Zekaria 2:12 - Baibuli Ekibono kya Katonda 2014

¹² Musengwa Katonda oyo aliiramu kabiri okulonda Buyudaaya yaagifuula ensi eyiye ku bubwe entukuvu. Era yairamu n'okulonda Yerusalemu kibe ekibuga kye ky'agonza einho.

Zekaria 2:12 ပူးပေါင်းရင်းမြစ်များ

2 Ebyomubyanda 6:6

Aye mpegaano nonzeegho Yerusalemu kibe ekifo mwe banansinzizanga, era naataagho iwe Daudi okulemberenga abantu bange Abaisiraeli.’ ”

Zabbuli 105:15

ng'abakoba ati: “Ghatabaagho agema ku bantu bange be nasiiga omuzigo; abalanzi bange mutabakola kibi kyonakyona.”

Zabbuli 132:13

Musengwa Katonda yeerondera Sioni, ng'agho gh'aidha okubanga.

Zabbuli 132:14

Yaakoba ati: “Kino n'ekifo kyange ebyanda n'ebyanda; ghano ghe ndidha okubanga, kuba mwene ntyo bwe nhenze.

Zabbuli 135:4

Musengwa Katonda yeerondera aba Yakobo, abantu ba Isiraeli, yaabafuula ababe ku bubwe.

Zabbuli 33:12

Eighanga eriri ni Musengwa Katonda nga ni Katonda waalyo, lya nkabi; abantu Musengwa Katonda b'alonda okuba ababe, ba nkabi.

Zabbuli 82:8

Wo Katonda, situkiramu ofuge ensi yo, kuba amaghanga goonagoona gago.

Isaia 14:1

Musengwa Katonda aliiramu okugemerwa Abaisiraeli ekivunika, yaabalonda kabiri okuba abantu be. Era alibaizaayo mu nsi yaibwe, baaba omwo. N'abasenze baliidha baabeeyimbaku, baabanga ghalala ni baidhukulu ba Yakobo abo.

Isaia 17:14

Eigulo balireetagho okutya okungi, aye bulija okukya enkyo nga babuzeegho. Ebyo n'ebituuka ku abo abatutoolaku ebyaife, era ogwo n'omugabo gw'abo abanhagulula ensi yaife.

Isaia 41:9

Nakutoola eyo ensi y'ekanga, naakweta okuva eyo mu nsonda dhaayo edhisinga kuba dha ghala. Naakukoba nti, ‘Niiwe omugheereza wange.’ Nakulondamu era tikuzirangaku.

Yeremia 10:16

Aye Katonda wa Yakobo tali ng'oti ni byene, kuba n'eyakola ebintu byonabyona. Era yaalonda Isiraeli okuba eighanga erirye ku bubwe. Eriina lye ni Musengwa Katonda Afuga Amagye.

Yeremia 30:16

Aye mpegaano imwe abantu bange mulobe kutya: Abo boonaboona ababaita, boona baliitibwa. Abazigu baimwe boonaboona balitwalibwa mu bunhage. Abo boonaboona ababatuntuza, boona balituntuzibwa. N'abo ababanhagaku ebyaimwe, boona balinhagibwaku ebyaibwe.

Yeremia 51:19

Aye Katonda wa Yakobo tali ng'oti ni byene, kuba n'eyakola ebintu byonabyona. Era yalonda Isiraeli okuba eighanga erirye ku bubwe. Eriina lye, ni Musengwa Katonda Afuga Amagye.

Zekaria 1:17

Malaika era yankoba okulangirira nti: “Musengwa Katonda Afuga Amagye akoba ati ebibuga bye biriiramu okuba obukalamu. Era akoba ati aliiramu okuyambanga Yerusalemu, yaakitwala ng'ekibuga ekikye ku bubwe.”

Zekaria 3:2

Agho malaika wa Musengwa Katonda yaakoba Sitaani ati: “Iwe Sitaani, Musengwa Katonda agwananga yaakusalira omusango. Musengwa Katonda oyo eyalonda Yerusalemu agwananga yaakusalira omusango gwakusinga. Oyo y'oli kwenda okulumiriza ali ng'oti n'ekisiki kye baswankwire mu muliro.”

Amateeka Agokubiri 32:10

Yabaagaana nga batambulatambula eyo batyo mu irungu eikalu, eriidhwire kiwunga w'empewo. Yaabakuuma, yaabalabirira, ng'omuntu bw'alabirira emboni y'eriiso lye.

Amateeka Agokubiri 32:9

Yalondamu aba Yakobo yaabafuula babe, baaba bantu be ku bubwe.