Zekaria 12:10 - Baibuli Ekibono kya Katonda 2014

¹⁰ “Era ndita mu baidhukulu ba Daudi ni mu bantu ab'omu Yerusalemu abandi boonaboona, omwoyo omusaasizi era ogwenda einho okusinza. Kale bwe baliringa ku ole ye baafumita, balimulira ng'oti n'omuntu alira omwana we y'abaire naye yenka ati. Baliwowoola ng'oti n'omuntu alira omwana we omuberi.

Zekaria 12:10 ပူးပေါင်းရင်းမြစ်များ

Amainhama 45:1

Agho Yosefu yaalemwa okwefuga mu maiso g'abagheereza be, yaalagira boonaboona bafulume bave gh'ali. Ghaaloba kusigalagho waire omulala ati, nga Yosefu yeeyoleka eri baganda be.

Amainhama 45:2

Yaawowoola inho, n'Abamisiri baawulira, era n'ab'omu kisaagaati kya kyabazinga baakimanhaku.

Zabbuli 51:12

Ndhiriza eisanhu ery'obulokozi bwo, ompe omwoyo ogwenda okukugonderanga.

Ensambo 1:23

Mufeeyo inho ku bye ndi kubanenia; nja kubakobera byonabyona ebindi ku mwoyo, era mbaghe ku magezi ge ndi nago.

Ensambo 4:3

Bwe nali nkaali n'abazaire bange nga ndi muto mwene era nga ninze omwana waibwe omulala ati,

Isaia 32:15

Aye ekiseera kirituuka, Katonda yaatuyughaku omwoyo gwe okuva ghaigulu. Olwo eribaire eirungu lyafuuka enimiro egimusa ebirime, ate ebaire enimiro egimusa ebirime yaatwalibwa okuba ng'ekibira.

Isaia 45:22

Imwe abantu b'ensi yoonayoona okuva y'eva okutuuka y'ekanga, mukyuke mwire ye ndi mbalokole, kuba ninze Katonda zenka, ezirayo wundi.

Yeremia 31:19

Twakuvaaku twadaaliima, aye mangu ago twamala twenenia. Bwe watubonereza twagonda, twakoteka emitwe nga tuswaire inho. Ensoni dhaatugema twaswala, kuba twatoolera okwonoona nga tukaali bato.’

Yeremia 31:9

Abantu bange baliira nga bali kulira amaziga eno nga bwe basaba, nga nze ndi kubaiza ewaibwe. Ndibabisa eri obwiga obulimu amaadhi, era naababisa mu ngira entereevu baaloba kwekontola kugwa; kuba nze, ninze lata w'Abaisiraeli, era Efuraimu ni mutabane wange omuberi.”

Yeremia 50:4

Musengwa Katonda akoba ati: “Ekiseera ekyo bwe kirituuka, abantu b'omu Isiraeli n'ab'omu Buyudaaya baliidha nga balira amaziga, nga baanoonia nze Katonda waibwe.

Yeremia 6:26

Musengwa Katonda yaakoba abantu be ati: “Imwe abantu bange, muvaale ekutiya era mwevulunge mu ivu olw'enaku. Mulire ng'oti n'alira mutabane we omulala bedengedenge. Mulire lukalukalu, kuba oyo ali kwidha okuzikiriza, aidha kubagwaku bugwe nga timwidhi.

Ezekieli 20:43

Nga muli eyo muliidhukira emize gyaimwe n'ebikolwa byaimwe byonabyona bye mweyonoona nabyo. Olwo mwenenia era mwawulira n'enaku olw'ebibi byaimwe byonabyona bye mwakola.

Ezekieli 37:14

Ndibataamu omwoyo ogwange mwairamu okuba abalamu, naabata mu nsi eyaimwe. Olwo mulimanha nga nze Musengwa Katonda ninze ndiba nkobye, era nga ndikituukiriza. Nze Musengwa Katonda ninze nkobye.”

Ezekieli 39:29

Ndiyugha omwoyo gwange ku b'eighanga Isiraeli, era tiriiramu kabiri kubalekulira agho. Nze Musengwa Katonda ninze nkobye.”

Amosi 8:10

Era akoba ati: “Ndifuula ebibinuko byaimwe byaba mikolo gya kulira, n'enhembo dhaimwe dhaaba kugegenga. Ndibamwesaaku enviiri ku mitwe gyaimwe okudhimaliriraku ng'oti mpaata, naabaleetera okwesiba ebikaakaati mu nkende mwanakughala, mwaba ng'oti n'abazaire abafiiriirwa omwana waibwe omulenzi omulala bedengedenge. Olunaku olwo luliba lwa bulumi lwonalwona.

Zekaria 13:9

Era abo abaliba mu kitundu ekyo ekirala ndibatukuza ng'oti ni feeza bwe bamukenenula mu muliro, era naabagezesa ng'oti ni zaabu bwe bamugezesa. Balinsaba, era zeena naabairamu. Ndibeeta bantu bange, era boona bandheta Katonda waibwe.”

Okubala 21:9

Kale Musa yaakola omusota mu kyuma eky'ekikomo, yaagughanika ku mpango. Era buli muntu omusota ye gwamoodhanga, memale n'alinga ku ogwo ogw'ekikomo, ng'awona.

Matayo 24:30

Agho akamanhiso ak'Omwana w'Omuntu kaliboneka mu igulu era abantu boonaboona ab'oku nsi balikuba empungu, nga babona Omwana w'Omuntu aidhira mu bire eby'omu igulu n'amaani, n'ekitiisa ekinene.

Matayo 26:75

Petero yaidhukira ekibono Yesu kye yali amukobye ati: “Enkoko enaaba ng'ekaali kukolyoka, oidha kuba ng'oneegaine emikuzi esatu.” Agho yaafuluma ku luya, yaalira inho.

Yoanne 1:29

Ku lunaku olwairirira, Yoanne yaabona Yesu ng'aidha y'ali yaakoba ati: “Mubone Entaama Ento eya Katonda etoolagho ebibi eby'ensi!

Ebikolwa by'Abatume 10:45

Abakekete abaikiriza, boonaboona abaidha ni Petero okuva e Yoppa baayasaamirira, kuba n'abamaghanga agandi boona Katonda yabagha ekirabo ekya Mwoyo Mutukuvu.

Ebikolwa by'Abatume 11:15

Agho bwe natoolera okwogera, Mwoyo Mutukuvu yaabaikaku boonaboona nga bwe yaika ku ife mu mainhama.

Ebikolwa by'Abatume 2:17

‘Katonda akoba ati ku nkomerero kino n'ekiribaagho: Ndiyugha ku bantu boonaboona Mwoyo wange. Batabane baimwe ni baghala baimwe baliranga ekiribaagho, n'abaisuka baimwe balibonekerwa, n'abakaire mu imwe baliroota ebirooto.

Ebikolwa by'Abatume 2:33

Mperaano, bwe yamala okuniinisibwa ku mukono omusaadha ogwa Katonda, era n'okufuna Mwoyo Mutukuvu, eyamusuubizibwa Katonda Lata, n'okutugha ekirabo kino kye muli kubona era kye muli kuwulira.

Ebikolwa by'Abatume 2:37

Ebyo bye baawulira byabafumita ku myoyo, baakoba Petero n'Abatume abandi bati: “Baganda baife, tukole ki?”

Ab'e Roma 8:15

Katonda ti yabagha Mwoyo wa kubasibira mu bwiru na kubaleetera kutya, aye mwagheebwa mwoyo abafuula abaana ba Katonda abasobola okweta Katonda “Abba”, ekitegeeza kiti “Iseife”.

Ab'e Roma 8:26

Mu nsambo n'endala Mwoyo atuyamba mu bunafu bwaife, kuba titwidhi kusaba nga bwe kitugwanira, aye Mwoyo mwene atwogererayo mu kusinda okutaloodheka.

Ab'Efeso 6:18

Buliidho musabenga, nga Mwoyo bw'anaabanga abagalagiire. Mubenga beetegefu nga timwiririra, musabirenga abatuukirivu boonaboona.

Abaheburayi 12:2

ng'amaiso tugataire ku Yesu eyatoolereza era atuukiriza okwikiriza kwaife. Oyo olw'eisanhu lye yali asuubira, yagumira omusalaba, yaaloba kutya kuswala. Mperaano atyaime ku luuyi olw'omukono omusaadha olw'ekityamo kya Katonda.

Yuda 1:20

Aye imwe bakagwa, okwikiriza kwaimwe okutukuvu n'okube kube omusingi kwe mwezimbira. Musabirenga mu maani ga Mwoyo Mutukuvu,

Okwolekebwa 1:7

Bona, wuuyo aliidhira ku bireri! Abantu boonaboona balimubona, era n'abo abaamufumita balimubona. Abantu boonaboona ku nsi baligegenga ku lulwe. N'ekyo. Amiina.

1 Samueli 7:2

Esanduuku ey'Endagaano ya Musengwa Katonda yamala ekiseera kinene ng'eri mu Kiriathi Yearimu emyaka ng'oti makumi abiri. Abaisiraeli baamala ekiseera ekyo nga balirira Musengwa Katonda abayambe.