Zekaria 13:9 - Baibuli Ekibono kya Katonda 2014

⁹ Era abo abaliba mu kitundu ekyo ekirala ndibatukuza ng'oti ni feeza bwe bamukenenula mu muliro, era naabagezesa ng'oti ni zaabu bwe bamugezesa. Balinsaba, era zeena naabairamu. Ndibeeta bantu bange, era boona bandheta Katonda waibwe.”

Zekaria 13:9 ပူးပေါင်းရင်းမြစ်များ

2 Samueli 7:24

Wataagho Abaisiraeli babenga bantu bo ebyanda n'ebyanda ate iwe Musengwa Katonda waafuuka Katonda waibwe.

Yobu 23:10

Aye mwene aidhi engira ye ngema. Bw'alimala okundeba, alindhagaana nga ndi mutukuvu ng'oti ni zaabu omukenenule.

Yobu 28:1

“Bwenebwene eriyo ekirombe omusimibwa feeza, yaabaayo n'ekifo ye bakenenulira zaabu.

Zabbuli 144:15

Beesiimye abo abali mu mbeera ng'oti n'eyo. Beesiimye abali ni Musengwa Katonda nga ni Katonda waibwe!

Zabbuli 43:4

Olwo ndidha kuja ku alutaari yo iwe Katonda wange ansanhusa ekibitiriire, nkusaake n'endingidi yange iwe Katonda wange.

Zabbuli 50:15

Munsabenga nga muli mu bizibu, ndidhanga kubawonia, imwe muntengamu ekitiisa.”

Zabbuli 91:15

Bw'anandhetanga ndidha kumuvugiranga; ndidha kubanga ghalala naye mu buli kizibu. Mmuwonienga ebimunhigiriza, era mmugheesenga ekitiisa.

Ensambo 17:3

Omuliro n'ogukozesebwa okukenenula feeza ni zaabu okubona obulungi bwabyo, aye Musengwa Katonda n'aleba emyoyo gy'abantu okubona obutukuvu bwagyo.

Olwembo 2:16

Omugonzi wange oyo, wange, zeena ndi wuwe. Ayayira ebyayo bye mu bimuli ebyetebwa liri.

Isaia 43:2

Bw'olibita mu maadhi agenda okukumira, ndiba ghalala n'iwe. Ni bwe galiba ag'emiiga tigalikweyaagho. Ni bw'olibita mu muliro tigulikwokya, ezira kabi kalikutuukaku;

Isaia 48:10

Mubone eno, nabaleba nga mbabisa mu kudaazibwadaazibwa, ng'oti ni feeza bwe bamukenenula mu muliro. Era naakizuula nga ghazira kye mugasa.

Isaia 58:9

Bwe munandhetanga ndidha kuvugiranga, era bwe munandiriranga ndidhanga kubairamu nti, ‘Ndi ghano!’ “Bwe mulyetoolamu omuze ogw'okutuntuza banaimwe, okubanhoomerera, n'okuboogeraku ebibi,

Yeremia 24:5

“Nze Musengwa Katonda, Katonda wa Isiraeli mbona ng'abantu be nasindika e Babilonia mu bunhage, bali ng'oti n'emitiini egyo emirungi, era ndidha kubabisanga bukalamu n'ekivunika.

Yeremia 30:22

Beene baliba bantu bange, nze naaba Katonda waibwe.

Yeremia 31:33

Ekiseera ekyo bwe kirituuka, eno n'endagaano ye ndikola n'Abaisiraeli: Ndibataamu amateeka gange, naagaghandiika ku myoyo gyaibwe. Nze ndiba Katonda waibwe, beene baaba bantu bange.

Yeremia 32:38

Baliba bantu bange, nze naaba Katonda waibwe.

Yeremia 9:6

Baja bwa mu maiso na kukiriga bandi, na kwogera bya buguya. era baaloba okuumanha. Musengwa Katonda atyo bw'akoba.

Ezekieli 11:20

Baajiiranga ku mateeka gange era baagemanga bye nkoba. Olwo baabanga bantu bange, nze naabanga Katonda waibwe.

Ezekieli 14:11

Olwo ab'omu ighanga Isiraeli balobe kabiri kunvaaku ni badaaliima, era ni beeyonoona nga bakola ebibi, aye babenga bantu bange, ate nze mbenga Katonda waibwe. Nze Musengwa Katonda ninze nkobye.”

Ezekieli 20:38

Ndibasunsulamu abo abadheemu, n'abo abakola ebibi ni bansungughaza. Ndibatoola mu nsi dhe baasengamu, aye tiribaganha kwirayo mu Isiraeli. Olwo mulimanha nga ninze Musengwa Katonda.”

Ezekieli 36:28

Olwo mwabanga mu nsi ye nagha badhaadha baimwe, era mwabanga bantu bange, nze naaba Katonda waimwe.

Ezekieli 37:27

Ndidha kubanga ghalala nabo, olwo mbenga Katonda waibwe, beene babenga bantu bange.

Danieli 11:35

Abandi ku bakulembeze abagezi abo baliitibwa. Olwo okwitibwa kwaibwe okwo kwaleetera abantu okwamulwa, baatukuzibwa era baafuulibwa balongoofu. Ekyo kiribaagho okutuusa ekiseera eky'enkomerero Katonda mwene kye yategeka nga kimaze okutuuka.

Danieli 12:10

Abantu kamaala balinaazibwa, baatukuzibwa era baizibwa buyaaka. Aye ababi balyeyongera bwa kukola bibi, era ezira waire omulala ati ku babi abo alitegeera. Aye abagezi balitegeera.

Yoeli 2:32

Aye kiisi alisaba Musengwa Katonda okumubeera alirokolebwa, kuba ku lusozi Sioni mu Yerusalemu eribaayo abaliwona, nga Musengwa Katonda mwene bwe yakoba. Abo Musengwa Katonda mwene baalirondamu n'abaliwonagho.”

Abalevi 26:12

Nnaabanga mu imwe, nga ninze Katonda waimwe, mwena munaabanga bantu bange.

Zekaria 10:6

Ndireetera abantu b'omu Buyudaaya okuba ab'amaani, era naawonia abantu b'omu Isiraeli abo okuzikirizibwa. Ndibagemerwa ekisa, naabaiza eka ewaibwe. Baliba ng'oti se tibalekulirangaku agho, kuba ninze Musengwa Katonda waibwe, era nze ndiiramu okusaba kwaibwe.

Zekaria 12:10

“Era ndita mu baidhukulu ba Daudi ni mu bantu ab'omu Yerusalemu abandi boonaboona, omwoyo omusaasizi era ogwenda einho okusinza. Kale bwe baliringa ku ole ye baafumita, balimulira ng'oti n'omuntu alira omwana we y'abaire naye yenka ati. Baliwowoola ng'oti n'omuntu alira omwana we omuberi.

Zekaria 8:8

Ndibaiza mu Yerusalemu baabanga omwo. Baliba bantu bange, nze naaba Katonda waibwe omwesigwa era omutuufu.

Ebikolwa by'Abatume 2:21

Era buli alyeta eriina lya Musengwa alirokolwa.’

Abaheburayi 8:10

Eno n'endagaano ye ndikola n'abantu ba Isiraeli: Musengwa ayogera ati Mu biseera ebiri kwidha, ndita amateeka gange mu bidhuubo byaibwe, era ndigaghandiika mu myoyo gyaibwe. Ndiba Katonda waibwe, boona baaba bantu bange.

Yakobo 1:12

Omuntu agumira okulebwa wa nkabi, kuba bw'abita mu kugezesebwa okwo, aligheebwa obulamu ng'ekirabo Katonda kye yasuubiza abo abamugonza.

1 Petero 4:12

Aboluganda, okudaazibwadaazibwa okuzibu kwe mulimu kulobe kubeewuunhisa inho ng'oti tikubangaghooku, kuba kuligho lwa kubaleba bulebe.

Okwolekebwa 21:7

Oyo aghangula, alifuna ebyo. Nze ndiba Katonda we, mwene yaaba mwana wange.

Okwolekebwa 8:10

Malaika owokusatu yaafuuwa eigwala lye. Emuunienie enkologho yaaghanuka ku igulu ng'eyaka ng'oti kisiki, yaagwa ku kitundu kirala kirala ku buli bitundu bisatu eby'emiiga, ni ku nsulo edh'amaadhi.

Okwolekebwa 8:11

Eriina ly'emuunienie eyo nga ni “Buka.” Ekitundu eky'amaadhi kirala ku buli bisatu gaafuuka maka, era abantu kamaala baafa olw'okunhwa amaadhi ago, kuba gaali maka.

Okwolekebwa 8:12

Malaika owokuna yafuuwa eigwala lye. Ekitundu kirala kirala ku buli bitundu bisatu eby'endhuba, n'ekitundu kirala kirala ku buli bitundu bisatu eby'omwezi, n'ekitundu kirala kirala ku buli bitundu bisatu eby'emuunienie byakubwa; olwo kyaba nti ekitundu kirala kirala ku buli bitundu bisatu eby'obutangaavu bwabyo kyafuuka nzikiiza. Ekitundu kirala kirala ku buli bitundu bisatu eby'olunaku, n'ekitundu kirala kirala ku buli bitundu bisatu eby'obwire, byaba nzikiiza.

Okwolekebwa 8:7

Malaika asooka yaafuuwa eigwala lye, omugozi n'omuliro nga bitabwirwamu n'omusaayi byamagala ku nsi. Ekitundu kirala kirala ku buli bitundu bisatu eby'ensi kyaya, n'ekitundu kirala kirala ku buli bitundu bisatu eby'emiti kyaya, era n'eisubi eibisi lyonalyona lyaya.

Okwolekebwa 8:8

Agho malaika owokubiri yaafuuwa endeka ye. Ekintu ekiri ng'oti gusozi gukologho oguli kwaka omuliro kyasuulibwa mu nhandha. Ekitundu kirala ku buli bisatu ebyenhandha kyafuuka musaayi.

Okwolekebwa 8:9

Ekitonde ekiramu kirala kirala ku buli bitonde bisatu eby'omu nhandha kyafa, n'eryato irala irala ku buli maato asatu lyazikirizibwa.