Zekaria 13:3 - Baibuli Ekibono kya Katonda 2014

³ Bwe ghalibaagho ole alyenda okweyeta omulanzi, ise n'inhina balimukoba bati ateekwa okwitibwa, olw'okwogera eby'obuguya aye ate n'abyeta ebibono bya Musengwa Katonda. Era bw'aligezaaku okukola obulanzi, ise n'inhina abo balimufumita yaafa.

Zekaria 13:3 ပူးပေါင်းရင်းမြစ်များ

Yeremia 23:25

Ndidhi abalanzi abo bye bakoba, abalanga eby'obuguya mu liina lyange, nga bakoba mbu nze nabagha obukwenda bwange nga bali mu birooto byaibwe.

Yeremia 23:34

Omulanzi, oba kabona, oba omuntu owundi yeenayeena alikoba ati, ‘Omugugu gwa Musengwa Katonda,’ ndimubonereza mwene n'ab'omu maka ge.

Yeremia 28:15

Agho naakobera Hanania ebintu ebyo, era naayongeraku ni kino nti: “Wulira iwe Hanania, Musengwa Katonda ti n'eyakutuma. Oli kuleetera bwa bantu bano kwesiga bya buguya.

Ezekieli 13:23

Kale ni timukairayo kufuna kubonekerwa kwa bulimba, waire okwiramu kabiri okulanga eby'obuguya. Nja kuwonia abantu bange mbatoole mu buyinza bwaimwe, olwo mumanhe nga ninze Musengwa Katonda.”

Ezekieli 14:9

“Omulanzi bw'alimbibwa n'abaaku ni by'ayogera eby'obulimba, nze Musengwa Katonda mwene ninze mba mmulimbye, era ndigolola omukono gwange naamubonereza naamutoolayo mu bantu bange Abaisiraeli.

Ezekieli 43:7

“Iwe omuntu, kino n'ekifo ekibaamu ekityamo kyange eky'obwakyabazinga, ekifo mwe nnaabanga nga ndi mu bantu bange Abaisiraeli okubafuganga ebyanda n'ebyanda. Ka babe abantu beene ab'eighanga Isiraeli oba bakyabazinga baibwe, ghazira aliirayo kabiri kwonoona liina lyange eitukuvu, n'anvaaku kusinza bintu ebitali nze Katonda, oba okuzimbira emirambo gya bakyabazinga ebiidhukizo

Matayo 10:37

“Oyo agonza lata we oba inhina okusinga nze, tangwanira, n'oyo agonza mutabane oba mughala we okusinga nze, tangwanira.

Luka 14:26

“Omuntu yeenayeena bw'aidha ye ndi memale n'atakyagha ise, n'inhina, ni mukazi we, n'abaana be, ni baganda be, ni baanhina ate era n'obulamu bwe mwene, taghanga kuba mwegeresebwa wange.

2 Ab'e Korintho 5:16

Mperaano titukaabonera muntu yeenayeena mu magezi ga buntu. Waire nga ghaaligho ghe twaboneranga Kurisito mu magezi ag'obuntu, mperaano titukaamubona tutyo.

Amateeka Agokubiri 18:20

Aye omulanzi aneetulinkirizanga n'ayogera mu liina lyange ebibono bye ntamulagiire, oba n'ayogera mu liina lya bakatonda abandi, aidha kwitibwanga bwitibwe.’

Amateeka Agokubiri 33:9

Abalevi abo baagumira ku iwe, okusinga okufa ku bazaire baibwe ni ku baganda baibwe ni ku baana baibwe. Baawulira ebiragiro byo, era baakuuma endagaano yo.