Zekaria 13:6 - Baibuli Ekibono kya Katonda 2014

⁶ Era ole bw'alimubuuza ati, ‘Ate ebibwa ebikuli mu mugongo?’ Alimwiramu ati, ‘Ebibwa ebyo nabifunira mu ndhu ya bakagwa bange.’ ”

Zekaria 13:6 ပူးပေါင်းရင်းမြစ်များ

1 Bakyabazinga 18:28

Abalanzi ba Baali baayeta inho, era beesala n'empiima n'ebyambe, nga bweyali empisa yaibwe, okutuusa omusaayi okukuuluula.

2 Bakyabazinga 9:24

Yehu yaadhuumuula akalaso ke n'amaani ge goonagoona, yaalasa Yoramu akasaale mu mugongo, kaamubita mu mutima, yaagwa mu kigaali kye eky'omu lutalo.

Zabbuli 22:16

Ekikuukuulu eky'abakozi ab'ebibi kineezungulwire, bali ng'oti gabwa geene. Banfumiite engalo n'ebigere.

Zekaria 13:7

Musengwa Katonda Afuga Amagye akoba ati: “Iwe empiima yange situkiramu, ja olumbe omwayi wange andhayira entaama. Ita omwayi oyo entaama dhisansaane. Nze mwene ndirumba abantu bange.

Yoanne 18:35

Pilato yaamukoba ati: “Nze ondhese Muyudaaya? Abantu b'eighanga lyo ni Bakabona Abakulu n'abakughaireyo ye ndi okoze ki?”

Okwolekebwa 14:11

Omwosi ogw'okudaazibwadaazibwa kwaibwe gwa kunioka ebyanda n'ebyanda. Era abasinza ekisolo n'ekifaananie kyakyo, na kiisi yeenayeena eyateebwaku akamanhiso k'eriina lyakyo, tibaligheeraku omusana n'obwire.”