Zekaria 12:11 - Baibuli Ekibono kya Katonda 2014

¹¹ Mu kiseera ekyo, okulira mu Yerusalemu kuliba kwa maani ng'oti bwe baalira Hadadi Rimmoni mu kiketezo eky'oku museetwe e Megiddo.

Zekaria 12:11 ပူးပေါင်းရင်းမြစ်များ

2 Bakyabazinga 23:29

Mu biseera bye ng'akaali kyabazinga, kyabazinga Neko ow'e Misiri yaidha n'eigye okubeeraku kyabazinga w'e Assiria kumpi n'omwiga Eufurate. Agho kyabazinga Yosia yaaja okumulwanisa. Neko bwe yabona Yosia, yaamwitira e Megiddo.

2 Ebyomubyanda 35:22

Aye era Yosia yaaloba kubivaaku naire, yaaloba kuwulirisa Katonda bye yayogera ng'abita mu Neko. Kale yeefuusafuusa era yaaja okulwana olutalo mu kiketezo eky'oku museetwe e Megiddo.

2 Ebyomubyanda 35:24

Kale abagheereza be baamutoola mu kigaali kye eky'omu lutalo kye yalimu, baamwiza mu kigaali kye ekindi eky'omu lutalo, olwo baamutwala e Yerusalemu. Yaafiira eyo era baamuziika mu lwambiidhi lwa badhaadha be. Abantu boonaboona ab'omu Buyudaaya n'ab'omu Yerusalemu baamulira.

Zekaria 12:12

Ensi yoonayoona eririra amaziga, nga buli maka galira lwago: Abasaadha ab'omu maka ag'oku nda ya Daudi balirira ku lwaibwe, ni bakazi baibwe boona baalira ku lwaibwe. Abasaadha ab'omu maka ag'oku nda ya Nathani balirira ku lwaibwe, ni bakazi baibwe boona baalira ku lwaibwe.

Matayo 24:30

Agho akamanhiso ak'Omwana w'Omuntu kaliboneka mu igulu era abantu boonaboona ab'oku nsi balikuba empungu, nga babona Omwana w'Omuntu aidhira mu bire eby'omu igulu n'amaani, n'ekitiisa ekinene.

Okwolekebwa 1:7

Bona, wuuyo aliidhira ku bireri! Abantu boonaboona balimubona, era n'abo abaamufumita balimubona. Abantu boonaboona ku nsi baligegenga ku lulwe. N'ekyo. Amiina.

Okwolekebwa 16:16

Emizimu emibi egyo gyasololeza bakyabazinga mu kifo ekyetebwa Arimageddo mu Luheburayi.