Zekaria 14:6 - Baibuli Ekibono kya Katonda 2014

⁶ Mu kiseera ekyo teribaayo kiinhogogo waire olufu.

Zekaria 14:6 ပူးပေါင်းရင်းမြစ်များ

Zabbuli 112:4

Obutangaavu bwidha mu nzikiiza bwamuliikirira abo abatya Katonda, era bwayakira abo ab'ekivunika, abasaasizi era abatuufu.

Isaia 13:10

Emuunienie edha buli nsambo ku igulu dhirirekera agho okwaka, endhuba yaagema enzikiiza ng'eri kuvaayo, n'omwezi gwaloba kwaka.

Isaia 24:23

Olwo omwezi guligema enzikiiza, n'endhuba yaaloba kwaka; kuba Musengwa Katonda Afuga Amagye n'aliba kyabazinga ku lusozi Sioni ni mu Yerusalemu. Era alyoleka ekitiisa kye eri abakulembeze b'abantu.

Isaia 50:10

Buli muntu ata mu Musengwa Katonda ekitiisa, era n'ajiira ku ebyo omugheereza wa Musengwa Katonda oyo by'akoba, ni bw'atambulira mu nzikiiza ng'azira kimulika, yeesigenga bwa Musengwa Katonda oyo, agumirenga ku Katonda oyo.

Yeremia 4:23

Nalingirira ensi, naabona nga ndhereere era nga ntabuletabule; ate naalinga ku igulu nga kuzira kyaka naire.

Ezekieli 32:7

Lwe ndikuzikiriza ndighemba ku igulu, nairugaza emuunienie dhaaloba kwaka, naaghemba ni ku ndhuba ekire, era n'omwezi gwaloba kuvaaku butangaavu naire.

Ezekieli 32:8

Ndizikiza ebyaka byonabyona eby'oku igulu ebiri ghaigulu wo, ensi yo naagireka mu nzikiiza. Nze Musengwa Katonda ninze nkobye.

Hosea 6:3

Ka tufube inho okumanha Musengwa Katonda. Okwidha kwe ye tuli kukakafu ng'oti bwire kukya. Aliidha ye tuli ng'oti maadhi matoigo, agagwa ni gafukirira ensi.”

Yoeli 2:2

Luliba lunaku nga lwa kifu era nga lwa kazigizigi, olwidhwire ebire ebyereere ku igulu n'enzikiiza agemye bedimudimu! Eigye eikologho ery'enzige liiryo liri kwidha, nga libuutikiire ensozi ng'oti nzikiiza. Tighabangaghooku nzige dhaaga n'edho bungi, era tidhiribaagho kabiri ebyanda n'ebyanda.

Yoeli 2:30

“Ndyoleka ebyamagero ku igulu ni ku nsi. Ghalibaagho omusaayi, n'omuliro, n'omwosi ogwesimbye ng'oti mpango.

Yoeli 2:31

Endhuba erifuuka nzikiiza, n'omwezi gwamyuka ng'oti musaayi, memale olunaku lwa Musengwa Katonda olukulu era olw'entiisa lwatuuka.

Yoanne 1:5

Ekimuliikirira ekyo kimulika mu nzikiiza, era enzikiiza tekisobola.]

Yoanne 12:46

Nze naidha mu nsi ng'ekimuliikirira, kiisi andhikiriza alobe kusigala mu nzikiiza.

Ebikolwa by'Abatume 2:16

Aye kino Yoeli omulanzi kye yalanga ati,

Ebikolwa by'Abatume 2:19

Ndiraga ebyewuninkiriza eyo ghaigulu mu igulu, n'ebyewuunhio ghansi ku nsi. Ghalibaagho omusaayi, omuliro, n'omwosi ogunioka.

Ab'e Kolosai 1:12

Mweyanzenga Lata eyatugwaniza okuba aghalala n'abatuukirivu mu butangaavu.

2 Petero 1:19

Tuja nga tweyongera okukakasa ebibono abalanzi bye baakoba. Mubitengaku omwoyo, kuba biri ng'oti n'eitaala eryaka mu nzikiiza okutuusa obwire lwe bulikya, emuunienie ey'oku nkyo n'evaayo, n'eyakira mu myoyo gyaimwe.

Okwolekebwa 11:15

Agho malaika owomusanvu yaafuuwa eigwala lye. Ghaabaagho amamiro mu igulu nga gakoba gati: “Obwakyabazinga obw'ensi bufuuse bwa Musengwa waife era bwa Kurisito: aidha kufuganga ebyanda n'ebyanda.”

Okwolekebwa 11:3

Ndituma abadhulirwa bange babiri nga beesibye ebikaakaati olw'okunakughala, naabagha obukumu bamale enaku lukumi na bibiri na nkaaga (1,260) nga bakobera abantu ebibono bya Katonda.”