Zekaria 4:14 - Baibuli Ekibono kya Katonda 2014

¹⁴ Agho yankobera ati: “Abo n'abantu ababiri Musengwa Katonda ow'ensi yoonayoona be yalonda, era yaabasiiga omuzigo bamugheerezenga.”

Zekaria 4:14 ပူးပေါင်းရင်းမြစ်များ

1 Bakyabazinga 17:1

Agho Eliya Omutishube ow'e Tishube, eky'omu Gileadi, yaakoba kyabazinga Ahabu ati: “Ndayira mu Musengwa Katonda wa Isiraeli, Katonda oyo omulamu ye mpeereza, nti bwenebwene tighaidha kubangagho musulo waire amaadhi mu myaka gino, okutoolaku nga nkobye nti bibeegho.”

Ezera 5:2

Kale Zerubbabeli mutabane wa Shealutieli ni Yeshua mutabane wa Yozadaki, bairamu okuzimba eisinzizo lya Musengwa Katonda e Yerusalemu, nga bayambibwaku abalanzi abo bombi.

Zabbuli 110:4

Musengwa Katonda yalayira era talyeidhusa: “Iwe oli Kabona ebyanda n'ebyanda ng'oti ni Melekizedeki bwe yali.”

Zabbuli 2:6

ati: “Kyabazinga wange ye nalonda, namuta ku lusozi lwange olutukuvu Sioni.”

Zabbuli 89:20

Ntoire omugheereza wange Daudi naamufuula kyabazinga, nga mmusiiga omuzigo gwange omutukuvu.

Okuvaayo 29:7

Bw'omala oidha kuleeta omuzigo ogusiigibwa ogumufuke ku mutwe omutukuze.

Okuvaayo 40:15

obasiige omuzigo nga bw'onaaba okoze lata waibwe, baghange okumpeereza nga bakabona. Okusiiga omuzigo okwo kwidha kubangiza mu bugheereza obw'obwakabona, beene, n'abaana baibwe, n'abaidhukulu ense n'ense.”

Isaia 5:1

Ka nhembere omugonzi wange, olwembo olugema ku isamba ly'emizabbibu. Omugonzi wange yali n'eisamba ery'emizabbibu ku lusozi olugimu einho.

Isaia 54:5

Omutonzi wo mwene n'aliba balo, era eriina lye ni Musengwa Katonda Afuga Amagye. Omutukuvu wa Isiraeli n'aliba Omununuzi wo, era oyo ni Katonda w'ensi yoonayoona.

Yeremia 49:19

Ng'empologoma bw'evaayo mu kibira ekizibirivu ekiri ku mbali kw'omwiga Yorudani n'eja n'erumba ebyayiro by'ensolo ebirungi, zeena ntyo bwendiidha okuzindula Abaedomu, balumuke bave mu nsi yaibwe. Olwo omuntu ye ndirondagho n'alifuga eighanga eryo. Naani asobola okwegeza ku nze? Naani asobola okuneesonsaaku? Era mufuzi ki asobola okuntakania?

Abalevi 8:12

Yaasiiga Aaroni omuzigo ku mutwe okumwawula.

Mika 4:13

Musengwa Katonda akoba abantu be ati: “Imwe abantu ab'e Yerusalemu, musitukiremu muje mukube abazigu baimwe. Imwe ndidha kubafuula mube ba maani ng'oti n'ensolo enume eri n'amayiga ag'ekyuma ekigumu einho, n'ebigere ebiriku ebinuulo eby'ekyuma eky'ekikomo. Mwidha kukuba era mumulungule abantu ab'amaghanga kamaala, eby'obukombe byaibwe bye bali nabyo ni bye baanhaga, mwidha kubighaayo ye Musengwa Katonda ow'ensi yoonayoona.”

Zekaria 6:13

Oyo n'alizimba eisinzizo eryo, era oyo ye baligha ekitiisa eky'obwakyabazinga, yaaba mufuzi. Ghalibaagho kabona alibanga agho okumpi n'ekityamo kye eky'obwakyabazinga, nga bombi bategeeragana mu miraala.’

Zekaria 6:5

Yandhiramu ati: “Ebyo biri kuja ku ndhuyi eina edhiri ghansi gh'eigulu, era byakamala okuva ghale mu maiso ga Musengwa Katonda ow'ensi yoonayoona.”

Luka 1:19

Malaika yaamwiramu ati: “Ninze Gaburieli ayemerera mu maiso ga Katonda, era ntumiibwa okwogera n'iwe nkukobere amawulire amalungi ago.

Amateeka Agokubiri 10:8

Mu biseera ebyo Musengwa Katonda yaayawula ab'ekika kya Levi okubbeedanga Esanduuku ey'Endagaano ye, n'okumugheerezanga, n'okughanga abantu enkabi mu liina lye. Egyo n'emirimo gyaibwe n'okutuusa mpegaano.

Yoshua 3:11

“Mubone, Sanduuku y'Endagaano ya Musengwa Katonda afuga ensi yoonayoona, eidha kubakulemberamu okutuuka mu Yorudani.

Yoshua 3:13

Bakabona ababbeedie Sanduuku y'Endagaano eyo bwebanaaniina ebigere byaibwe mu mwiga Yorudani, amaadhi gaidha kulekera agho okutambula, agabaire nga gava eitale gaidha kwebunga mu kifo kirala.”

Okwolekebwa 11:4

Abadhulirwa abo, n'emiti emyoliva ebiri, n'ebikondo by'entaala ebibiri ebiri mu maiso ga Musengwa ow'ensi.

1 Samueli 10:1

Agho Samueli yaatoola akadoome k'omuzigo ogw'ebibala eby'emiti emyoliva, yaafuka omuzigo ku mutwe gwa Saulo, era yaamugwa mu kifuba ng'akoba ati: “Musengwa Katonda akufuseeku omuzigo ogwo obe omukulembeze ow'abantu be Abaisiraeli. Oidha kufuganga abantu ba Musengwa Katonda, era oidha kubawonianga abazigu baibwe ababeezungulwire. Era kano n'akamanhiso akakakasa nga Musengwa Katonda akusiize omuzigo obe omukulembeze w'abantu be.

1 Samueli 16:1

Musengwa Katonda yaakoba Samueli ati: “Olituusa li okunakughala, olw'okuba nga nabinga Saulo ku bwakyabazinga bwa Isiraeli? Gema eiyiga lyo ly'otaamu omuzigo ogw'ebibala eby'emiti emyoliva oliidhuze omuzigo, oje. Ndidha kukutuma ewa Yesse Omubethelehemu, kuba nonze owundi ku batabane be okuba kyabazinga.”