Zekaria 14:16 - Baibuli Ekibono kya Katonda 2014

¹⁶ Olwo abo boonaboona abaliwonagho ku b'amaghanga agaliba galumbye Yerusalemu, baliniinaniinanga buli mwaka, baajanga okusinza Musengwa Katonda Afuga Amagye era Kyabazinga, n'okukolanga Ekibinuko eky'Entindi.

Zekaria 14:16 ပူးပေါင်းရင်းမြစ်များ

2 Ebyomubyanda 8:13

Yaabighangayo nga bwe kyalinga kiragirwa buli lunaku, ng'Amateeka ga Musa bwe galagira okubighaayo: ku Sabbato, ni ku Kibinuko eky'Okuboneka kw'Omwezi, ni ku bibinuko ebisatu ebya buli mwaka eky'Emigaati Egitazimbulukusiibwa, n'eky'Amakungula, n'eky'Entindi.

Ezera 3:4

Baakolanga embaga ey'Ekibinuko eky'Entindi nga bwe kyaghandiikibwa, era baaghangayo ebigheebwayo ebyokebwa ebya buli lunaku, nga bajiira ku mikuzi amateeka ge giragira okubighaayo ku lunaku olwo.

Zabbuli 66:4

Abantu boonaboona ku nsi bakusinza; bakwembera enhembo edhikusaaka nga basaaka eriina lyo.”

Isaia 18:7

Abantu abo abaleeyi ab'emibiri emighegheevu, abatiibwa ensi yoonayoona era beene nsi emiiga ye gyayawulamu, eighanga eryo ery'amaani era eighanguzi, ekiseera kiidha kutuuka baleetere Musengwa Katonda Afuga Amagye ebirabo, mu kifo kye bamusinzizaamu ku lusozi Sioni.

Isaia 19:21

Ku lunaku olwo Musengwa Katonda alyeyoleka mu Bamisiri, baamumanha, baamusinza nga baghaayo emisengo n'ebigheebwayo ebyokebwa. Balyeyama y'ali era baatuukiriza bye beeyamye.

Isaia 27:13

Ku lunaku olwo, eigwala lirivuga n'amaani, okweta Abaisiraeli boonaboona abaliba mu Assiria ni mu Misiri, baidha baasinza Musengwa Katonda ku lusozi olutukuvu mu Yerusalemu.

Isaia 6:5

Naakoba nti: “Nkagwireku era nfiire nze, kuba kiisi kye ndhogera tiikirongoofu, era n'abantu be ndimu bye boogera tiibirongoofu. Aye ate nze mwene mboine Kyabazinga Musengwa Katonda Afuga Amagye.”

Isaia 66:23

Buli ku kuboneka kw'omwezi na buli ku Sabbato, abantu boonaboona baliidhanga baasinza mu maiso gange.

Yeremia 46:18

Nze Musengwa Katonda Afuga Amagye, ninze kyabazinga, era ninze Katonda omulamu. Ng'olusozi Tabori bwe lweruupiise ghaigulu okusinga ensozi edhindi dhoonadhoona, era ng'olusozi Karumeli bwe lugungumaire ku mbali kw'enhandha, n'amaani g'oyo aja okubalumba imwe gatyo bwe galisinga ag'omuntu owundi yeenayeena.

Yeremia 48:15

Omuzigu azikiriiza ensi Moabu n'ebibuga byayo. Abaisuka baayo abasingayo okuba ab'amaani babaise. Ninze kyabazinga ayetebwa Musengwa Katonda Afuga Amagye, ninze nkobye.

Yeremia 51:57

Nditamiiza abakungu baakyo, n'abantu baakyo abagezi, n'abafuzi baakyo, n'abaduumizi baakyo ab'amagye, n'abalwani baakyo ab'amaani. Balitenduka endoolo aye baaloba kwiramu kuzuuka. Nze Kyabazinga, Musengwa Afuga Amagye, ninze nkobye.

Hosea 12:9

Aye nze, ninze Musengwa Katonda waimwe, eyabatoola mu nsi Misiri. Era ndibaleetera kabiri okusula mu ntindi nga dhe mwasulangamu nga muli mu irungu.

Yoeli 2:32

Aye kiisi alisaba Musengwa Katonda okumubeera alirokolebwa, kuba ku lusozi Sioni mu Yerusalemu eribaayo abaliwona, nga Musengwa Katonda mwene bwe yakoba. Abo Musengwa Katonda mwene baalirondamu n'abaliwonagho.”

Mika 4:2

abantu abangi abo balikoba bati: “Mwidhe tuje ku lusozi lwa Musengwa Katonda, mu isinzizo lya Katonda wa Isiraeli, atwegerese by'ayenda tukole era tujiire ku ebyo by'atwegeresa; kuba Musengwa Katonda aba eyo mu Yerusalemu yaayegeresa abantu be, era aba eyo mu Sioni yaayogera n'abantu be.”

Zekaria 14:9

Agho Musengwa Katonda n'aliba Kyabazinga ow'ensi yoonayoona, abantu boonaboona baamusinzanga nga ni Musengwa Katonda yenka ye baidhi.

Zekaria 9:7

Ndibalekeza okuliira omusaayi mu mamba, n'okulya ebintu ebindi byonabyona ebyenhinhalwa. Abaliwonagho boona balitwalibwa ng'abantu bange, baaba ng'oti n'ekindi ku bika kya Yuda. Abantu ab'e Ekuroni boona balifuuka bantu bange, ng'Abayebusi bwe baafuuka.

Malaki 1:14

Omuntu omukupankupania akolimirwenga, oyo eyeeyama okughaayo ensolo enume enungi y'ali nayo mu kisibo kye, aye ate n'amala n'aghaayo eriku ekikyamu. Akolimirwenga kuba nze Musengwa Katonda Afuga Amagye ndi kyabazinga mukologho, era abantu ab'amaghanga goonagoona bantya.”

Luka 19:38

Baakoba bati: “Wa nkabi kyabazinga oyo aidha mu liina lya Musengwa! Emiraala gibe mu igulu n'ekitiisa kibe eyo ghaigulu yeene.”

Yoanne 1:49

Nathanaeli yairamu ati: “Mwegeresa, niiwe Omwana wa Katonda! Niiwe Kyabazinga wa Isiraeli!”

Yoanne 7:2

Ekibinuko ky'Abayudaaya eky'Entindi kyali kiri kumpi okutuuka.

Ebikolwa by'Abatume 15:17

Abantu abandi boonaboona n'abamaghanga agandi boonaboona, be nayeta okuba abantu bange, basobole okunoonia Musengwa.

Ab'e Roma 11:16

Omugaati gwonagwona guba mutukuvu kasita akatundu kaagwo kagheebwayo ng'ekibala ekisooka. Era emizi egy'omuti bwe giba emitukuvu, n'ensaga dhoona dhiba ntukuvu.

Ab'e Roma 11:26

Olwo ni Isiraeli yeenayeena alirokolebwa nga bwe kyaghandiikibwa kiti: “Omulokozi aliva mu Sioni, oyo n'alitoola baidhukulu ba Yakobo mu kwonoona kwaibwe.

Ab'e Roma 11:5

Kityo bwekiri ni buti. Ghaligho abawonagho ni balondebwamu olw'ekisa kya Katonda.

Okwolekebwa 11:13

Mu kaseera ako keene, ghaabaagho musisi ow'amaani. Ekitundu kirala ku bitundu eikumi eby'ekibuga kyazikirira, n'abantu kasanvu (7,000) baafiira mu musisi oyo. Abantu abaawonagho baatya inho, era baasaaka ekitiisa kya Katonda ow'eigulu.

Okwolekebwa 19:16

Ku kivaalo kye ni ku kiteege kye nga kughandiikiibwaku eriina liti: “Kyabazinga wa bakyabazinga era Musengwa w'abasengwa.”