Zekaria 14:10 - Baibuli Ekibono kya Katonda 2014

¹⁰ Ekiketezo kyonakyona ekiri ku luuyi olw'omukono omusaadha olw'e buvandhuba olwa Yerusalemu, okuva e Geba okutuuka e Rimmoni, kirifuulibwa museetwe mwereere. Aye Yerusalemu kirisigala mu kifo kyakyo nga kiri ghaigulu okuwula ebiketezo byonabyona ebikyezungulwire. Era ekibuga ekyo kiriva ku gwetebwa Omulyango gwa Benjamini, kyaja kyatuuka ku gwetebwa Omulyango ogw'omu Nsonda aghaali omulyango omukaire, era kyatuuka ku kyetebwa Ekituuti ekya Hananeli, ni ku bikunhiro bya kyabazinga eby'omwenge ogw'emizabbibu.

Zekaria 14:10 ပူးပေါင်းရင်းမြစ်များ

1 Bakyabazinga 15:22

Agho kyabazinga Asa yaagha Abayudaaya boonaboona ekiragiro, aghazira okulekayo waire omulala ati, baaja baatoola e Rama amabaale n'emiti Baasha bye yali ali kuzimbisa. Asa yaabizimbisa ekimante ekigumu okwezunguluza ebibuga Mizipa era ni Geba eky'omu kiketezo kya Benjamini.

2 Bakyabazinga 14:13

Agho kyabazinga Yehoashi owa Isiraeli, yaagema kyabazinga Amazia owa Buyudaaya mutabane wa Yoashi era mwidhukulu wa Ahazia, ng'amugemera e Bethi Shemeshi. Yaamuleeta e Yerusalemu era Yehoashi oyo yaamenha ekisenge ekyezungulwire ekibuga Yerusalemu ekyo, okuva ku Mulyango gwa Efuraimu okutuuka ku Mulyango Ogwokunsonda obwo nga n'obuleeyi bwa mita ng'oti ebikumi bibiri (200).

1 Ebyomubyanda 4:32

N'ebyalo byaibwe byali bino: Etamu, Aini, Rimmoni, Tokeni, ni Ashani. Byonabyona aghalala byali ebibuga bitaanu,

1 Ebyomubyanda 6:77

Ab'oku nda ya Merari abaali basigairegho nga bakaali kufuna bibuga, baabagha bino ebyatoolebwa ku kika kya Zebuluni: Rimmono, ghalala n'ebyayiro byakyo ni Tabori, ghalala n'ebyayiro byakyo.

2 Ebyomubyanda 25:23

Agho kyabazinga Yehoashi owa Isiraeli, yaagema kyabazinga Amazia owa Buyudaaya mutabane wa Yoashi era mwidhukulu wa Ahazia, ng'amugemera e Bethi Shemeshi. Yaamuleeta e Yerusalemu, era Yehoashi oyo yaamenha ekimante ekyezungulwire ekibuga Yerusalemu ekyo, okuva ku Mulyango gwa Efuraimu okutuuka ku Mulyango Ogwokunsonda obwo nga n'obuleeyi bwa mita ng'oti ebikumi bibiri.

2 Ebyomubyanda 26:9

Uzzia era yaazimba ebituuti ebirengererwaku, ku kimante ekyezungulwire Yerusalemu ku Mulyango ogw'omu Nsonda, ni ku Mulyango ogw'omu Kiiko, n'ekimante ghe kigonhokera.

Nehemia 12:39

Bwe twava agho, twatuuka ku gwetebwa Omulyango Ogwa Efuraimu, era twaja twatuuka ku gwetebwa Omulyango Omukaire. Era tweyongerayo twatuuka ku gwetebwa Omulyango ogw'Ebyenhandha, ni ku kyetebwa Ekituuti ekya Hananeli, era ni ku kyetebwa Ekituuti Ekyekikumi. Bwe twava agho twatuuka ku gwetebwa Omulyango gw'Entaama, olwo twatuuka ku gwetebwa Omulyango Ogwabakuumi, era twakoma agho.

Nehemia 3:1

Agho Eliashibu Omukulu wa Bakabona ni bakabona baine, baasitukiramu baazimba ogwetebwa Omulyango ogw'Entaama, baakola omukolo ogw'okugutukuza, era baagutaamu n'endhigi dhaamu. Baatukuza ekimante ekyo okutuuka ku kyetebwa Ekituuti Ekirengererwaku Ekyekikumi, n'okutuuka ku kindi ekyetebwa Ekituuti ekya Hananeli.

Isaia 10:29

Bamaze okubita aghaingirirwa, baaja baasula e Geba. Ab'omu kibuga Rama bali kudhugumira olw'okutya, ab'omu kibuga kya kyabazinga Saulo eky'e Gibea balumwike.

Isaia 2:2

Olunaku lwidha kutuuka, olusozi oluliku eisinzizo, lube nga n'olusinga buleeyi mu dhoonadhoona, era nga lusooloobye n'obusozi bwonabwona. Abantu abamaghanga kamaala balisomboka, baidha ku lusozi olwo,

Yeremia 20:2

yaalagira bangeme bankube, era bamale bansibire mu nkoligo. Enkoligo eyo yali kumpi n'omulyango ogw'eitale ogw'eisinzizo ogwetebwa Omulyango gwa Benjamini.

Yeremia 30:18

Musengwa Katonda era akoba ati: “Bona, ndiizaagho abantu bange, naabaiza mu nsi yaibwe, era buli maka naagagemerwa ekivunika. Ekibuga Yerusalemu baliiramu okukizimba kabiri ku kasozi kaakyo, n'ekisaagaati kyakyo baakiizaagho mu kifo kyakyo.

Yeremia 37:13

Aye bwe natuuka ku gwetebwa Omulyango gwa Benjamini, ghaabaagho omukulu w'abaisirukale nga bamweta Iriya mutabane wa Shelemia era nga mwidhukulu wa Hanania. Yaanhemereza yankoba ati: “Oli kulumuka oire ku luuyi olw'Abababilonia!”

Yeremia 38:7

Agho Ebedimeleki Omwethiopia omulaawe, eyagheerezanga mu kisaagaati kya kyabazinga, yaawulira nga bantaire mu nsulo. Mu kiseera ekyo, kyabazinga yali atyaime ku gwetebwa Omulyango gwa Benjamini ng'ali mu lwekobaano.

Amosi 9:11

Musengwa Katonda akoba ati: “Olunaku lwidha kutuuka ndhizeegho obwakyabazinga bwa Daudi, nga bwe bwalinga mu biseera Daudi mwe yabeera kyabazinga kuba buti buli ng'oti n'endhu eyagwa. Kale nja kuzimba ebimante byayo buyaaka, ngiizeegho nga bwe yalinga eira.

Mika 4:1

Ekiseera kiidha kutuuka, olusozi oluliku eisinzizo lube nga n'olusinga buleeyi mu dhoonadhoona, era nga lusooloobye obusozi bwonabwona. Abantu abamaghanga kamaala balisomboka baidha ku lusozi olwo,

Zekaria 12:6

“Mu kiseera ekyo ndireetera ebika eby'omu Buyudaaya okuba ng'oti n'omuliro gwe bakunaaniiza mu mmungo y'enku, oba mu binhwa by'engaano. Birizikiriza amaghanga goonagoona agabyezungulwire agho. Aye abantu b'omu Yerusalemu balisigala nga ghazira kabi kabatuuseeku naire.

Zekaria 2:4

Malaika eyasooka yaakoba ole owundi ati: “Lumuka oje, okobe omwisuka oyo ali n'olukoba olupima mu ngalo oti, mu Yerusalemu muja kubaamu abantu kamaala inho era nga bali n'ebyayo byaibwe kamaala. Kale nga tibasobola kuweera mu kibuga ekyo nga kyezungulwirwa ekimante.

Zekaria 8:3

Luliba lulala naira ku lusozi lwange Sioni, naaba mu kibuga kyange Yerusalemu. Olwo ekibuga ekyo balikyetanga ekibuga eky'abantu abeesigwa, era baakyetanga olusozi lwange nze Musengwa Katonda Afuga Amagye olutukuvu.

Yoshua 15:32

Lebaothi, Shilihimu, Aini ni Rimmoni byonabyona nga n'ebibuga abiri n'omwenda n'ebyalo byaku.

Yoshua 21:17

Okuva ku kiketezo kya Benjamini baabaghaaku ebibuga bina, nga ni bino: Gibeoni, Geba,

Abalamuzi 20:45

Abandi baakyuka, baalumuka nga baja mu irungu, nga boolekeire Olubaale lwa Rimmoni. Enkumi itaanu ku abo baitibwa ku nguudo. Abaisiraeli baayongera okubinga abasigairegho okutuuka e Gidoma, baabaitamu enkumi ibiri.

Abalamuzi 20:47

Aye abasaadha lukaaga n'abasobola okulumukira mu irungu, baatuuka ku Lubaale lwa Rimmoni, era baaba eyo emyezi ena.

Abalamuzi 21:13

Agho abantu boonaboona abaali beesoloiza, baasindika obukwenda obw'okukomya olutalo, y'Ababenjamini abaali ku Lubaale olw'e Rimmoni.