Zekaria 14:7 - Baibuli Ekibono kya Katonda 2014

⁷ Era teribaayo nzikiiza. Bulibanga musana ekiseera kyonakyona. Ni mu kiseera eky'obwire, ghalibangagho butangaavu ng'oti musana. Aye Musengwa Katonda yenka naidhi ekiseera ekyo ghe kiribeeragho.

Zekaria 14:7 ပူးပေါင်းရင်းမြစ်များ

Zabbuli 37:18

Musengwa Katonda alabirira abaziraku musango, era omugabo gwaibwe gwa kutwala nsi ebyanda n'ebyanda.

Isaia 11:9

Ku Sioni olusozi lwa Katonda olutukuvu, tikulibaaku kintu kizikiriza kiinaakyo waire okukituusaaku obulumi; kuba ensi eriidhula okumanha Musengwa Katonda, ng'oti n'enhandha bw'eidhula amaadhi.

Isaia 24:23

Olwo omwezi guligema enzikiiza, n'endhuba yaaloba kwaka; kuba Musengwa Katonda Afuga Amagye n'aliba kyabazinga ku lusozi Sioni ni mu Yerusalemu. Era alyoleka ekitiisa kye eri abakulembeze b'abantu.

Isaia 30:26

Ku lunaku Musengwa Katonda lw'alinhigiraku ebinuubule n'ebibwa by'abantu be, n'abawonia enguma dhe yabataaku, omwezi gulyaka ng'oti ndhuba. Ate okwaka kw'endhuba kulyeyongeramu amaani emikuzi musanvu ng'okwaka okw'omu lunaku olulala kuli ng'oti kwa nnaku musanvu.

Isaia 45:21

Muleete empoza yaimwe mugyandhuleyo, n'abo ababawolezaagho beebuuzaganie buli muntu ku mwine. Naani eyalanga eira einho ebyo ebyali biri n'okubaagho? Ti ninze Musengwa Katonda? Kale ni ezirayo kyetebwa katonda okutoolaku nze, Katonda Omutukuvu era Omulokozi. Bwenebwene ezirayo wundi okutoolaku nze.

Isaia 58:10

ni mugha abali endhala emere, n'abo abadaazibwadaazibwa ni mubagha bye beetaaga, olwo enzikiiza egemye bedimudimu ebeezungulwire imwe, erifuuka ng'oti n'obutangaavu obw'omu kasana ghagati.

Isaia 9:7

Obufuzi bwe bwidha kweyongeranga aghazira kukoma emiraala mu bwakyabazinga bwe gyeyongerenga aghazira kusalaku. Alifuga ng'omusika wa Daudi, obuyinza bwe nga bujiira ku kukola mazima na butuufu, okuva mpegaano n'okutuusa ebyanda n'ebyanda. Musengwa Katonda Afuga Amagye aidha kutuukiriza ekyo.

Yeremia 30:7

Tukagwireku! Olunaku olutiisa einho luli kwidha, era ezira lundi lw'olugerangeraniaku. Luliba lwa bulumi ku bantu bange, aye balirubitamu baabaagho.”

Danieli 12:4

Agho yankoba ati: “Mperaano ni, iwe Danieli, wumbaku ekitabo ekyo okisibeku n'akamanhiso, okutuusa ku kiseera eky'enkomerero. Abantu kamaala balizungira eno n'ere nga benda okwongera ku bumanhi bwaibwe.”

Hosea 3:5

Aye mu biseera eby'oluvainhuma abantu bange Abaisiraeli balikyuka, kabiri baira eri Musengwa Katonda waibwe n'eri Daudi kyabazinga waibwe. Baliiramu okutya Musengwa Katonda oyo, era baafunanga ebirungi ebiva y'ali.

Amosi 8:9

Ku lunaku olwo, ndiragira endhuba yaagwa mu kasana ghagati, era naasindika enzikiiza yaagema ku nsi.” Musengwa Katonda atyo bw'akoba.

Matayo 24:36

“Aye ghazira aidhi lunaku olwo ni saawa, ni bwebaakaba bamalaika ab'omu igulu, waire Mwana, okutoolaku Lata yenka.

Mariko 13:32

“Aye ghazira aidhi lunaku olwo oba saawa ni bwebaakaba bamalaika mu igulu, waire Omwana, okutoolaku Lata.

Ebikolwa by'Abatume 1:7

Yesu yaabakoba ati: “Ti kyaimwe okumanha entangama n'ekiseera Lata bye yata mu buyinza bwe.

Ebikolwa by'Abatume 15:18

Musengwa atyo bw'akoba eyakola ebintu bino ni bimanhibwa okuva eira n'eira.’

Ebikolwa by'Abatume 17:26

Mu muntu omulala Katonda ye yatonda, n'omwava amaghanga goonagoona ag'abantu agabunia ensi. Yasooka okubateeragho ebiseera ebigere, n'ensalo edh'ebifo mwe banaabanga.

Ebikolwa by'Abatume 17:31

kuba yataagho olunaku, lw'aja okusaliraku ensi yoonayoona omusango mu mazima ng'abita mu muntu ye yalonda, era kino yakikakasa abantu boonaboona bwe yazuukiza omuntu oyo.”

1 Ab'e Thessalonika 5:2

Kuba mwidhi bukalamu nga olunaku lwa Musengwa luligwa bugwe oti n'omwibi bw'aidha obwire.

Okwolekebwa 11:15

Agho malaika owomusanvu yaafuuwa eigwala lye. Ghaabaagho amamiro mu igulu nga gakoba gati: “Obwakyabazinga obw'ensi bufuuse bwa Musengwa waife era bwa Kurisito: aidha kufuganga ebyanda n'ebyanda.”

Okwolekebwa 14:6

Agho naabona malaika owundi ng'ali kuguluka, nga yeeruupye eyo mu igulu. Yali agheereibwa amawulire amalungi ag'ebyanda n'ebyanda agakobere abo abali ku nsi aba kiisi kika, aba kiisi lulimi, aba kiisi luse n'aba kiisi ighanga.

Okwolekebwa 21:23

Era ekibuga ekyo tikyetaaga ndhuba, waire mwezi kukyakira, kuba ekitiisa kya Katonda n'obutangaavu bwakyo, era Entaama Ento n'entaala yaakyo.

Okwolekebwa 21:25

Emiryango gyakyo tigija kwigalwanga olunaku lwonalwona, era eyo teribaayo bwire.

Okwolekebwa 21:3

Naawulira amamiro ag'amaani nga gava gha kityamo eky'obwakyabazinga, nga gakoba gati: “Bona, mperaano ekifo Katonda mw'aba kiri mu bantu. Katonda anaabanga nabo, nga ni Katonda waibwe, era nga beene bantu be.

Okwolekebwa 22:5

Obwire tibuliiramu kuziba, era tibalyetaaga butangaavu bwa ntaala oba obw'endhuba. Kuba Musengwa Katonda n'anaabanga obutangaavu bwaibwe, era balifuga ebyanda n'ebyanda.