Zekaria 2:9 - Baibuli Ekibono kya Katonda 2014

⁹ “Mubone eno, nze Musengwa Katonda mwene ninze ndibalwanisa imwe, naabaghaayo mu ngalo edh'abaali abagheereza baimwe, era baabanhagulula.” Ebyo bwe birimala okubaagho, mulimanha nga Musengwa Katonda Afuga Amagye n'eyantuma.

Zekaria 2:9 ပူးပေါင်းရင်းမြစ်များ

Isaia 10:32

Olwaleero omuzigu aidha kuba e Nobu, ali kwesoomera Olusozi Sioni nga yeesumba ekibuga Yerusalemu.

Isaia 11:15

Musengwa Katonda alikozesa empewo ye ebabula yaakaza ekikono ky'enhandha y'e Misiri; era yaasonka omukono gwe ku mwiga Eufurate, yaagwawulamu obwiga musanvu, abantu bwe basobola okusomoka nga tibabozeeku naire.

Isaia 12:6

Mwembe mukube n'emizira imwe abatyamye b'omu Sioni, kuba Katonda oyo Omutukuvu wa Isiraeli mukologho era aba ghalala n'imwe abantu be.”

Isaia 13:2

“Mughanike bendera ey'olutalo ku lusozi oluziraku isubi naire. Mukaabuke mwete abaisirukale, mubaghemye n'emikono baje ku miryango gy'ekibuga ekirimu abakungu, bakirumbe bakingire.

Isaia 14:2

Amaghanga kamaala galiyamba Abaisiraeli okwirayo mu nsi yaibwe, Musengwa Katonda ye yabagha. Era abamaghanga agandi balifuuka bairu ba Baisiraeli abo, baabagheerezanga. Olwo abo abaatwala Abaisiraeli nga banhage baaba nga bafuulibwa okuba abanhage ab'Abaisiraeli abo. Era Abaisiraeli abo balifuganga abo abaabatuntuzanga.

Isaia 19:16

Olunaku olwo bwe lulituuka, Abamisiri baliba bati inho ng'oti bakazi. Balitya era baadhugumira, bwe balibona nga Musengwa Katonda Afuga Amagye agalwire omukono okubabonereza.

Isaia 26:1

Ku lunaku olwo abantu balyemba olwembo luno mu Buyudaaya, bati: Ekibuga kyaife kigumu begulugulu. Katonda mwene n'eyakizimbaku ebimante ebigumu, era mwene n'akikuuma.

Isaia 33:1

Mukagwireku imwe abazikiriza banaimwe, ate nga imwe ghazira abazikirizangaku; n'imwe abaghemukira abantu ni mubeefuulaku ate nga imwe ghazira abaghemukirangaku n'abeefuulaku. Ekiseera kyaimwe eky'okuzikiriza bwe kiriwaaku, olwo mwena balibazikiriza; era ekiseera kyaimwe eky'okughemukira abantu nga mubeefuulaku bwe kiriwaaku, olwo mwena balibaghemukira baabeefuulaku.

Isaia 33:21

Eyo Musengwa Katonda y'alitwolekera ekitiisa kye, twaba mu kifo ekirimu ensulo, era ekirimu n'emiiga eminene okutabita maato ga bazigu.

Isaia 33:23

Emigugha egy'abazigu tigikaasobola kunhwegula mulongooti gwa lyato mu kifo kyagwo, waire okwandhuluza eitanga. Kale ebintu byonabyona eby'abazigu ebingi einho, birifuuka omunhago gwaife, nga n'abalema boona basobola okunhaga ku ogwo.

Isaia 4:5

Musengwa Katonda omusana alitaagho ekire ku Lusozi Sioni ni ku boonaboona abaliba balwesololeizaaku. Ate obwire yaataagho omwosi n'okwaka okw'enimi edh'omuliro. Ekitiisa kya Katonda oyo kirimaamira ekibuga kyonakyona, kyakikuuma.

Isaia 48:16

Museete ghe ndi muwulire kino: Okuviira irala mu mainhama n'okutuusa mpegaano, tyogerangaku mu kyama. Era bye ndhogera bimala byatuusa ekiseera byabaagho. Mpegaano Musengwa Katonda antumye n'amaani ag'omwoyo gwe.

Isaia 60:18

Obukambwe tibuliwulirwaku kabiri mu nsi yo, era ensi yo terizikirizibwa waire okufuuka ebifulukwafulukwa. Ebimante byo ebikwezungulwire olibyeta ‘Bulokozi bwa Musengwa Katonda,’ n'emiryango gyo waagyeta ‘Kusaaka Musengwa Katonda.’

Isaia 60:19

Omusana toidha kwetaaganga ndhuba kukumuliikirira, waire obwire okwetaaganga omwezi okukwakira. Nze Musengwa Katonda mwene, ninze nnaabanga eitaala lyo ebyanda n'ebyanda; okumesunkana okw'ekitiisa kyange kunaakwakirangaku.

Yeremia 27:7

Amaghanga goonagoona galimugheereza era gaagheereza ni mutabane we ni mwidhukulu we, okutuusa ekiseera bwe kirituuka eighanga lye ni ligwa. Olwo eighanga lye lyona lyafuuka mugheereza wa amaghanga kamaala ag'amaani, agafugibwa bakyabazinga abakologho.

Yeremia 28:9

Aye omulanzi alanga ati ghaja kubaagho miraala, ky'alanze kimala kutuukirira memale yaakakasibwa nga mulanzi mwenemwene atumiibwa Musengwa Katonda.”

Yeremia 8:19

Wulira, abantu bange bali kulira woonawoona mu ighanga, bati: “Musengwa Katonda takaaba mu Sioni? Oyo Kyabazinga ow'ensi eno takaabaamu?” Aye Musengwa Katonda yaabairamu ati: “Lwaki mwansoononkereza ni mundeetera okusungughala, nga musinza ebifaananie ebibaadhe, ni musinza ebintu ebitali Katonda?”

Ezekieli 39:10

Kale kiriba tikikaabeetaagisa kuja mu nsiko kugherera nku, waire okuja mu kibira okutemerera emiti kuba eby'okulwanisa ebyo n'ebiriba enku. Balinhagulula ebintu by'abazigu baibwe abo beene abaabanhagaku ebyaibwe, baabibatoolaku baabitwala ng'omunhago.” Musengwa Katonda n'akobye.

Yoeli 2:27

Olwo imwe Abaisiraeli mulimanha nga nze mba mu imwe, era nga nze Musengwa Katonda, ninze zenka Katonda waimwe, ezirayo wundi. Abantu bange tibaliirayo kabiri kuswazibwa.”

Habakkuku 2:17

Obukambwe bwe mwakozesa ku Lebanoni, n'obuja okukozesebwa ku imwe beene. Nga bwe mwazikiriza ensolo, era ensolo n'edhiidha okubatiisa. Olw'ebikolwa eby'obutemo bye mwakola mu nsi, ni mu bibuga, ni ku bantu baamu.

Habakkuku 2:8

Olw'okuba mwanhaga amaghanga kamaala, abo abaawonagho mwena baja kubanhaga, olw'abantu be mwaita n'olw'ebikolwa eby'obukambwe bye mwakola ku nsi mu bibuga ni ku bantu baamu.

Zefania 2:9

Kale ni, nze Musengwa Katonda omulamu afuga amagye, Katonda wa Isiraeli, ndayiire nti ebiketezo eby'Abamoabu n'Abammoni bija kuzikirira, nga Sodoma ni Gomorra bwe byazikirira. Bija kufuuka ekifo ekiidhwire ebisubisubi ebifumita n'ebiina ebisimwamu omuunhu. Bifuuke ekifo ekiziramu kirungi kye kivaamu ebyanda n'ebyanda. Abantu bange abaliwonagho balinhaga ekiketezo ekyo kyaba kyaibwe.”

Zefania 3:15

Musengwa Katonda atoiregho ekibonerezo kyaimwe, abinze abazigu baimwe boonaboona. Musengwa Katonda oyo kyabazinga wa Isiraeli ali mu imwe buti, ghazira kye mukaatya.

Zekaria 2:11

Mu kiseera ekyo, abantu abamaghanga kamaala baliidha ye Musengwa Katonda baafuuka bantu be. Musengwa Katonda alibanga ghalala n'imwe, era imwe mulimanha nga oyo n'eyantuma ye muli.

Zekaria 2:8

Buli agema ku imwe aba asiinhie ku mboni ya liiso lyange.” Musengwa Katonda Afuga Amagye ow'ekitiisa, yantuma nje y'amaghanga agaanhagulula abantu be, ngakobe nti:

Zekaria 4:9

“Zerubbabeli atairegho omusingi ogw'eisinzizo lino, era mwene oyo n'aidha okumaliriza okulizimba. Olwo abantu bange balimanha nga nze Musengwa Katonda Afuga Amagye, ninze eyakutuma ye bali.

Zekaria 6:15

Abantu ab'eghala baliidha baayamba mu kuzimba obuyaaka eisinzizo lya Musengwa Katonda, olwo mwamanha nga Musengwa Katonda Afuga Amagye n'eyantuma ye muli. Ebyo birituukirira, bwe muligondera n'omwoyo omulala ebyo Musengwa Katonda waimwe by'alagira.

Zekaria 9:15

Musengwa Katonda oyo Afuga Amagye alikuumanga abantu be, yaabaleetera okuzikiriza abazigu baibwe, baabatyankirira. Balitamiira okuyugha omusaayi gw'abazigu, baaba ng'oti n'abatamiire omwenge. Era omusaayi ogwo guliba mungi ng'oti n'ogw'emisengo, gwe bayugha n'ekibya ku alutaari ni gutoonherera ku nsonda dhaayo.

Yoanne 13:19

Ndi kubakobera bino mperaano nga bikaali kubaagho, lwe biribaagho mukakase muti ninze Oyo.

Yoanne 16:4

Aye mbakobeire ebintu bino ekiseera kyabyo kije okutuuka nga mwidhukira nga nabibakoberaku.” “Ebintu bino tyabibakobera mu kwinhama kuba nali ndi n'imwe.