Zekaria 3:2 - Baibuli Ekibono kya Katonda 2014

² Agho malaika wa Musengwa Katonda yaakoba Sitaani ati: “Iwe Sitaani, Musengwa Katonda agwananga yaakusalira omusango. Musengwa Katonda oyo eyalonda Yerusalemu agwananga yaakusalira omusango gwakusinga. Oyo y'oli kwenda okulumiriza ali ng'oti n'ekisiki kye baswankwire mu muliro.”

Zekaria 3:2 ပူးပေါင်းရင်းမြစ်များ

2 Ebyomubyanda 6:5

‘Kasookanga ntoola bantu bange Abaisiraeli mu Misiri, tirondangaghooku mu bika bya Isiraeli byonabyona kibuga waire ekirala kiti, mwe bananzimbira eisinzizo. Era titangaghooku muntu waire omulala ati, akulemberenga abantu bange Abaisiraeli.

2 Ebyomubyanda 6:6

Aye mpegaano nonzeegho Yerusalemu kibe ekifo mwe banansinzizanga, era naataagho iwe Daudi okulemberenga abantu bange Abaisiraeli.’ ”

Zabbuli 109:31

kuba aba ku luuyi lw'omwavu, yaamuwonia abo abamusalira ogw'okufa.

Isaia 7:4

Omukobe oti, ‘Guma obe mwikaikamu, otatya era otawaamu maani. Obusungu obubitirivu obwa Rezini, n'obw'Abasiria, n'obwa Peka mutabane wa Remalia, buli ng'oti mwosi bwosi oguva ku buti obubiri obunioka.

Danieli 12:1

Malaika yaayongera okukoba ati: “Mu kiseera ekyo, Mikaeli, malaika oyo omukologho omukuumi w'abantu bo, aliboneka. Olwo ghalibaagho ekiseera ekizibu ekitabangaghooku kasookanga nsi dhibaagho. Era ekiseera ekyo bwe kirituuka, abantu bo abo beene maina agaliba nga gaaghandiikibwa mu kitabo kya Katonda, n'abalirokolebwa.

Amosi 4:11

“Era ninze eyazikiriza abandi ku imwe nga bwe nazikiriza ab'e Sodoma n'ab'e Gomorra. Imwe abaawonagho mwaba ng'oti n'oluti olutooleibwa mu muliro. Aye era mwaloba okwira ye ndi.

Zekaria 1:17

Malaika era yankoba okulangirira nti: “Musengwa Katonda Afuga Amagye akoba ati ebibuga bye biriiramu okuba obukalamu. Era akoba ati aliiramu okuyambanga Yerusalemu, yaakitwala ng'ekibuga ekikye ku bubwe.”

Zekaria 2:12

Musengwa Katonda oyo aliiramu kabiri okulonda Buyudaaya yaagifuula ensi eyiye ku bubwe entukuvu. Era yairamu n'okulonda Yerusalemu kibe ekibuga kye ky'agonza einho.

Mariko 1:25

Yesu yaakaabukira omuzimu ati: “Sirika, era omuntu ono muveeku.”

Mariko 9:25

Yesu olwabona ng'eikuukuubira ery'abantu lyesoloza yaakaabukira omuzimu omubi, yaagukoba ati: “Muzimu iwe kasiru era masighale, nze nkulagira ono muveeku, era toirangayo kumwidhaku.”

Luka 22:32

Aye nze nkusabiire okwikiriza kwo kulobe kukendeera, era bw'okyukanga ogumyanga baganda bo.”

Luka 4:35

Aye Yesu yaagukaabukira ati: “Sirika era muveeku.” Omuzimu gwamusuula ghansi mu bantu, gwamuvaaku nga tigumukosiisa.

Luka 9:42

Bwe yali aseeta, omuzimu gwamusuula ghansi era gwamusikasika inho. Aye Yesu yaakaabukira omuzimu omubi, yaawonia omulenzi era yaamugemya lata we.

Yoanne 13:18

“Aye tiri kwogera ku imwe mwenamwena, ndidhi abo be nalonda. Aye Ebyaghandiikibwa biri n'okutuukirira, ebikoba biti, ‘Omuntu mwene alya ku mugaati gwange n'anfuukiire omuzigu.’

Ab'e Roma 16:20

Kale ni Katonda ensimuko ey'emiraala gyaife, mangu inho aja kutyankirira Sitaani ghansi gh'ebigere byaimwe. Enkabi dha Musengwa waife Yesu Kurisito dhibenga n'imwe.

Ab'e Roma 8:33

Naani alivunaana abalondemu ba Katonda, Katonda mwene bw'aba nga tabavunaana?

1 Yoanne 3:8

Oyo akola ekibi, aba wa Sitaani kuba Sitaani mukozi wa bibi okuviira irala ku kwinhama. Kyova Omwana wa Katonda yaidha okuzikiriza ebikolwa bya Sitaani.

Yuda 1:23

muwonieku abandi nga mubaghendula mu muliro. Abandi mu basaasire aye nga mubatya, nga mwesambira irala n'ebivaalo byaibwe ebyayonebwa ebikolwa byaibwe eby'omubiri.

Yuda 1:9

Ate nga ni bw'aba Mikaeli omukulu wa bamalaika, tiyakola ekyo bwe yali ali kukaayana ni Sitaani, nga bakaayanira omulambo gwa Musa; tiyakana n'akozesa bibono bivuma ng'asalira Sitaani omusango, okutoolaku okumukoba ati: “Katonda akubonereze.”

Okwolekebwa 17:14

Balirwanisa Entaama Ento aye eribaghangula ng'eri ghalala n'abo abaginonereza be yayeta, be yalondamu era abeesigwa; kuba Entaama Ento eyo ni Musengwa w'abasengwa era ni Kyabazinga wa bakyabazinga.”