Zekaria 12:4 - Baibuli Ekibono kya Katonda 2014

⁴ Mu kiseera ekyo ndireetera embalaasi dhoonadhoona okutya einho, dhaagwamu akatambala, era naaleetera n'abavuzi baadho okugwa eiralu. Ndirabirira abantu b'omu Buyudaaya, aye naaleetera embalaasi edh'abazigu baibwe okutulughala.

Zekaria 12:4 ပူးပေါင်းရင်းမြစ်များ

1 Bakyabazinga 8:29

Kuumanga eisinzizo lino omusana n'obwire, kuba kino n'ekifo kye wakoba oti, ‘Omwo mwe banansinzizanga.’ Nkweghembye wulirisanga bye nnaakusabanga nze omugheereza wo, nga ningiriire eisinzizo lino.

2 Bakyabazinga 6:14

Agho yaasindikayo eigye enene n'embalaasi, n'ebigaali eby'omu lutalo. Eigye eryo lyatuukayo bwire, lyazingiza ekibuga okukyezunguluza.

2 Bakyabazinga 6:18

Abasiria bwe baidha okulumba Elisha, Elisha oyo yaasaba Musengwa Katonda ati: “Wo Musengwa Katonda, nkweghemba oleetere amaiso g'abantu bano okutulughala.” Musengwa Katonda yaaleetera amaiso gaibwe okutulughala ng'Elisha bwe yasaba.

2 Ebyomubyanda 6:20

Kuumanga eisinzizo lino omusana n'obwire, kuba kino n'ekifo kye wakoba oti mwe banaakusinzizanga. Nkweghembye wulirisanga bye nnaakusabanga nze omugheereza wo, nga ningiriire eisinzizo lino.

2 Ebyomubyanda 6:40

“Wo Musengwa Katonda, mpegaano ni tulingeku n'amaiso go era otege kutu wo, owulire bye tukusaba mu kifo kino.

2 Ebyomubyanda 7:15

Ndidha kulabiriranga eisinzizo lino era ntegenga amatu okuwulira byonabyona bye banansabanga nga bali omwo

Nehemia 1:6

Lingirira nze omugheereza wo, otege kutu wo owulire bye nkusaba omusana n'obwire ku lw'abagheereza bo Abaisiraeli. Ndhatula nti bwenebwene ife Abaisiraeli twayonoona.

Isaia 24:21

Ku lunaku olwo Musengwa Katonda alibonereza obuyinza bwonabwona obuli ghaigulu mu igulu, n'abafuzi abali ghansi ku nsi.

Isaia 37:17

Wo Musengwa Katonda lingirira obone ebitutuuseeku, era otege kutu owulire ebibono Sennakeribu by'agheereiza okukuvuma, iwe Katonda omulamu.

Yeremia 24:6

Ndidha kubalabiriranga, mmale mbaize mu nsi eno. Ndibazimba, mu kifo ky'okubasansula, era naabasimba, mu kifo ky'okubaiwululagho.

Ezekieli 38:4

Ndikukyusa naakulingiriza ye ndi, naakutunga mu mba dho amalobo era naakukwekwebya, naakutoolayo n'eigye lyo lyonalyona omuli embalaasi, n'abaisirukale ab'oku mbalaasi, boonaboona nga bavaire eby'omu lutalo mu bwidhuvu, nga bali igye ikologho lyene. Era nga bagemye engabo enene n'entono, eno bwe bazunza empiima.

Ezekieli 39:20

Dhirityama okulya ekiiwulo kye nja okudhitegekera, dhaiguta embalaasi, n'abavuzi baadho, n'abalwani ab'amaani, era n'abaisirukale abandi boonaboona. Nze Musengwa Katonda ninze nkobye.”

Danieli 9:18

Wo Katonda wange, tega kutu owulire, era ozibule amaiso obone nga ife bwetulekeibwa obwagho tutyo, n'ekibuga ekyetebwa ekikyo bwe kisigaire obwagho kityo. Tituli kukusaba lwa kuba twakola ebituufu, aye lwa kuba iwe oli n'okusaasira kungi inho.

Zekaria 10:5

Abantu b'omu Buyudaaya baliba ng'abalwani ab'omu lutalo ab'amaani, nga batyankirira abazigu baibwe mu bisoodo eby'omu nguudo. Balirwana baghangula n'abazigu baibwe ab'oku mbalaasi, kuba nze Musengwa Katonda ndi ghalala nabo.

Zekaria 12:11

Mu kiseera ekyo, okulira mu Yerusalemu kuliba kwa maani ng'oti bwe baalira Hadadi Rimmoni mu kiketezo eky'oku museetwe e Megiddo.

Zekaria 12:3

Mu kiseera ekyo ndireetera Yerusalemu okuba ng'oti n'eibaale eizito, nga kiisi ighanga erigezaaku okulibbeeda, lirumizibwa inho. Era amaghanga goonagoona ag'oku nsi galyeyimba gaakirumba.

Zekaria 12:5

Agho abantu b'omu bika bya Buyudaaya balikoba mule bati, ‘Musengwa Katonda Afuga Amagye, agha abantu be ab'omu Yerusalemu amaani.’

Zekaria 12:6

“Mu kiseera ekyo ndireetera ebika eby'omu Buyudaaya okuba ng'oti n'omuliro gwe bakunaaniiza mu mmungo y'enku, oba mu binhwa by'engaano. Birizikiriza amaghanga goonagoona agabyezungulwire agho. Aye abantu b'omu Yerusalemu balisigala nga ghazira kabi kabatuuseeku naire.

Zekaria 14:15

Endwaire embi einho erigema n'embalaasi, n'enhumbu, n'engamiya, n'endogoyi, era na buli nsolo yoonayoona eryagaanibwa mu nkambi y'abazigu.

Zekaria 9:8

Olwo ndibanga mu nsi yange eyo ng'omukuumi waayo, ndobere abazigu okugibitamu. Tija kuganha mufuzi mubi kabiri kutuntuza bantu bange, kuba mpegaano nze mwene mboine n'amaiso gange, abantu bange nga bwe badaazibwadaazibwa.

Ebikolwa by'Abatume 17:30

Katonda tiyafanga ku ebyo abantu bye baakolanga olw'obutamanha bwaibwe, aye mperaano alagira abantu boonaboona ghe bali, beenenie

Amateeka Agokubiri 28:28

Musengwa Katonda aidha kubagwisanga eiralu, abafuulenga batulu, era abaleeterenga okusoberwa.