Zekaria 11:8 - Baibuli Ekibono kya Katonda 2014

⁸ Ghaabaagho abaayi basatu abankyagha ni bandeetera okubeesinwa. Kale naababinga mu mwezi mulala guti.

Zekaria 11:8 ပူးပေါင်းရင်းမြစ်များ

1 Bakyabazinga 11:25

Yaafuga Siria, era yaaba muzigu wa Isiraeli inho mu biseera bya Solomoni byonabyona, yaataghaania Isiraeli ng'oti ni Hadadi bwe yakola.

Zabbuli 106:40

Agho obusungu bwa Musengwa Katonda bwatumbukira ku bantu be abo ng'oti muliro, Musengwa Katonda oyo yaatuuka okwesinwa abantu be abo beene be yeerondera.

Zabbuli 5:5

Toyenda na kulinga ku beesaakiriza, era okyagha abakozi b'ebibi.

Zabbuli 78:9

Aba Efuraimu nga bagemye obulaso ku lunaku olw'olutalo, baakyuka baalumuka abazigu.

Isaia 49:7

Musengwa Katonda Omutukuvu era Omununuzi wa Isiraeli, yeeyongera yaayogera n'omugheereza w'abafuzi oyo abantu ye banhooma einho, n'amaghanga ye gakyagha. Yaamukoba ati: “Bakyabazinga balikubona ng'osibwirwa, baasituka baakutaamu ekinhagansi, n'abakungu boona balikubona baakukubira amakiryaivu; kuba Musengwa Katonda omwesigwa era Omutukuvu wa Isiraeli n'eyakulonda.”

Yeremia 12:8

Abantu bange be neerondera banfuukiire ng'oti mpologoma bw'ewologomera mu kibira, bankaabukira nga banvuma. Kyenviire ni mbakyagha.

Yeremia 14:21

Idhukira bye watusuubiza olobe kutusuula bw'ere. Otaswaza Yerusalemu ekifo eky'ekitiisa ekibaamu ekityamo kyo eky'obwakyabazinga. Otamenhagho ndagaano ye wakola n'ife.

Yeremia 6:30

Baidha kwetebwanga biseedha bya feeza, kuba nze Musengwa Katonda mbalekuliire agho.”

Ezekieli 14:5

Olwo nsobole okwiza ye ndi ab'omu ighanga Isiraeli boonaboona, ebisinzibwa ebyo ebitali Katonda be byaleetera okunvaaku.

Ezekieli 16:45

Bwenebwene oli mughala wa inhoko, eyakyagha iba n'akyagha n'abaana be. Era oli nga baganda bo, abaakyagha baibaibwe ni bakyagha n'abaana baibwe. Inhaimwe yali Muhitti, ate iseimwe yaaba Muamori.

Hosea 4:6

Abantu bange bazikirira olw'okuba tibandidhi nze. Imwe bakabona mwaloba okuumanha nze, kale ni zeena ndibaloba okuba bakabona bange. Era nga bwe mwerabira amateeka gange nze Katonda waimwe, zeena nja kwerabira abaana baimwe.

Hosea 5:7

Tibabaire beesigwa naire ye Musengwa Katonda era bazaire abaana abatali babe. Aye tibaabite mu Kibinuko eky'Okuboneka kw'Omwezi, baja kuzikirira beene ghalala n'enimiro dhaibwe.

Hosea 9:15

Musengwa Katonda akoba ati: “Baatandiikira Giligali okukola ebibi. Era eyo nze ye natandiikira okubakyagha. Kale ni ndibabinga mu nsi yange olw'ebibi bye bakola. Tiriiramu kabiri kubagonza. Abakulembeze baibwe boonaboona bandheemera.

Abalevi 26:11

Nnaabanga mu imwe, era tiibakyaghenga.

Abalevi 26:30

Ndidha kuzikiriza ebifo byaimwe ebigulumivu bye musinzizaamu emisambwa, era mmenheregho irala alutaari dhe muniokezaaku obubbaani olw'emisambwa egyo, n'emirambo gyaimwe ngisuule ku bifaananie eby'emisambwa egyo gye musinza. Mu busungu obungi

Abalevi 26:44

Aye waire ng'ebyo binaabanga bityo, bwe banaabanga nga bakaali mu nsi y'abazigu baibwe, tiibalekulirenga agho oba okubakyagha obujiiririire, ni mmenhagho ndagaano ye nakola nabo; kuba ninze Musengwa Katonda waibwe.

Luka 12:50

Ndi n'okubatizibwa kwe nja okubatizibwamu, era kuunumya inho omwoyo, okutuusa lwe kulituukirizibwa.

Luka 19:14

Aye abantu ab'omu nsi ye, baali nga baamukyagha, era baagheereza abakwenda abaamuva einhuma okukoba bale ye yali ali kuja bati tibenda oyo abafuge.

Yoanne 15:18

“Oba nga ensi ebakyagha, muteerabira nga ninze ensi ye yasooka okukyagha.

Yoanne 7:7

Ensi tesobola kubakyagha, aye nze enkyagha, kuba mpa obudhulizi ku bikolwa byayo ebibi.

Amateeka Agokubiri 32:19

Musengwa Katonda bwe yakibona, yaasungughala. Yaakyagha batabane be ni baghala be abo.

Abaheburayi 10:38

Omutuufu wange anaabanga mulamu lwa kwikiriza, aye bw'aira einhuma tiri musangaalira naire.”