Zekaria 11:10 - Baibuli Ekibono kya Katonda 2014

¹⁰ Agho naatoola omwigo gwe natuuma eriina “Nkabi” naagumenhamu, okusazaamu endagaano Musengwa Katonda ye yali akoze n'abantu ab'amaghanga goonagoona.

Zekaria 11:10 ပူးပေါင်းရင်းမြစ်များ

Zabbuli 50:2

Katonda oyo ayakaayakana ng'ali mu Sioni ekibuga ekituukiriire mu bulungi bwakyo.

Zabbuli 89:39

Osaziizaamu endagaano yo n'omugheereza wo, n'engule ye waagifuuta mu itaka.

Zabbuli 90:17

Wo Musengwa Katonda waife, tukusaba enkabi dho dhibenga n'ife, kiisi kye tugemaku kitujiirenga bukalamu bwenebwene ghabule ekitulema.

Yeremia 14:21

Idhukira bye watusuubiza olobe kutusuula bw'ere. Otaswaza Yerusalemu ekifo eky'ekitiisa ekibaamu ekityamo kyo eky'obwakyabazinga. Otamenhagho ndagaano ye wakola n'ife.

Ezekieli 24:21

mbakobere imwe abantu ab'eighanga Isiraeli nti: Bona eno, ndyonoona eisinzizo lyange, eribaleetera okwebona nga muli ba maani, ni libasanhusa okulingirira, ni mwegomba okulingiramu. N'abaana baimwe be mwaleka mu Yerusalemu, balifiira mu lutalo.

Danieli 9:26

Ng'emyaka enkaaga n'ebiri emikuzi omusanvu gibiseegho, omukulembeze omulonde wa Katonda aja kwitibwa, aye ng'aziraku musango. Ghalibaagho omufuzi ow'amaani aliidha n'eigye lye, yaazikiriza ekibuga n'eisinzizo. Enkomerero ye eriba ng'oti maadhi ga mwiga ogubanze. Era ghalibaagho olutalo n'okuzikirizibwa.

Hosea 1:9

Musengwa Katonda yaakoba Hosea ati: “Mutuume eriina ‘Tiibantubange,’ kuba imwe timukaali bantu bange, era zeena tikaali Katonda waimwe.”

Zekaria 11:7

Kale naafuuka mwayi wa ntaama edh'okwitibwa, nga ndhayira abo abaadhisuubulanga. Era naatoola emiigo ebiri, naagigema mu ngalo: ogundi naagutuuma eriina “Nkabi” ate ogundi naagutuuma eriina “Kweyimba”. Agho naasigala nga ndi kulabirira entaama edho.

Okubala 14:34

Mwidha kudaagadaaga olw'ebibi byaimwe okumala emyaka amakumi ana. Buli lunaku, ku nnaku amakumi ana dhe mwamala nga mukeeta ensi eyo, mwidha kulusasulangamu mwaka mulamba. Memale olwo mumanhe nga tiri musangaavu.

Luka 21:32

Bwenebwene, ka mbakobere, ebintu bino bija kubaagho ng'ab'oluse luno bakaali kuwaagho.

1 Samueli 2:30

Nze Musengwa Katonda wa Isiraeli kyenva ni nkoba nti, nasuubiza ng'ab'endhu yo n'ab'endhu ya dhaadha wo banampeerezanga ekiseera kyonakyona. Aye mpegaano nze Musengwa Katonda nkoba nti ekyo nkimenhiegho, kuba abo abantaamu ekitiisa, be ndidha okutangamu ekitiisa, ate abo abaanhooma, tibaateebwengamu kanhagansi.