Zekaria 13:8 - Baibuli Ekibono kya Katonda 2014

⁸ Abantu ab'omu nsi yoonayoona baligabanizibwamu ebitundu bisatu. Abaliba mu bitundu ebibiri ku bisatu ebyo baliitibwa baazikirira. Kitundu kirala kyonka ku ebyo n'ekiribaamu abalisigalagho nga balamu.

Zekaria 13:8 ပူးပေါင်းရင်းမြစ်များ

Isaia 6:13

Era ni bwe ghalisigalagho mu nsi eyo omuntu omulala omulala ku buli bantu eikumi, yeena alizikirizibwa kabiri, yaaba ng'oti n'ekikolo eky'omuti omukologho, ekisigalagho nga gutemeibwagho.” Ekikolo ekyo n'ekiba ensigo kwe gusibukira.

Isaia 66:24

Bwe balibanga bavaayo, baliringanga ku mirambo egy'abantu abandheemera, kuba enhengere edhibalya tidhirifa, n'omuliro ogubookya tigulizikira, era baliba kyenhinhalwa eri abantu boonaboona.”

Yeremia 30:11

Ndi ghalala n'imwe era ndidha kubalokola. Ndidha kuzikiriza amaghanga goonagoona ye nabasansaaniza. Aye imwe tija kubazikiriza. Waire nga tija kubaleka buleke agho nga tibabonereiza, aye era ndibabonereza ekigwaniire nga mbasaasira. Nze Musengwa Katonda, ninze nkobye.”

Ezekieli 20:38

Ndibasunsulamu abo abadheemu, n'abo abakola ebibi ni bansungughaza. Ndibatoola mu nsi dhe baasengamu, aye tiribaganha kwirayo mu Isiraeli. Olwo mulimanha nga ninze Musengwa Katonda.”

Ezekieli 5:12

Ndibaawulamu ebitundu bisatu: Abaliba mu kitundu ekisooka mulifa endwaire era mwalambuka endhala. Abaliba mu kitundu ekyokubiri muliitibwa mu ntalo edhiryezungulula ekibuga kyaimwe. Ate abaliba mu kitundu ekyokusatu ndibasansaaniza ku ndhuyi dhoonadhoona, empewo yaabatwaliriza. Era ndisowolayo empiima mu kiruutu yaaja ng'ebabingirira.

Danieli 9:27

Omufuzi oyo alikola endagaano ey'amaani n'abantu kamaala okumala emyaka musanvu, era ghagati gh'emyaka egyo alirekeza okughaayo emisengo n'ebigheebwayo. Ole akola ogw'okuzikiriza alitaagho ku ntwiko y'eisinzizo Ekyenhinhalwa Ekizikiriza, okutuusa enkomerero eyategekerwa oyo azikiriza bw'erituuka.”

Amosi 9:10

Ababi boonaboona baja kwitibwa mu lutalo abo abeekiina nga bakoba bati, ‘Katonda taidha kuganha kibi kyonakyona kututuukaku.’ ”

Zefania 3:12

Be ndirekagho mu imwe, n'abo abawombeefu n'abaavu abanaidhanga okunsaba okubeerwa.

Malaki 3:5

Era Musengwa Katonda Afuga Amagye akoba ati: “Olwo ndiseeta ye muli naasala omusango. Amangu geene ndirumiriza abalogo, abenzi, abalayira eby'obuguya, abakupankupania empeera y'abapakasi, abakiriga banamwandu ni bamulekwa n'abasenze, n'abo boonaboona abatantya.”

Matayo 22:7

Kyabazinga yaanakughala, yaasindika amagye ge gaazikiriza abaisi abo era gaayokya n'ekibuga kyaibwe.

Mariko 13:20

Era nguli Musengwa tiyakendeeza ku nnaku edho, ghazira muntu yandiwonie. Aye ku lw'abalonde, be yalonda, yakendeeza ku nnaku edho.

Okwolekebwa 16:19

Ekibuga ekikologho kyayabikamu ebitundu bisatu, n'ebibuga eby'ensi dhoonadhoona byagwa. Katonda yaaloba kwerabira Babiloni ekibuga ekikologho, yaakigha okunhwa okumaliramu irala ekikopo eky'omwenge ogw'emizabbibu, omwenge ogw'obusungu bwe obungi.