Zekaria 12:1 - Baibuli Ekibono kya Katonda 2014

¹ Buno n'obukwenda bwa Musengwa Katonda obugema ku Isiraeli. Musengwa Katonda oyo n'eyabambagho eigulu, yaatonda n'ensi, era yaagha abantu obulamu. Era akoba ati:

Zekaria 12:1 ပူးပေါင်းရင်းမြစ်များ

Amainhama 1:8

Ekyawulamu ekyo Katonda yaakyeta Eigulu. Bwaziba era bwakya olwo lwaba nga n'olunaku olwokubiri.

Amainhama 2:7

Agho Musengwa Katonda yaawumba omuntu mu itaka, yaamufuuwa mu nhindo omuuka ogw'obulamu olwo omuntu yaatoolera okuba omulamu.

Yobu 26:7

Abamba eigulu ku luuyi olw'omukono omugooda olw'e buvandhuba, era yaalengeedhia ensi mu ibbanga.

Yobu 37:18

osobola okugemeraku Katonda okubamba eigulu, ni limesunkana ng'oti mbonerwamu?

Zabbuli 104:2

weebwika obutangaavu ng'oti kivaalo, era waayandhuluza eigulu ng'oti weema.

Zabbuli 134:3

Musengwa Katonda oyo aba mu Sioni abaghenga enkabi, oyo eyakola eigulu n'ensi.

Omulangirizi 12:7

Olwo ng'omubiri gwira mu itaka mwe gwava, n'omwoyo nga gwirayo ye Katonda eyagukugha.

Isaia 40:12

Naani eyaali apimyeku obungi obw'amaadhi g'enhandha ng'agasenesa bwa ngalo dhe? Oba okupima eigulu ng'akozesa bwa mikono gye? Naani eyaali apimyeku obungi obw'enkungu eri ku nsi? Oba okuta ensozi n'obusozi ku minzaani okubipima?

Isaia 40:22

Kale ni bwenebwene Katonda oyo n'atyama ghaigulu gh'ensi eneetooloovu. Abantu abagibaaku baboneka nga batini ng'oti masisi. Katonda oyo yabambagho eigulu ng'oti lutimbe, yaalyandhuluza ng'oti weema ya kubaamu.

Isaia 42:5

Musengwa Katonda n'eyatonda eigulu yaalibambagho, era yaayandhagho ensi yaagitaamu n'ebigirimu byonabyona. Abantu ababa mu nsi eyo ni bagitambuliramu, yabataamu omuuka gwe bagheera n'omwoyo ogw'obulamu. Era Musengwa Katonda oyo akoba omugheereza we ati:

Isaia 44:24

“Ninze Musengwa Katonda Omununuzi waimwe, eyabatonda ni mbata mu nda dha bainhaimwe. Ninze Musengwa Katonda eyakola ebintu byonabyona, ni mmambagho eigulu zenka, era ni nhandhagho ensi nga ghazira angemeireku naire.

Isaia 45:12

Ninze natonda ensi, naatonda n'abantu abagibaamu. Nakozesa obuyinza bwange, naabamba eigulu, era ninze nfuga n'ebiri ghaigulu mu ibbanga byonabyona.

Isaia 45:18

Musengwa Katonda yatonda eigulu, era oyo ni Katonda. Yaawumba ensi yaagikola, yaagitaagho yaaba ngumu begulugulu. Tiyagitondera kubaagho nga ntabangufutabangufu, yagitaagho nga ya kubangamu bantu. Era akoba ati: “Ninze Musengwa Katonda zenka, ezirayo Katonda wundi naire.

Isaia 48:13

Ninze mwene eyataagho omusingi gw'ensi, era nze mwene naabambagho eigulu; bwe mbyeta bivugira era byaidha mangu.

Isaia 51:13

Obwo mwerabiire Musengwa Katonda Omutonzi waimwe eyabamba eigulu, n'ataagho n'emisingi gy'ensi? Lwaki buli kaakyeire muba mu kutya, olw'obusungu bw'abo ababatuntuza, abeetegeike okubazikiriza? Mpegaano obusungu bwaibwe mukaabubonaku naire?

Isaia 57:16

Ninze nafuuwa omuuka ogw'obulamu mu bantu bange, era tiribasungughaliranga bujiiririire waire okubavunaananga emisango buliidho kuba ekyo kisobola okubaleetera okufa, ate nga ninze mwene eyabagha obulamu.

Yeremia 10:12

Musengwa Katonda n'eyakola ensi n'obuyinza bwe, yaataagho eby'oku nsi n'amagezi ge, era yaabamba eigulu n'okutegeera kwe.

Yeremia 30:10

Kale ni, imwe abantu bange Abaisiraeli, mutatya, waire okweraliikirira. Mubone eno, nze ndibanunula, naabatoola mu nsi eyo ey'eghala, ensi ye mulimu ng'abasibe. Muliira ewaimwe mwatyama mwatereera nga muli mu miraala, era nga ghazira kibatiisa naire.

Yeremia 30:16

Aye mpegaano imwe abantu bange mulobe kutya: Abo boonaboona ababaita, boona baliitibwa. Abazigu baimwe boonaboona balitwalibwa mu bunhage. Abo boonaboona ababatuntuza, boona balituntuzibwa. N'abo ababanhagaku ebyaimwe, boona balinhagibwaku ebyaibwe.

Yeremia 38:16

Kyabazinga Zedekia oyo yandayirira mu kaama ati: “Nga Musengwa Katonda bw'ali omulamu, Katonda oyo eyatugha obulamu, tiidha kukwita waire okukughaayo y'abo abenda okukwita.”

Yeremia 50:34

Aye Omununuzi waibwe wa maani. Eriina lye ayetebwa Musengwa Katonda Afuga Amagye. Oyo n'alibalwanirira mwene, yaaleeta emiraala ku nsi, aye mu Babilonia yaaleetamu bizibu byereere.”

Yeremia 51:15

Musengwa Katonda n'eyakola ensi n'obuyinza bwe, yaataagho eby'oku nsi n'amagezi ge, era yaabambagho eigulu.

Okulira 2:14

Abalanzi baimwe, mu kifo eky'okubakobera okubonekerwa okuva ewa Katonda, baabakoberanga bya buguya, ebibi byaimwe baabighembaku bughembe okubafiiriza enkabi. Obukwenda obuva ye Katonda baabubakobera mu busobu, bwabaleetera okudaaliima.

Ezekieli 18:4

Bona eno, nze ninze nfuga obulamu obwa buli muntu, ka bube obw'omuzaire oba obw'omwana. Kale omuntu akola ebibi n'alifa.

Yoeli 3:19

Ensi Misiri erifuuka irungu, n'ensi Edomu yaafuuka bifulukwa byereere; kuba abantu b'omu nsi edho baalumba Buyudaaya, baita abantu abaziraku musango.

Yoeli 3:21

Ndyesasuuza olw'omusaayi gw'abo abaitibwa aghazira kusaasira muntu yeenayeena aliku musango. Era nze Musengwa Katonda ndidha kubanga mu Sioni.”

Zekaria 9:1

Buno n'obukwenda bwa Musengwa Katonda: Musengwa Katonda asazeegho okubonereza ensi Haduraki n'ekibuga ky'e Damasiko. Era ekibuga kya Siria ekikulu kya Musengwa Katonda oyo, n'ebika byonabyona eby'omu Isiraeli byona bibye.

Malaki 1:1

Buno n'obukwenda Musengwa Katonda bwe yagha Malaki okutwalira Abaisiraeli.

Okubala 16:22

Aye Musa ni Aaroni baakutama n'ebyeni byatuuka ku itaka, baakoba bati: “Wo Katonda waife, niiwe ensimuko ey'obulamu obwa buli kintu. Omuntu omulala bw'akola ekibi osungughalira abantu boonaboona?”

Abaheburayi 12:9

Ekyo nga kiri agho, twali ni balata baife mu mubiri abaatukangaivulanga era twabatangamu ekitiisa. Kale titugwaine kugondera Lata waife mu mwoyo kusingagho inho tube abalamu?