Zekaria 12:3 - Baibuli Ekibono kya Katonda 2014

³ Mu kiseera ekyo ndireetera Yerusalemu okuba ng'oti n'eibaale eizito, nga kiisi ighanga erigezaaku okulibbeeda, lirumizibwa inho. Era amaghanga goonagoona ag'oku nsi galyeyimba gaakirumba.

Zekaria 12:3 ပူးပေါင်းရင်းမြစ်များ

Isaia 60:12

Aye eighanga n'obwakyabazinga ebiriroba okukugheereza, biryonoonebwayonoonebwa era byasaanizibwagho irala.

Obadia 1:18

Abantu ab'oku nda ya Yakobo n'ab'oku nda ya Yosefu baliba ng'oti muliro, ate ab'oku nda ya Esau baaba ng'oti isubi ikalu. Omuliro ogwo guliryokya gwalimalagho, olwo ghabulegho awonagho waire omulala ati ku b'oku nda ya Esau. Nze Musengwa Katonda ninze ndhogeire.

Mika 5:15

Olw'obusungu n'ekiruyi bye ndi nabyo, ndibonereza amaghanga agatangondera.”

Mika 5:8

Abaisiraeli abo abaliwonagho eyo mu maghanga, baliba ng'oti n'empologoma eri kuyiiga ensolo edh'omu nsiko mu kibira, oba eri kuyiiga entaama mu kyayiro. Kiisi y'etuukaku egituumiraku yaagikankanula nga ghazira isuubi lyonalyona lya kuwona.

Habakkuku 2:17

Obukambwe bwe mwakozesa ku Lebanoni, n'obuja okukozesebwa ku imwe beene. Nga bwe mwazikiriza ensolo, era ensolo n'edhiidha okubatiisa. Olw'ebikolwa eby'obutemo bye mwakola mu nsi, ni mu bibuga, ni ku bantu baamu.

Zefania 3:19

Mu kiseera ekyo nja kubonereza abo ababatuntuza boonaboona; nja kuwonia abalema, era nsololeze ghalala abo abaatwalibwa mu bunhage. Okubairenga okuswala kwaibwe nja kukufuula kitiisa kyaibwe, era bamanhibwe ensi yoonayoona.

Haggai 2:22

ntoolegho obwakyabazinga obw'amaghanga, era nkomye obuyinza bwago. Ndidha kusuula ere ebigaali by'omu lutalo n'abavuzi baabyo. N'embalaasi dhiidha kufa, n'abavuzi baadho baitagane beene na beene.

Zekaria 12:11

Mu kiseera ekyo, okulira mu Yerusalemu kuliba kwa maani ng'oti bwe baalira Hadadi Rimmoni mu kiketezo eky'oku museetwe e Megiddo.

Zekaria 12:4

Mu kiseera ekyo ndireetera embalaasi dhoonadhoona okutya einho, dhaagwamu akatambala, era naaleetera n'abavuzi baadho okugwa eiralu. Ndirabirira abantu b'omu Buyudaaya, aye naaleetera embalaasi edh'abazigu baibwe okutulughala.

Zekaria 12:6

“Mu kiseera ekyo ndireetera ebika eby'omu Buyudaaya okuba ng'oti n'omuliro gwe bakunaaniiza mu mmungo y'enku, oba mu binhwa by'engaano. Birizikiriza amaghanga goonagoona agabyezungulwire agho. Aye abantu b'omu Yerusalemu balisigala nga ghazira kabi kabatuuseeku naire.

Zekaria 13:1

Musengwa Katonda Afuga Amagye akoba ati: “Ekiseera ekyo bwe kirituuka, ensulo eriigulwagho olw'okunaaza ebibi n'obwonoonefu ku baidhukulu ba Daudi n'abantu b'omu Yerusalemu, basobole okwetukuza.

Zekaria 14:13

Mu kiseera ekyo Musengwa Katonda alibaleetera okwezinduka einho, baasoberwa n'okusoberwa. Olwo buli muntu yaagema mwine amuli okumpi, yaamulwanisa.

Zekaria 14:6

Mu kiseera ekyo teribaayo kiinhogogo waire olufu.

Matayo 21:44

Yeenayeena agwa ku ibaale lino amenhekamenheka, aye eibaale lino ye ligwaku limumaniangula.]”

Luka 20:18

Buli muntu agwa ku ibaale eryo amenhekamenheka, ate bwe ligwa ku muntu, limumanhiangula.”

Okwolekebwa 16:14

N'egyo emizimu emibi egikola ebyewuunhio egija eyo ye bakyabazinga ab'ensi yoonayoona okubasoloza, batanule olutalo ku lunaku olukologho olwa Katonda Aghanga Ebintu Byonabyona.