Zekaria 14:8 - Baibuli Ekibono kya Katonda 2014

⁸ Mu kiseera ekyo amaadhi amalungi galikuuluula nga gava mu Yerusalemu. Galyegabamu ghabiri agandi gaaja mu nhandha eri e buvandhuba, ate agandi gaaja mu nhandha eri e bugwandhuba. Galikuuluula omwaka gwonagwona nga tigalekera, ka bibe ebiseera eby'akasana oba eby'ekiinhogogo.

Zekaria 14:8 ပူးပေါင်းရင်းမြစ်များ

Olwembo 4:15

Oli ng'oti nsulo edh'amaadhi amalungi agafukirira enimiro, era waaba ng'oti n'obwiga obukuuluula, nga buva ku lusozi Lebanoni.

Isaia 35:7

Omusenho ogwokya gulifuukamu nhandha, n'eitaka eikalu ery'olubbalangu lyafuuka nsulo dha maadhi. Ekifo ebibe mwe byabanga, mulimeramu isubi na bitoogo.

Isaia 49:10

Endhala teribalumanga waire endiwo okubagemanga. Empewo ebabula teribafuuwanga waire omusana okubookyanga; kuba oyo abagemerwa ekivunika alibakulembera, yaabatuusa ku nsulo dh'amaadhi.

Isaia 58:11

Nze Musengwa Katonda mwene ndibakulemberangamu buli kaakyeire, naabagha ebirungi ebibamala obukalamu era naabaleetera okuba abagumu era ab'amaani. Mulibanga ng'oti n'enimiro ye bafukirira amaadhi, era ng'oti n'ensulo y'amaadhi etakala.

Yoeli 2:20

Ndidha kutoolagho eigye ery'enzige edhaava ku luuyi olw'omukono omugooda olw'e buvandhuba. Edhindi ndidha kudhibingira mu irungu ezira bantu: edho edhiri mu bikunsu ebikulembeiremu ndidha kudhisindika mu Nhandha Eyomuunhu. Ate edho edhiri mu bikunsu eby'einhuma ndidha kudhisindika mu Nhandha Eyaghagati. Ndidhizikiriza olw'ebibi bye dhaabakola, era emirambo gyadho giriwunha inho.

Yoeli 3:18

Mu kiseera ekyo, ensozi dhiriidhula enimiro dh'emizabbibu, n'obusozi bwaidhula ente edhikamwa. Obwiga bw'omu Buyudaaya bwonabwona buliidhula amaadhi. Era ghalibaagho ensulo ey'amaadhi erikuuluula ng'eva mu isinzizo lya Musengwa Katonda, yaaja yaafukirira Ekiiko eky'e Shittimu.

Mika 4:2

abantu abangi abo balikoba bati: “Mwidhe tuje ku lusozi lwa Musengwa Katonda, mu isinzizo lya Katonda wa Isiraeli, atwegerese by'ayenda tukole era tujiire ku ebyo by'atwegeresa; kuba Musengwa Katonda aba eyo mu Yerusalemu yaayegeresa abantu be, era aba eyo mu Sioni yaayogera n'abantu be.”

Zekaria 14:4

Mu kiseera ekyo alyemerera ku Lusozi olw'Emiti Emyoliva, oluli ku luuyi olw'e buvandhuba olwa Yerusalemu. Olusozi olwo lulyeyatisaamu endhawu ibiri okuva e buvandhuba okutuuka e bugwandhuba, lwaidhamu ekiiko ekigazi einho. Olwawu olundi olw'olusozi olwo luliseseetukira ku luuyi olw'omukono omugooda olw'e buvandhuba, ate olwawu olundi lwaseseetukira ku luuyi olw'omukono omusaadha olw'e buvandhuba.

Luka 24:47

era nti okwenenia n'okusoniyibwa ebibi, biri n'okukoberwa amaghanga goonagoona mu liina lye, okuviira irala ni mu Yerusalemu.

Yoanne 4:10

Yesu yaamukoba ati: “Nguli oidhi ekirabo Katonda ky'agha, n'omanha n'oyo ali kukusaba amaadhi okunhwa, wandimusabye yaakugha amaadhi agagha obulamu.”

Yoanne 4:14

aye kiisi anhwa ku maadhi ge mmugha, taliirayo kuba ndiwo. Amaadhi ago ge ndimugha, mu oyo galifuuka ensulo ey'amaadhi agagha obulamu era gaamugha obulamu obutawaagho.”

Yoanne 5:4

Kuba ghaalingagho ebiseera malaika mwe yaikiranga mu kidiba n'ataabuula amaadhi, era nga kiisi asooka okwika mu maadhi nga gamaze okutaabuuka, awona kiisi bulwaire bwonabwona bw'aba ng'alwaire.]

Yoanne 7:38

Era ng'Ebyaghandiikibwa bwe bikoba, ‘Kiisi andhikiriza emiiga egy'amaadhi ag'obulamu giriviira mu mwoyo gwe.’ ”

Okwolekebwa 22:17

Mwoyo n'Omugole bakoba bati: “Idha!” N'oyo awulira bino akoba ati: “Idha!” Kiisi ali ndiwo aidhe, era kiisi ayenda maadhi ga bulamu, agafune aghazira kusasula.