Zekaria 11:14 - Baibuli Ekibono kya Katonda 2014

¹⁴ Naatoola omwigo ogwokubiri gwe natuuma eriina “Kweyimba”, naagumenhamu okusazaamu okweyimba kwa Buyudaaya ni Isiraeli.

Zekaria 11:14 ပူးပေါင်းရင်းမြစ်များ

Isaia 11:13

Ensaalwa ya Isiraeli eriwaagho, n'abazigu ba Buyudaaya baazikirizibwa; obwakyabazinga bwa Isiraeli tibuligemerwa nsaalwa bwakyabazinga bwa Buyudaaya, era Abayudaaya tibalikiriga Baisiraeli.

Isaia 9:21

Abamanasse n'Abaefuraimu balirwanagana beene na beene, ate baamala beeyimba okulwanisa ab'ekika kya Yuda. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaagalwire omukono gwe okubabonereza.

Ezekieli 37:22

Ndibafuulamu eighanga irala mu nsi eyo, ku nsozi edh'omu Isiraeli. Kyabazinga mulala n'aja okubafuganga boonaboona, nga tibakaali maghanga abiri, waire okweyawulamu okuba obwakyabazinga obubiri.

Zekaria 11:6

Musengwa Katonda kyava n'akoba ati: “Zeena tikairayo kusaasira muntu mu nsi eno. Bona eno, nze mwene ndighaayo abantu boonaboona, naabata mu buyinza bw'abafuzi baibwe. Abafuzi abo balizikiriza ensi eno, era ezira muntu ye ndinunula kumutoola mu buyinza bwaibwe.”

Zekaria 11:7

Kale naafuuka mwayi wa ntaama edh'okwitibwa, nga ndhayira abo abaadhisuubulanga. Era naatoola emiigo ebiri, naagigema mu ngalo: ogundi naagutuuma eriina “Nkabi” ate ogundi naagutuuma eriina “Kweyimba”. Agho naasigala nga ndi kulabirira entaama edho.

Zekaria 11:9

Agho naakoba entaama nti: “Tikaali mwayi waimwe. Edho edh'okufa ka dhife, edho edh'okuzikirira ka dhizikirire, edho edhinaasigalagho ka dhiriidhagane emamba.”

Matayo 24:10

Agho abantu kamaala baliterebuka, baaliidhaganamu enkwe, era baakyaghagana.

Mariko 3:24

Era obwakyabazinga obweyawulamu tibusobola kubaagho.

Ab'e Galatia 5:15

Aye bwe munaira agho okumoodhagana n'okudaazadaaza banaimwe mugwaine mwekuume, kuba musobola okwezikiriza beene na beene.

Yakobo 3:14

Aye oba nga mu myoyo gyaimwe mwidhwire ensaalwa enkambwe, n'okweyendeza mwenka, muteesuutanga biziramu muti mbu muli n'amazima.

Yakobo 3:16

Kuba aghaba ensaalwa n'okweyendeza, n'aghaba n'okutabukatabuka n'emize emibi eja buli nsambo.