Zekaria 3:5 - Baibuli Ekibono kya Katonda 2014

⁵ Era yaalagira ati: “Mumusibe n'ekitambaala ekitukula ku mutwe.” Kale baamusiba ekitambaala ekitukula ku mutwe, baamuvaaza n'ebivaalo ebitukula, nga malaika wa Musengwa Katonda ayemereire agho.

Zekaria 3:5 ပူးပေါင်းရင်းမြစ်များ

Yobu 29:14

Buliidho nakolanga bituufu byereere. Okukola amazima kwanfuukira ng'oti n'ekivaalo kyange, era ng'oti n'ekitambaala eky'oku mutwe.

Okuvaayo 29:6

Oidha kumusiba ekitambaala ku mutwe era ote engule entukuvu ku kitambaala ekyo.

Isaia 3:23

n'embonerwamu dhe beeboneramu, n'engoye dhe baaluka ng'oti butimba n'edho empegheevu, n'ebitambaala eby'oku mutwe, n'engoye edh'okweghemberera.

Isaia 61:10

Ekibuga Yerusalemu kikoba kiti: “Ndisagamba inho olwa Musengwa Katonda era naasangaala olwa Katonda wange oyo; kuba anvaaziiza obulokozi n'obutuufu ng'oti bivaalo. Ndi ng'oti n'omugole omusaadha ye bavaaziiza engule ku mutwe, era ng'oti n'omugole omukazi ye badholiige n'ebyamadholobera.”

Ezekieli 42:14

Bakabona bwe banaingiranga mu Kifo Ekitukuvu, tibaakivengamu kuja mu luya lwa kuliya nga tibatoiremu bivaalo byaibwe mwe bagheerereza, kuba ebivaalo ebyo bitukuvu. Banaavaalanga ebivaalo ebindi memale baaja mu kifo abantu abandi ghe beesololeza.”

Zekaria 3:6

Agho malaika wa Musengwa Katonda yaagumya Yoshua ng'akoba ati

Zekaria 6:11

Oidha kutoola ku feeza ni zaabu bye baghaireyo, okolemu engule ogivaaze ku mutwe gwa Yoshua Omukulu wa Bakabona, mutabane wa Yehozadaki.

Okwolekebwa 4:10

ng'abakulembeze amakumi abiri n'abana (24) beeyala mu maiso g'oyo atyaime ku kityamo eky'obwakyabazinga, baamusinza oyo omulamu ebyanda n'ebyanda. Era engule dhaibwe baadhiisa gha mberi gh'ekityamo nga bakoba bati:

Okwolekebwa 4:4

Okwezungulula ekityamo eky'obwakyabazinga ekyo, ghaaligho ebityamo ebindi eby'obwakyabazinga amakumi abiri na bina (24), nga kutyaimeku abakulembeze amakumi abiri na bana nga bali mu bivaalo ebyeru, era bavaire engule edha zaabu ku mitwe.