Zekaria 2:8 - Baibuli Ekibono kya Katonda 2014

⁸ Buli agema ku imwe aba asiinhie ku mboni ya liiso lyange.” Musengwa Katonda Afuga Amagye ow'ekitiisa, yantuma nje y'amaghanga agaanhagulula abantu be, ngakobe nti:

Zekaria 2:8 ပူးပေါင်းရင်းမြစ်များ

Amainhama 20:6

Katonda yaamwiramu mu kirooto ati: “Ndidhi ng'ekyo wakikoze mu mwoyo mulungi, era nga ninze nkulobeire okukola ekibi ye ndi, kale kye naviire ni ndoba okukuganha okumugemaku.

2 Bakyabazinga 24:2

Agho Musengwa Katonda yaasindika ebikunsu eby'abalwani Abakaladea, n'eby'Abasiria, n'eby'Abamoabu, n'eby'Abammoni, baidha okulumba Yehoiakimu, bazikirize Buyudaaya nga Musengwa Katonda bwe yakoba ng'abita mu bagheereza be abalanzi.

Zabbuli 17:8

Nkuuma ng'oti mboni ya liiso lyo; mpambaatira ng'oti n'enkoko bw'ekola obwana bwayo.

Ensambo 7:2

Bw'onaagemanga bye nkulagira oidha kuba mulamu. Era bye nkwegeresa bikuumenga, ng'oti bw'okuuma emboni ey'eriiso lyo.

Isaia 49:19

Waire ng'ensi yo yali ezikiriziibwa yaalekebwagho etyo ng'ezise, aye olwo eriba ntono nga tesugamu abo abaliidha okugibaamu. Era abo abaagireka nga bamaze okugizikiriza, eriba ebali ghala inho.

Yeremia 12:14

Agho Musengwa Katonda yaakoba ati: “Kino kye ndidha okukola ab'omu maghanga agaliiraine Isiraeli agoonoona ensi ye nagha abantu bange Abaisiraeli. Ndidha kubatoola mu nsi dhaibwe, ng'oti n'omuntu bw'aiwululagho ekisimbe n'emizi gyakyo. Era ndiwonia Abayudaaya naabatoola mu ngalo dh'abantu abo ababi.

Yeremia 27:7

Amaghanga goonagoona galimugheereza era gaagheereza ni mutabane we ni mwidhukulu we, okutuusa ekiseera bwe kirituuka eighanga lye ni ligwa. Olwo eighanga lye lyona lyafuuka mugheereza wa amaghanga kamaala ag'amaani, agafugibwa bakyabazinga abakologho.

Ezekieli 25:12

Musengwa Katonda akoba ati: “Olw'okuba Abaedomu beesasuuliza ku Bayudaaya bubi inho, olwo beereetaku omusango omunene einho,

Ezekieli 25:15

Musengwa Katonda akoba ati: “Olw'okuba Abafilisiti beesasuliza ku bazigu baibwe ab'olubeerera baababisa bubi inho n'omwoyo ogwidhwire obukyayi,

Ezekieli 26:2

“Iwe omuntu, mpulira abantu b'e Tiro nga boogera ku Yerusalemu bati, ‘Otyo, Yerusalemu ekyali omulyango ogw'obusuubuzi bw'amaghanga nga bwe bakimenhie ni kifuuka ebifulukwa, buti niife twize mu kifo kyakyo, tukombaghale.’

Ezekieli 26:20

Ndikusindika waaja ghansi, waaba eyo n'abafu ab'eira abaika e magombe. Ndikuta ghansi eyo waaba mutyamye w'eyo mu nsi ey'abafu, ghalala n'abo abaika eyo mu lwina, mu bifulukwafulukwa eby'ebyanda ebyabita. Olwo ghabulegho omuntu asenga mu iwe kabiri, waire iwe mwene okwirayo okubalirwa mu nsi ya balamu.

Ezekieli 35:5

Wali n'enzigu ku Baisiraeli ey'olubeerera, wabaghaayo okwitibwa mu lutalo mu kiseera kye baabeera mu kabi, ekiseera eky'okubonerezebwa kwaibwe okusembayo.

Ezekieli 36:11

Ndireetera abantu n'ensolo okuzaalagana n'okweyongera obungi mu imwe, okusinga ni bwe kyalinga eira. Naaleetera n'ebintu okujanga obukalamu mu imwe, okusinga ni ghale ghe mwasookera okusengebwamu. Olwo mulimanha nga ninze Musengwa Katonda.

Ezekieli 38:11

ng'okoba mule oti, ‘Ndidha kuja numbe abantu ab'omu nsi eyo ey'ebibuga ebiteezungulwirwa bimante bigumu. Ndibagwaku nga bali mu miraala, nga bazira kye beekengeera naire, era nga bazira ntegeka yoonayoona ya kwekuuma.’

Ezekieli 38:14

Kale ni, iwe omuntu, langa okobere Gogi oti nze Musengwa Katonda ndi kumukoba nti: “Mu biseera abantu bange Abaisiraeli bye balibeera mu miraala, ng'olwo ositukiramu obalumba.

Amosi 1:11

Musengwa Katonda akoba ati: “Abantu ab'e Edomu bakoze ebibi emikuzi kamaala. N'olw'ensonga eyo nteekwa buteekwe okubabonereza kuba baayiiga baganda baibwe Abaisiraeli, baabaita aghazira kusaasira naire. Era obusungu bwaibwe bwaloba kukendeeraku naire, aye baabusiba ku mwoyo enaku dhoonadhoona.

Amosi 1:13

Musengwa Katonda akoba ati: “Abantu ab'omu Ammoni bakoze ebibi emikuzi kamaala. N'olw'ensonga eyo nteekwa buteekwe okubabonereza kuba, mu ntalo dhe baalwana okugaziya ekiketezo kyaibwe, baasalanga amabunda g'abakazi be baayagaananga nga bali nda mu Gileadi.

Amosi 1:9

Musengwa Katonda akoba ati: “Abantu ab'e Tiro bakoze ebibi emikuzi kamaala. N'olw'ensonga eyo nteekwa buteekwe okubabonereza kuba baatwala abantu ab'eighanga eiramba mu bunhage mu nsi Edomu, baaloba kukuuma ndagaano ye baakola.

Mika 4:11

Amaghanga kamaala geesoloiza okubalumba, nga gakoba gati: “Yerusalemu kizikirizibwe, tukibone nga kisigaire bifunfugu byereere.”

Mika 5:6

Abo, nga bakozesa eby'okulwanisa byaibwe, baja kughangula ekiketezo ekyo Assiria, ensi ya Nimurodi, batuwonie Abassiria bwe baliba batabaire nsi yaife.

Mika 7:10

Ekyo abazigu baife baidha kukibona baswale abo abaatuyeeyerezanga nga bakoba bati: “Musengwa Katonda waimwe ali gha?” Tulisangaala okubona nga batyankirirwa mu nguudo ng'oti bityanka!

Habakkuku 2:17

Obukambwe bwe mwakozesa ku Lebanoni, n'obuja okukozesebwa ku imwe beene. Nga bwe mwazikiriza ensolo, era ensolo n'edhiidha okubatiisa. Olw'ebikolwa eby'obutemo bye mwakola mu nsi, ni mu bibuga, ni ku bantu baamu.

Habakkuku 2:8

Olw'okuba mwanhaga amaghanga kamaala, abo abaawonagho mwena baja kubanhaga, olw'abantu be mwaita n'olw'ebikolwa eby'obukambwe bye mwakola ku nsi mu bibuga ni ku bantu baamu.

Zefania 2:8

Musengwa Katonda Aghanga ebintu byonabyona akoba ati: “Mpuliire abantu Abamoabu n'Abammoni nga bavuma era nga bayeeyereza abantu bange. Era naawulira nga beesuuta nga bwe baidha okubanhagaku ekiketezo kyaibwe.

Zekaria 2:11

Mu kiseera ekyo, abantu abamaghanga kamaala baliidha ye Musengwa Katonda baafuuka bantu be. Musengwa Katonda alibanga ghalala n'imwe, era imwe mulimanha nga oyo n'eyantuma ye muli.

Zekaria 2:9

“Mubone eno, nze Musengwa Katonda mwene ninze ndibalwanisa imwe, naabaghaayo mu ngalo edh'abaali abagheereza baimwe, era baabanhagulula.” Ebyo bwe birimala okubaagho, mulimanha nga Musengwa Katonda Afuga Amagye n'eyantuma.

Zekaria 8:5

Era enguudo dhaakyo dhiriiramu okwidhula abalenzi n'abaghala abali kuzaanha.

Malaki 3:1

Agho Musengwa Katonda Afuga Amagye yaabairamu ati: “Bona eno, ndituma omukwenda wange yantegekera engira mwe ndibita. Olwo Musengwa Katonda ye muli kwagala alibazinduukiriza nga timwetegeike, yaidha mu isinzizo lye. Era omukwenda oyo ye mwegomba okubona, aliidha yaalangirira endagaano yange.”

Matayo 25:40

“Agho Kyabazinga alibairamu ati, ‘Bwenebwene ka mbakobere buli kye mwakolera omulala ati ku baganda bange bano abato, mwakikolera nze.’

Matayo 25:45

“Agho alibairamu ati, ‘Bwenebwene ka mbakobere buli lwe mutaalaadha omulala ku bato bano timwalaadha nze.’

Yoanne 14:26

Aye omubeezi, Mwoyo Mutukuvu, Lata y'alituma mu liina lyange, alibeegeresa ebintu byonabyona, yaabaidhusa byonabyona bye nabakoba.

Yoanne 17:18

Mbatuma mu nsi ng'oti niiwe bwe wantuma mu nsi.

Ebikolwa by'Abatume 9:4

Yaagwa ghansi era yaawulira eiroboozi nga limukoba liti: “Saulo, Saulo! Lwaki onkiriga?”

Amateeka Agokubiri 32:10

Yabaagaana nga batambulatambula eyo batyo mu irungu eikalu, eriidhwire kiwunga w'empewo. Yaabakuuma, yaabalabirira, ng'omuntu bw'alabirira emboni y'eriiso lye.

2 Ab'e Thessalonika 1:6

Era Katonda aja kukola ekituufu: aja kuleetera abo ababadaazadaaza badaagedaage,

1 Yoanne 4:14

Era twakibona, twakighaaku n'obudhulizi tuti Lata yatuma Omwana we okuba Omulokozi ow'ensi.