Zekaria 11:7 - Baibuli Ekibono kya Katonda 2014

⁷ Kale naafuuka mwayi wa ntaama edh'okwitibwa, nga ndhayira abo abaadhisuubulanga. Era naatoola emiigo ebiri, naagigema mu ngalo: ogundi naagutuuma eriina “Nkabi” ate ogundi naagutuuma eriina “Kweyimba”. Agho naasigala nga ndi kulabirira entaama edho.

Zekaria 11:7 ပူးပေါင်းရင်းမြစ်များ

Zabbuli 23:4

Era ni bwemba nga ndi kutambulira mu kikonko ekiidhwire enzikiiza etiisa ng'oti kufa, ezira kibi kye ntyamu, kuba iwe oli ninze. Mpulira emiraala bw'oba ng'ogemye omwigo gwo ogunkuuma, era ng'ogemye n'ogwo ogundholeka engira.

Zabbuli 27:4

Ekintu kirala kiti kye nsaba Musengwa Katonda, kye nhenda kiri kirala nti mbenga mu ndhu ya Musengwa Katonda enaku dhoonadhoona edh'obulamu bwange, okulingirira obulungi bwa Musengwa Katonda, n'okumusaba angalagire;

Zabbuli 90:17

Wo Musengwa Katonda waife, tukusaba enkabi dho dhibenga n'ife, kiisi kye tugemaku kitujiirenga bukalamu bwenebwene ghabule ekitulema.

Isaia 11:4

Aye aidha kusalanga emisango gy'abaavu mu butuufu, era akolerenga abaziraku bwogereso ebyo bye bagwaniire okukolerwa. Aliragira bulagire, abantu mu nsi baabonerezebwa, era ababi baitibwa.

Isaia 40:11

Aidha kulabirira entaama dhe ng'oti n'omwayi bw'akola: asoloze edhikaali ento adhibbeedere mu kifuba, ate enzaire edhiyonsa adhitambuze mpola n'obwegendereza.

Isaia 61:1

Omwoyo gwa Musengwa Katonda gundiku, kuba yansiiga omuzigo, yantuma okukobera abadaazibwadaazibwa amawulire amalungi. Yantuma okugumya abaawaamu emyoyo, n'okulangirira eri abali mu bunhage nti baidha kulekulwa babe ba idembe, n'abasibe nti baidha kusibulwa mu ikomera.

Yeremia 39:10

Yaaleka mu Buyudaaya abandi ku bantu abaavu einho abazira ke bali nako, yaabagha amasamba ag'emizabbibu n'ebibandha.

Abalevi 27:32

Ku buli nsolo ikumi enfuge, endala enaabanga ya Musengwa Katonda. Ensolo dhaimwe, ka dhibe ente oba entaama oba embuzi, bwe dhinaabanga nga dhiri kubalibwa, ku buli ikumi munaatoolangaku ndala yaaba ya Musengwa Katonda.

Mika 7:14

Wo Musengwa Katonda, ife abantu bo be weerondera okuba ababo ku bubwo, tulabirire ng'omwayi bw'agema omwigo n'alabirira entaama dhe. Waire tuli eyo twenka mu irungu, aye ensi etwezungulwire ngimu. Tuleke tuje tukozese ebiketezo by'e Bashani n'e Gileadi ebigimu obulungi nga bwe twakolanga eira.

Zefania 3:12

Be ndirekagho mu imwe, n'abo abawombeefu n'abaavu abanaidhanga okunsaba okubeerwa.

Zekaria 11:14

Naatoola omwigo ogwokubiri gwe natuuma eriina “Kweyimba”, naagumenhamu okusazaamu okweyimba kwa Buyudaaya ni Isiraeli.

Zekaria 11:4

Agho Musengwa Katonda wange yankoba ati: “Fuuka mwayi wa ntaama edh'okwitibwa.

Matayo 11:5

Abatulu babona, abalema batambula, abali n'endwaire ey'ebigenge balongooka, abaasemba amatu bawulira, abafu bazuukizibwa, n'abaavu bakoberwa Amawulire Amalungi.

Mariko 12:37

“Daudi mwene amweta ‘Musengwa’ memale obwo aba atya mwidhukulu we!” Olukunkumuli olw'abantu abaali agho baamuwulirisa n'eisanhu.

Yoanne 10:16

Ndi n'entaama edhindi, aye nga tidhiri mu kyayo kino. Nteekwa dhoona okudhireeta, dhiriwulira amamiro gange, era dhirifuuka dha mu kyayo kirala n'omwayi mulala.

Yakobo 2:5

Aboluganda abagonzi, muwulire kino: Katonda yalonda abaavu ab'oku nsi kuno okuba abakombe mu kwikiriza, era n'okuba mu Bwakyabazinga bwe yasuubiza abo abamugonza.

1 Samueli 17:40

Agho Daudi yaagema omwigo gwe, yaalonda amabaale mu kaiga amaseene obukalamu ataanu, yaagata mu ndyanga ye ey'omwayi. Era yaagema n'ensuumulo ye, yaaseeta eri Omufilisiti.

1 Samueli 17:43

Omufilisiti yaakoba Daudi ati: “Nze ondhese mbwa, memale ondhidhire n'emiigo obwigo.” Agho yakolimira Daudi mu liina ly'emisambwa gye.