Zekaria 10:9 - Baibuli Ekibono kya Katonda 2014

⁹ Waire nabasansaaniza mu maghanga, aye era balindidhukiranga nga bali eyo mu nsi edh'eghala. Era beene aghalala n'abaana baibwe balisigala nga bakaali balamu, baamala baira eka ewaibwe.

Zekaria 10:9 ပူးပေါင်းရင်းမြစ်များ

Nehemia 1:9

Aye bwe munaakyukanga ni mwira ye ndi, ni mujiira ku biragiro byange, ndidha kubakungaanianga ni bwe munaabanga nga musansaanire eyo eghala einho, mbaleete mu kifo kye nalonda okunsinzizangamu.’

Isaia 44:21

Musengwa Katonda akoba ati: “Iwe Yakobo idhukiranga ebintu ebyo, kuba oli mugheereza wange iwe Isiraeli. Nakutonda obe mugheereza wange, era tirikwerabira naire.

Isaia 64:4

Okuva eira n'eira ghazira muntu yaali aboineku waire okuwuliraku, oba okulowoozaaku ku Katonda owundi akolera abamusinza ebyewuninkiriza, okutoolaku iwe wenka.

Isaia 65:23

Emirimo gye balikola tibalidaagira bwereere. N'abaana be balizaala tibalituukibwaku kabi naire kuba nze Musengwa Katonda mwene ndibagha enkabi ghalala n'eizaire lyaibwe.

Isaia 65:9

Nditaagho ku baidhukulu ba Yakobo n'aba Yuda, baatwala ensi eyo erimu ensozi dhange. Abantu bange abo be nalondamu era abagheereza bange abo baligitwala yaaba yaibwe ku bwaibwe, era baagibangamu.

Yeremia 31:27

“Nze Musengwa Katonda nkoba nti ekiseera kiri kwidha, ndidhuze Isiraeli ni Buyudaaya abantu n'ensolo.

Yeremia 51:50

Agho Musengwa Katonda yaakoba abantu abali mu Babilonia ati: “Imwe muwonie okwitibwa! Mperaano muje, era mutalwa naire! Waire nga muli ghala inho mutyo n'eka, aye mundidhukire nze Musengwa Katonda waimwe era mulowooze ku Yerusalemu.

Ezekieli 6:9

baaba eyo mu bunhage. Abo balindidhukira nga bali eyo era baamanha nga bwe namenha emyoyo gyaibwe egitali myesigwa egyanvaaku, ni giira ku kusinza ebifaananie ebitali nze Katonda. Kale balituuka beene okwesinwa olw'ebibi byaibwe, n'olw'ebyenhinhalwa bye bakola.

Hosea 2:23

Ndita abantu bange mu nsi yaibwe, baaba bukalamu. Ndisaasira abo abaali beetebwa bati “Tibasaasirwa,” era abo abaali beetebwa bati “Timuli bantu bange,” ndibakoba nti: “Muli bantu bange.” Boona baliiramu bati: “Niiwe Katonda waife.”

Amosi 9:9

“Ndidha kulagira abazigu bakunguute Abaisiraeli nga bali eyo mu maghanga, ng'oti n'omuntu bw'akunguuta engaano mu kakunguuto, era ezira mubi aja kubitira.

Mika 5:7

Olwo Abaisiraeli abaliwonagho eyo ye baliba mu maghanga mu bunhage, baliba ng'oti n'omusulo oguva ye Musengwa Katonda, era baaba ng'oti n'amaadhi agagwa agakuza ebisimbe. Baja kwesiga maani ga Katonda gonka, se ti ga bantu.

Ebikolwa by'Abatume 8:1

Saulo yaaganha Sitefano aitibwe. Mu kiseera ekyo Ekikunsu ky'Abaikiriza mu Kurisito, mu Yerusalemu, kyakirigibwa inho. Boonaboona, okutoolaku Abatume, baasansaanira mu biketezo eby'e Buyudaaya ni Samaria.

Ebikolwa by'Abatume 8:4

Agho ni abo abaasansaana baaja nga bakobera abantu ekibono kya Katonda.

Ab'e Roma 11:24

Oba nga iwe olusaga olw'omuti omwoliva ogw'omu nsiko, wawogolwa waateebwa ku muti omwoliva ogw'omu nimiro kw'otaatonderwa, memale ensaga edhaatonderwa ku muti ogwo tidhirisingagho kuba nhangu okwizibwa ku muti gwadho gwene?