Zekaria 12:8 - Baibuli Ekibono kya Katonda 2014

⁸ Mu kiseera ekyo nze Musengwa Katonda ndikuuma abantu b'omu Yerusalemu, kyaba nti ole aliba nga n'asembayo kuba munafu mu abo, alifuuka wa maani ng'oti ni Daudi bwe yali. Era baidhukulu ba Daudi oyo n'abalibakulemberamu ng'oti ni malaika wa Musengwa Katonda, era ng'oti ni Katonda mwene.

Zekaria 12:8 ပူးပေါင်းရင်းမြစ်များ

Zabbuli 8:5

Aye ate nga wamukola ng'abulaku katono okuba nga Katonda, waamuvaaza engule ey'ekitiisa era waamugha okutiibwa.

Zabbuli 82:6

Nkoba nti, ‘Muli bakatonda, mwenamwena muli baana ba oyo Ali Ghaigulu Yeene.’

Okuvaayo 14:19

Malaika wa Katonda eyakulemberangamu Abaisiraeli yaakyuka yaabaira einhuma, n'ekire ekiri ng'oti mpango kyona kyava emberi waibwe kyabaira einhuma

Okuvaayo 33:2

Ndidha kutuma malaika emberi waimwe, era ndidha kubinga mu nsi eyo Abakanaani, n'Abamori, n'Abahitti, n'Abaperizzi, n'Abahivi, n'Abayebusi.

Isaia 30:26

Ku lunaku Musengwa Katonda lw'alinhigiraku ebinuubule n'ebibwa by'abantu be, n'abawonia enguma dhe yabataaku, omwezi gulyaka ng'oti ndhuba. Ate okwaka kw'endhuba kulyeyongeramu amaani emikuzi musanvu ng'okwaka okw'omu lunaku olulala kuli ng'oti kwa nnaku musanvu.

Isaia 31:4

Agho Musengwa Katonda yankoba ati: “Abaayi ab'ensolo bwebaidha abangi okulumba empologoma eri n'ensolo y'eyiize, tibasobola kugitiisatiisa ni bwe bawowoigana okwekutula. Kale ninze Musengwa Katonda Afuga Amagye, zeena ntyo bwe ndirwanirira olusozi Sioni, nga ghazira kindobera naire.

Isaia 33:24

Tighalibaagho muntu waire omulala ati ku b'omu nsi yaife, alikoba ati alwaire. Abantu abaliba eyo boonaboona balisoniyibwa ebibi byaibwe.

Isaia 49:7

Musengwa Katonda Omutukuvu era Omununuzi wa Isiraeli, yeeyongera yaayogera n'omugheereza w'abafuzi oyo abantu ye banhooma einho, n'amaghanga ye gakyagha. Yaamukoba ati: “Bakyabazinga balikubona ng'osibwirwa, baasituka baakutaamu ekinhagansi, n'abakungu boona balikubona baakukubira amakiryaivu; kuba Musengwa Katonda omwesigwa era Omutukuvu wa Isiraeli n'eyakulonda.”

Isaia 53:3

Abantu baamunhooma era baamulekulira agho. Enaku yaamuluma nga ghazira ayenda kumulingaku. Atyo bwe yanhoomebwa, twaloba kumutaamu kanhagansi naire.

Isaia 63:9

Yaabalumirwa mu kudaazibwadaazibwa kwaibwe kwonakwona, era yaabawonia mwene, se ti malaika we. Era olw'okugonza kwe n'okusaasira kwe by'ali nabyo, yaabanunula era yaabalabiriranga okuva eira n'eira.

Yeremia 27:10

Ebyo bye balagula bya buguya, era, imwe, birindeetera nze, okubatwala eghala einho okuva mu nsi yaimwe. Ndibabinga mu nsi yaimwe, mwaja mwazikiririra eyo.

Hosea 1:7

Aye ndisaasira ab'omu Buyudaaya naabawonia abazigu baibwe, nze Musengwa Katonda waibwe, nga tikozeisa lutalo: tirikozesa bulaso, oba empiima, oba embalaasi, oba abalwanira ku mbalaasi.”

Hosea 12:3

Dhaadha waibwe Yakobo yagemerera mu mukono gwe ekibbonge kya muganda we Esau, nga bakaali mu nda ya inhaibwe. Yakobo oyo bwe yakula yaalwana ni Katonda.

Hosea 3:5

Aye mu biseera eby'oluvainhuma abantu bange Abaisiraeli balikyuka, kabiri baira eri Musengwa Katonda waibwe n'eri Daudi kyabazinga waibwe. Baliiramu okutya Musengwa Katonda oyo, era baafunanga ebirungi ebiva y'ali.

Yoeli 3:10

Edhibaire embago dhaimwe edh'okulimisa, mudhigheeseemu mpiima dha kulwanisa; n'obusolobyo obw'okuwoolera, mubugheeseemu mafumo ga kulwanisa. N'abanafu boona ka bafuuke balwani.

Abalevi 26:8

Abataanu ku imwe baidha kughangulanga ekikumi, n'ekikumi ku imwe baidha kughangulanga omutwalo omulamba. Mu lutalo, abazigu baimwe munaabaitanga mwabamaliriragho.

Mika 5:8

Abaisiraeli abo abaliwonagho eyo mu maghanga, baliba ng'oti n'empologoma eri kuyiiga ensolo edh'omu nsiko mu kibira, oba eri kuyiiga entaama mu kyayiro. Kiisi y'etuukaku egituumiraku yaagikankanula nga ghazira isuubi lyonalyona lya kuwona.

Mika 7:16

Abantu ab'omu maghanga balibona bino, baatenha waire nga ba maani. Balibulwa eky'okwogera ng'ate bazira na kye bawulira, olw'okutya n'okusoberwa.

Mika 7:8

Abazigu baife, mulobe kutusekerera mbu kuba tugwire. Tuja kusituka! Waire tuli mu nzikiiza buti, Musengwa Katonda aidha kutugha obutangaavu.

Zekaria 10:7

Olwo abantu b'omu Isiraeli baliba ng'oti n'abalwani abaziramu ntete. Era mule baliba basanhuukirivu ng'oti n'abanhweire omwenge ogw'emizabbibu. Baidhukulu baibwe bwe baliidhukiranga obughanguzi buno, balisagambanga olw'ebyo nze Musengwa Katonda bye nkoze.

Zekaria 2:5

Musengwa Katonda akoba ati mwene n'aliba ekimante eky'omuliro okwezungulula ekibuga ng'akikuuma, era ati mwene n'aliba ekitiibwa ky'ekibuga ekyo.”

Zekaria 9:14

Agho Musengwa Katonda alibonekera ghaigulu gh'abantu be, era yaalasa obusaale bwe bwaja ng'oti kumyansa kwa lukuba. Musengwa Katonda oyo alifuuwa eigwala, memale yaakumbira mu mpewo eyeezungulula n'amaani, eva ku luuyi olw'omukono omusaadha olw'e buvandhuba.

Zekaria 9:8

Olwo ndibanga mu nsi yange eyo ng'omukuumi waayo, ndobere abazigu okugibitamu. Tija kuganha mufuzi mubi kabiri kutuntuza bantu bange, kuba mpegaano nze mwene mboine n'amaiso gange, abantu bange nga bwe badaazibwadaazibwa.

Malaki 3:1

Agho Musengwa Katonda Afuga Amagye yaabairamu ati: “Bona eno, ndituma omukwenda wange yantegekera engira mwe ndibita. Olwo Musengwa Katonda ye muli kwagala alibazinduukiriza nga timwetegeike, yaidha mu isinzizo lye. Era omukwenda oyo ye mwegomba okubona, aliidha yaalangirira endagaano yange.”

Matayo 1:23

“Bona, omughala omwegha aja kutoola enda azaale omwana wa bulenzi, era eriina balimweta Emmanueli”, ekitegeeza kiti: “Katonda ali n'ife.”

Ab'e Roma 9:5

Abo ni beene badhaadha abakulu era beene ighanga omwava Kurisito ng'omuntu, Katonda afuga byonabyona asaakibwe ebyanda n'ebyanda. Amiina.

1 Timotheo 3:16

Bwenebwene ekyama eky'endhikiriza yaife kikologho: “Yaboneka nga muntu mwene, yaakakasibwa Mwoyo, yabonebwa bamalaika. Yaalangirirwa mu maghanga, yaikirizibwa mu nsi yoonayoona, era yaatwalibwa mu igulu mu kitiisa.”

Abaheburayi 11:34

baazikiza omuliro ogw'amaani, era baawona okwitibwa n'empiima. Baafuna amaani okuva mu bunafu, baafuuka balwani ba ntalo abaziramu ntete, era baabinga amagye ag'abavaghala,

Yoshua 23:10

Omuntu yeenayeena ku imwe, asobola okuleetera abantu olukumi (1,000) okulumukagho. Kuba Musengwa Katonda waimwe n'abalwaniragho entalo dhaimwe, nga bwe yabasuubiza.

Okwolekebwa 22:13

Ninze Alufa ni Omega, entoolo n'enkomerero, ainhama era asembayo.”

Okwolekebwa 22:16

“Nze Yesu, ntumye malaika wange okubakobera ebintu bino mu bikunsu eby'abandhikiriza. Ndi wa ku luzi lwa Daudi era nsimuka mu oyo. Ninze emuunienie ey'oku nkyo eyaka einho.”