibuli Ekibono kya Katonda 2014

⁹ “Zerubbabeli atairegho omusingi ogw'eisinzizo lino, era mwene oyo n'aidha okumaliriza okulizimba. Olwo abantu bange balimanha nga nze Musengwa Katonda Afuga Amagye, ninze eyakutuma ye bali.

Zekaria 4:9 ပူးပေါင်းရင်းမြစ်များ

Ezera 5:16

Kale Sheshibazzari oyo yaidha yaataagho omusingi ogw'eisinzizo lya Katonda e Yerusalemu. Era okuva n'olwo okutuusa ni ye buli eno babairenga balizimba era likaalinga kuwa.’

Isaia 48:16

Museete ghe ndi muwulire kino: Okuviira irala mu mainhama n'okutuusa mpegaano, tyogerangaku mu kyama. Era bye ndhogera bimala byatuusa ekiseera byabaagho. Mpegaano Musengwa Katonda antumye n'amaani ag'omwoyo gwe.

Haggai 2:18

Olwaleero n'olunaku olwamakumi abiri n'eina olw'omu mwezi ogwomwenda, lwe mumaliireku okutaagho omusingi ogw'eisinzizo lyange. Kale ni mulowooze ku binaabaagho okuva olwaleero n'okweyongerayo.

Zekaria 1:16

Kale buti ndhize mu Yerusalemu n'okusaasira okungi. Eisinzizo lyange baja kwiramu okulizimba, ni Yerusalemu bakizimbe buyaaka.”

Zekaria 2:11

Mu kiseera ekyo, abantu abamaghanga kamaala baliidha ye Musengwa Katonda baafuuka bantu be. Musengwa Katonda alibanga ghalala n'imwe, era imwe mulimanha nga oyo n'eyantuma ye muli.

Zekaria 2:13

Abantu mwenamwena musiriikirire mu maiso ga Musengwa Katonda, kuba asitwike alikwidha ng'aviira mu kifo kye ekitukuvu mw'aba.

Zekaria 4:8

Era Musengwa Katonda yaayogera ninze, yankoba ati:

Zekaria 6:15

Abantu ab'eghala baliidha baayamba mu kuzimba obuyaaka eisinzizo lya Musengwa Katonda, olwo mwamanha nga Musengwa Katonda Afuga Amagye n'eyantuma ye muli. Ebyo birituukirira, bwe muligondera n'omwoyo omulala ebyo Musengwa Katonda waimwe by'alagira.

Matayo 16:18

Era zeena ka nkukobere, Petero, ‘Oli lubaale, era ku lubaale kuno, kwe ndizimba Ekikunsu kyange eky'Abaikiriza mu Kurisito n'emiryango egy'e magombe tigirikisobola naire.

Yoanne 17:21

Boonaboona babe kitole, nga iwe Lata bw'oba mu nze zeena ni mba mu iwe, boona babe mu ife memale ensi eikirize eti niiwe owantuma.

Yoanne 3:17

Katonda tiyatuma Mwana we mu nsi kusalira bantu musango, aye abantu babite mu oyo okulokolwa.

Abaheburayi 12:2

ng'amaiso tugataire ku Yesu eyatoolereza era atuukiriza okwikiriza kwaife. Oyo olw'eisanhu lye yali asuubira, yagumira omusalaba, yaaloba kutya kuswala. Mperaano atyaime ku luuyi olw'omukono omusaadha olw'ekityamo kya Katonda.