Zekaria 14:20 - Baibuli Ekibono kya Katonda 2014

²⁰ Mu kiseera ekyo, ni bwebiba ebide obude bye basiba mu mbalaasi, byona biriba bighandiikiibwaku biti: “Yayawulibwa nga ya Musengwa Katonda.” N'entamu edh'omu isinzizo lya Musengwa Katonda dhiritwalibwanga okuba entukuvu ng'oti n'ebibya ebiba emberi gh'alutaari.

Zekaria 14:20 ပူးပေါင်းရင်းမြစ်များ

1 Bakyabazinga 7:50

ebikopo, makansu edhisala ebisiriiza ku ntambi, ebibya, ebintu bye bataaku obubbaani, ebintu eby'okutwaliraku amanda agaliku omuliro, pata edh'endhigi edh'omu Kifo Ekitukuvu Einho n'edh'endhigi edh'eisinzizo edh'okuliya. Ebintu ebyo byonabyona byali bya zaabu.

2 Ebyomubyanda 4:8

Yaakola n'emeeza ikumi yaadhita mu isinzizo: eitaanu ku luuyi olw'omukono omusaadha olw'e buvandhuba w'eisinzizo eryo, n'eitaanu edhindi ku luuyi olw'omukono omugooda olw'e buvandhuba waalyo. Yaakola n'ebibya kikumi mu zaabu.

Zabbuli 110:3

Ku lunaku lw'olija n'eigye lyo okulwana, abantu bo baja kweghaayo kyeyendere aghazira kukakibwa. Abavubuka bo baja kwidha y'oli ku nsozi entukuvu ng'oti musulo gwa nkyo.

Okuvaayo 25:29

Emeeza eyo mugikolereku ebibya n'enkaayi, era mugikolereku n'ensugha, n'ebikopo, olw'ebigheebwayo ebifukibwa. Ebintu ebyo mubikole mu zaabu omukenenule.

Okuvaayo 37:16

Yaakola ebikozesebwa ku meeza eyo byonabyona mu zaabu omukenenule, nga ni bino: ebibya, n'enkaayi. Era yaakola n'ebikopo n'ensugha olw'ebigheebwayo ebifukibwa.

Okuvaayo 39:30

Agho baakola akabaati ak'engule entukuvu mu zaabu omukenenule, baakataaku ekighandiiko, ng'omubaadhi ow'amabaale ag'omughendo bw'agasalaku obumanhiso ng'akozesa ekyuma ekisongovu, ekighandiiko nga kikoba kiti: “Yayawulibwa nga wa Musengwa Katonda.”

Isaia 23:18

Ebirivanga mu kusuubula kwakyo, balibighangayo byaba bya Musengwa Katonda. Abantu abasinza Musengwa Katonda balibikozesanga okugula emere n'engoye bye beetaaga, mu kifo ky'okubitereka ni byebunga obwa agho.

Isaia 52:1

Iwe Sioni situka, situka oiremu obe wa maani. Iwe Yerusalemu ekibuga ekitukuvu, vaala ebivaalo byo ebiboneka obulungi; kuba bale abatatya Katonda n'abatali balongoofu tibakairayo kwingira mu iwe.

Yeremia 31:40

Ekiiko kyonakyona kye baziikamu abafu era kye basuulamu n'ebikaba, n'enimiro dhoonadhoona okutuuka ku kaiga Kiduroni n'okutuuka ku gwetebwa Omulyango ogw'Embalaasi mu buvandhuba, biidha kubanga byange era nga bitukuvu. Ekibuga tikiriiramu kabiri kumenhebwagho waire okuzikirizibwa.”

Ezekieli 45:1

Bwe muliba mugabania emigabo gy'eitaka mu bika, mwawulangaku ekiketezo mwakighaayo kyaba kya Musengwa Katonda nga kitukuvu. Kiriba kilomita ikumi na ibiri n'ekitundu ku kilomita itaanu. Ekiketezo ekyo kyonakyona kiriba kitukuvu eyo yoonayoona ye kikoma.

Abalevi 6:28

Entamu ey'eitosi efumbiibwamu emamba yaakyo, enaamenhebwanga. Aye entamu ey'ekyuma eky'ekikomo bw'enaabanga nga n'efumbiibwamu emamba yaakyo, enaakolokotebwanga yaanaazibwa n'amaadhi.

Abalevi 8:9

Yaamusiba ekitambaala ku mutwe, era agho mu maiso gaakyo yaakisibaku akapande aka zaabu, ng'eyo n'engule entukuvu, nga Musengwa Katonda bweyamulagira.

Obadia 1:17

“Aye ku lusozi Sioni eribaayo abaliwonagho era olusozi olwo luliba lutukuvu. Abantu ab'oku nda ya Yakobo baliba n'ensi nga yaibwe ku bwaibwe.

Zefania 2:11

Musengwa Katonda oyo aja kubatiisa inho ekibitiriire. Bwenebwene emisambwa gyonagyona aja kugifuula ebintu ebiziramu kantu, era olwo buli ighanga lirisinza mwene nga liri mu kiketezo kyalyo.

Zekaria 14:19

Ekyo n'ekibonerezo ekirigheebwa Misiri, n'amaghanga agandi goonagoona agataaniineniinenga kuja kukola Kibinuko kya Ntindi.

Zekaria 8:3

Luliba lulala naira ku lusozi lwange Sioni, naaba mu kibuga kyange Yerusalemu. Olwo ekibuga ekyo balikyetanga ekibuga eky'abantu abeesigwa, era baakyetanga olusozi lwange nze Musengwa Katonda Afuga Amagye olutukuvu.

Zekaria 9:15

Musengwa Katonda oyo Afuga Amagye alikuumanga abantu be, yaabaleetera okuzikiriza abazigu baibwe, baabatyankirira. Balitamiira okuyugha omusaayi gw'abazigu, baaba ng'oti n'abatamiire omwenge. Era omusaayi ogwo guliba mungi ng'oti n'ogw'emisengo, gwe bayugha n'ekibya ku alutaari ni gutoonherera ku nsonda dhaayo.

Malaki 1:11

Okuva e buvandhuba okutuuka e bugwandhuba, abantu ab'amaghanga goonagoona bantaamu ekitiisa. Buli ghantu baniokeza obubbaani ye ndi era baagheereza ye ndi ebigheebwayo ebirongoofu. Boonaboona bantaamu ekitiisa.

Okubala 4:14

Agho baidha kutanga ebintu ebikozesebwa mu mikolo ku alutaari eyo, bino: ebintu eby'okutwalirangaku amanda agaliku omuliro, ebyuma eby'amaino ng'oti wuuma, ebitiiyo n'ebibya. Ng'olwo bagighembaku ekintu ekyakolebwa mu mawu g'embuzi, era nga bagitaaku emiti gyayo egy'okugibbeedesa.

Okubala 4:7

“Baidha kwandhuluzanga olugoye lwa bbululu ku meeza eteebwaku emigaati egigheereibwayo eri Katonda. Okwo bateeku ebibya n'enkaayi, n'ebintu ebiteebwamu obubbaani, n'ebikopo n'ensugha olw'ebigheebwayo ebifukibwa. Era baidha kutanga ku meeza eyo emigaati egigheereibwayo eri Katonda egya buli lunaku.

Okubala 7:13

Ekigheebwayo kye, kyalimu bino: Sowaani ndala nga yakolebwa mu feeza era ng'ezitogha kilo ndala na kitundu, bbakuli ndala eyakolebwa mu feeza era ng'ezitogha guraamu lunaana, ng'ojiira ku mbala entongole ey'eisinzizo. Sowaani ni bbakuli ebyo yaabiidhuza emere eseereibwa obukalamu ng'etabwirwamu omuzigo ng'ekyo n'ekigheebwayo eky'emere ey'empeke.

Okubala 7:19

Ekigheebwayo kye kyalimu bino: Sowaani ndala nga yakolebwa mu feeza era ng'ezitogha kilo ndala na kitundu, bbakuli ndala eyakolebwa mu feeza era ng'ezitogha guraamu lunaana, ng'ojiira ku mbala entongole ey'eisinzizo. Sowaani ni bbakuli ebyo yaabiidhuza emere eseereibwa obukalamu ng'etabwirwamu omuzigo ekyo nga n'ekigheebwayo eky'emere ey'empeke.

Luka 11:41

Ebiri munda mubigabirenga abaavu, era agho byonabyona lwe binaabanga ebirongoofu.

Ebikolwa by'Abatume 10:15

Eiroboozi lyamukoba kabiri liti: “Katonda kye yalongoosa tokyetanga kya muziro.”

Ebikolwa by'Abatume 10:28

Yaabakoba ati: “Imwe beene mwidhi nga bwe kimenha amateeka Omuyudaaya okukolagana n'ow'eighanga erindi waire okumukyalira. Aye Katonda andaze nga tikigwaine kweta muntu yeenayeena mubi oba atali mulongoofu.

Ebikolwa by'Abatume 11:9

Eiroboozi lyairamu kabiri nga liva mu igulu liti, ‘Katonda kye yalongoosa, tokyetanga kya muziro.’

Ebikolwa by'Abatume 15:9

Tiyataagho ndhawulo ghagati waife nabo, kuba yayamula emyoyo gyaibwe na kwikiriza.

Ab'e Kolosai 3:17

Era kiisi kye mukolanga, ka kibe mu bibono oba mu bikolwa, mu kikole mu liina lya Musengwa Yesu, era nga mubita mu oyo okweyanza Katonda Lata nga musiimye.

1 Petero 2:5

Mwidhe y'ali nga muli ng'oti n'amabaale amalamu, abazimbemu endhu ey'omwoyo. Mube bakabona abatukuvu abagheereza emisengo egy'omwoyo egisiimibwa Katonda, nga mubita mu Yesu Kurisito.

1 Petero 2:9

Aye imwe muli lulyo lulonde, bakabona aba Kyabazinga, muli ighanga itukuvu era abantu ba Katonda beene. Katonda oyo n'eyabeeta okuva mu nzikiiza okwira mu butangaavu bwe obwewuunhisa einho, yaabalonda okukobera abantu ebyewuninkiriza bye yakola.

1 Petero 4:11

Oyo akobera abantu ekibono kya Katonda, akobere irala ekibono ekyo Katonda ky'amugha; oyo agheereza, agheerezenga n'amaani Katonda g'amugha. Olwo Katonda agheebwe ekitiisa mu byonabyona ku lwa Yesu Kurisito mwene kitiisa, n'obukumu, ebyanda n'ebyanda. Amiina.

Okwolekebwa 1:6

yaatufuula obwakyabazinga, era yaatufuula bakabona ba Katonda Ise. Agheebwenga ekitiisa n'obuyinza ebyanda n'ebyanda. Amiina.

Okwolekebwa 20:6

Ba nkabi era batukuvu abazuukirira mu kuzuukira kuno okusooka. Abo, okufa okwokubiri kubaziraku bukumu, aye baliba bakabona ba Katonda era ba Kurisito era balifuga naye emyaka lukumi.

Okwolekebwa 5:10

Wabafuula obwakyabazinga era waabafuula bakabona ba Katonda waife ab'okufuga ku nsi.”

1 Samueli 2:14

yaagifumita mu seepiki, oba mu nsaka, oba mu ntamu. Ebyo byonabyona ebyaidhiranga ku wuuma nga biba bya kabona, era nga babitwaliragho. Batyo bwe baabisanga Abaisiraeli boonaboona abaidhanga e Shilo okughaayo emisengo.